جزع شهر ونص وهشام في المخاء قبل ثلاث ايام اتصل وقالي ان قواتنا اقتحمت الخوخة وصاحبه سقط شهيد وزميلة جريح وانه يشوف الموت قريب منه قالي لو حصلي شيء اوبي توقفي حياتك بعدي الايام بتنسيك هشام وباتحبي تاني وباتتزوجي وكوني قوية وعيونك اللي احبهم اوبي تبكيهم, اذكر وقتها كنت الدموع ينزلو بس بدون صوت كنت افز من نومي ابكي عليه واقوم بعدها اصلي ان ربي يحفظه! الظهر جابو بقناة الحدث انه في قصف صاروخي على قوات نحن بالمخاء دخلت اجري زي المجنونة عند ابي اقوله ابا ابا اتصل بهشام الان جابو في قصف فوقهم!
وقام ابي يتصل به مايرد فقدنا الاتصال فيبة تلات ايام لدرجة اننا رحنا ندور بين الجثث بالجمهورية دخلت الجمهورية ويدي فوق قلبي اشتي جثتة حتى لو استشهد عادي اهمشي اشوف ملامحة وادفنه اهمشي اعرف له قبر !
دخلنا الثلاجة حق الموتى اني وعمتي وابي فتحنا الجثة الاولى جاهل اصغر مني بسنة كان تقريباً عمرة ثمانطعشر واللي بعده رجال اربعيني الجثة الثالثة كانت تشبه هشام لدرجة فلتنا اني وعمتي على ركبنا لمن شفنها وقتها عطيت صوت من داخل قلبي! قلت هشششششششامممم يا ابا هشام اللي بالممر اجو لفوقنا كلهم والناس يبكو معا نحن كان الشبه بينهم كتير عمتي ساكته فوق الجثة وتتفرج لها واني فقدت نفسي وقتها كنت الطم نفسي ليش خليته يروح ليش مامنعته! هشام ي قلبي اصحي اصحي قلت بتكلم ابي صح!
اندكه ابي عندك اصحي وباسوي لك خبز! اصحي وباكوي تيابك اللي مارضيت اصبنهم لك لمن قلت لي صبنيهم! هشام قوم بنروح كب كوفي وبشتري لك كرواسون! قوم وطز بالناس اللي كنت اقولك عليهم لمن تنزل منشور فيس وتمنشن لي فيبه ووقتها دخلو جرحى جدد وارتبشت الطوارىء حق الجمهورية خمس دقايق واخي يتصل بابي انه هشام اسير مع الحوثة! الشعور كان ملخبط لمن سمعنا الاسبيكر حق ابي نفرح ان الجثة دي مش لهشام ولا نزعل انه لو مات احسن له من انة يكون بيدات بشر زي كذا!
روحنا ذاك اليوم لخورمكسر
عمتي فاقدة الوعي ارتفع عندها الضغط ركبنا لها دريبات وكل ماتفك عيونه تبكي! اما عني! فاني مش داكرة غير اني كنت اقوم ابكي وارجع انام اشوف هشام بالحلم احضنة ويضيع من يدي واصحي ابكي على ذا الحال اسبوعين لمن يوم الاثنين الصبح الساعة 10:44ص اتصلو لعمي ان "حمدي شكري" كمان ماسك اسرى "قناديل"من الحوثة وانه في تبادل اسرى بيستوي اتواصلنا وقتها بمشايخ بيافع عشان يدخلو اسم هشام من ضمن الاسرى! ثلاث ايام ونحن على نار لمن ردو لنحنا وقالو ابشرو ولدنا بيرجع يوم السبت الصبح ليافع تعالو استلموه ليافع راحو عمومي وابي واخي الساعة 7:30ص
كنا جالسين بالوحش من تمان لمن وقت الغداء قمنا نحن الشبات نسوي الغداء محد له نفس ياكله بس عشان هشام لمن بيجي يلاقي اكل اكيد ماكانو يعطوه اكل اكيد كان يرقد بالارض اصلا هو عندهم "داعشي "تكفيري " و لولا الله انه حول لنا باهل "السعدي " فات هشام من ضمن الشهداء.. يارب يوصل بخير يارب ماعاد بخليه يروح!
دخلت الحمام عشان اتوضي بصلي ركعتين بدعي ربي يجيبهم بخير "لاقيت تياب هشام بالمصبنه خرجت الجرم اللي خيطه من حلقة داك اليوم لمن انقطع بدون وعي مني جسيت اشمه والله العظيم كنت اشمه وابكي كانني حاضنة هشام واكلمة ليش رحت والله ماعاد تروح بعدها ماكنت اشتي افتح للجرم! الا بنت عمي تدق باب الحمام عشان اشتي تدخل وقتها حطيت الجرم وخرجت جسيت جنب عمتي بالحوش قلتله ي عمه باجيب لك حاجة كليها انتي بلا اكل !قالت لي باكل مع هشام لمن بيجي وحدفني وباسني بخدي
الساعة 7:12م سمعنا ضرب رصاص وهون بوابير خرجنا للحوش نتخاوص اشوف واحد مع الرجال شعره مشعتل ودقنة كتيف وتيابة موسخين والعيال يتحدفوه لمن دخل البيت عمتي زغردت وحدفنه وهو حدفها وبكاء وعماتي التانيات اجو حدفوه وهو بحدف عمتي البيت كله كان يبكي حتى الجهال يبوسنه ماعاد قدرت اشوفه طلعت فوق الحجر اللي بلحوش اشتي اشوفه فقدانه له اشتي احضنة وابكي ياريت اقدر احضنة !هشام حبيبي وربي كنت بجنن لو حصل فيبك شيء ...هشام مدني فوق رجول امه ويبكي وعمتي انيسة تبوسه بظهرة وتسحبه لسنها وحضننه وابي وعمومي كلهم كانو يشتو يحضننوه وحضنوه الا اني! دخلنا البيت واخواني وعيال عمومي جنبه بمخزن ماقدرت ادخل معاهم لانه حتى عيال حافتهم دخلو واصحابه اجو وقتها قمنا نحن الحريم نسوي عشاء حتى عمتي المريضة خرجت تنجح خبز معانا بالحوش وقدمنا العشاء للعيال والساعة 10:52م عمي محمد فك شرح وهشام بالحمام فتح الباب يدانق قالهم ايش في عرس من!؟
وهو يضحك قاله توفيق بن عمي الليل اخرح فيسع، تلات دقايق وهو خارج لابس فوطة وجرم نص كوم ولمن خرج كلنا زغردنا وساني لعند عمي الكبير وقامو يشترحو على غنية "مابابشل حاجة بيدي باروح ويدي خليه "بعدين رقص هو وامي وبعدين هو وامه بعدين هو وابي واخي وامي وامه وعمتي بعدين عمومي وهو وعماتي واني اتفرج لهم وفرحانة سحبني عمتي امة عشان ادخل ارقص معاهم واني اتناسف اول ماشافني قال اوووه القزعة خرجونة ماتعرفش ترقص شرح كان يضحك وهم ضحكو واني شليت نفسي بجلس هو نتعني من المقرمة قال وربي باترقصي وقال لتوفيق فك غنية "محلا الويل والمقرمة "تعجبها ورقصنا اني وهو واخي وامه كنت ارقص شرح واني مدنيه والله ورجولي يتخابطو ههههههه كان يوم حلو عوض نحن فيبة ربي عن الاسبوع اللي جزع الساعة 1:00ص طفت الكهرباء فرشنا بالحوش وهشام فراشة جنب عمتي حل الجرم عشان ينام وعمتي شافت لكمات فيبة قامت تبكي قيمت البيت كلنا اجينا نشوف وهشام يضحك ولاحسه قال لابي لو تدري من اللي سوا فيبي كذا مابتصدق! قاله من قال اللي كان يبيع العتر جنب المجمع الصحي حق المعلا قال ابي اسالك بالله قال لابي قسم بالله والمشكلة انه طلع ماسك رتبة كبيره بالحرس! فجاة قال لابي ي عمي وخالي بكرة ان شاء الله بجلس معك اوبه تروحو! ولفت لعندي وضحك! اتمددنا كل واحد فوق فراشة هو يدانق من وراء عمتي ياشر لي افتح الوتس!
فتحت الواتس :
-يابنت فقدان لك ورب محمد
-هشام
-عيون هشام
-جعلي الموت اذا عاد خليتك ترجع!
-ليش تقولي كذا على نفسك الان؟
-هو ذحا اللي عندي والله مش مستعدة اخسر روحي ي هشام انت مش ملك نفسك انت مسؤول مننا اني وامك!
-ليش تحلفي!؟
-هشام اذا انت ناوي تستشهد من اساسة ليش علقتني فيبك!؟
ليش تشتي لي الوجع بالزجا!
-فطومه تحبينا!؟
-بعد دا كلة عادك تسال؟!
ياشيخ اسال امك وهي بتجاوبك!
-هوششششش خلاص ماعاد باروح و بكرة باكلم ابوك علينا!
-هشام!
-ربي يخلي لي ياتك
-يخليك ليا انتي بس اسمعينا اش رايك نسوي عقد بلا الخطوبة ونتزوج!
-هشام اني اتمني كذا بس اني اشتي ادرس الان
-ليش قلت لك لاتدرسي!
-لا انت ماقلت بس اني اعرف نفسي بنشغل ماعاد بعرف ادرس
-حاولي!
-هيا ناهي
-سوا لي فيس ابو عيون قلوب
-رديت له بفيس مسود الوجه
-رد لي ضفدعه
- وبعدين!
-ي فطوم بكرة الصبح باروح اللورد بحمل ارطغرل
-من دا ارطغرل
-مشغلك المهم بحمله برسلك هو احفظيه عندك فلاشك اكبر من فلاشي!
العصر بجلس مع ابوك صلحي كيكه من ديك اللي تجي قده جاهزه الا يدخلوها الفرن وسوي كاكاو فوقها بس مش داك العادي بجزع لك الصبح من الالماني النوع الحلو
-ماتشيش حاجة تاني!
-الا باجيب لك لخم
-عادني ناوية اشندفك بس دخلت اللخم رحمتك
-سبحان الله على نياتكم ترزقون
دحين تسمعينا بكرة بجلس مع ابوك!
-قلت لي مله!
-ايوا صح طاب فطوم احبججج
-من معي محمد بشار ولا حياة الفهد !؟
-ههههههههههههههههههههههههه
-بس شوفتك تكفيني!
-واشعجب كاطع بيا هههههههههه
-ههههههههههههههههههههه الله يخليك ليا ي اجمل حد بحياتي!
