روحنا البيت جسيت ساعتين مرراعية ابي يهادرني ايش في ماكلمني!
هشام اخر ظهور له بالواتس تمان والان قده 11ليل طيب كيف باجلس زي اللي الاطرش بالزفة؟!
الساعة 11:30م ابي يصيح لي ودخلنا المخزن وبند الباب بداء كلامة معي :
-يابنتي انا ماعمري اتعاملت معك بشدة او قسوة طول. عمري وانا مصاحب لك وانتي عارفة ان هشام اتقدم لك وانا مارديت خبر صافي لهم فادا انتي موافقة عليه كلمينا مابغصبك على شيء بس برضة لي شروطي!
انتي تعرفي ان هشام منكد اخس من نكدنا وعسكري يعني راتبه شهر يجي وتلاتة لا ومافيش معه بيت اذا حاسة انك باتقدري تصبري مابوقف بطريقك بس باقولك شروطي! انا من قبل بحسي ان هشام جيزه جيز البقية وانتي اخته وهو اخوك بس بعد مادريت اتغيرت النظرة عشان كذا مافيش خطوبة وحفلة مافيش اتصالات ودخلة وخرجة! مابحرمك انك تفرحي بنسوي لكم حفلة في اطار العايلة وبيلبس دبلة وبتلبسية وخلاص حتى الروحة معانا بيت جدك مافيش زي اول تروحي مناسبات فقط! اتصالات مافيش! الواتس توعديني يكون لضرورات...
وبالنسبة لدراستك اذا حاسة انك قادرة تتحملي زواج ودارسة بوقت واحد ماعنديش مشكلة سنة ونعقد ونزوجكم اما اذا ماعندك القدرة فهو اذا بيصبر وبيراعي لك يراعي مابيصبر الله معه!
ايش قلتي ي بنتي؟
لاول مرة مكسرش ارد لابي واقوله ايوا او لا واتناقش معه زيمن نتناقش كلعادة بس من تعابير وجهي افتهم لابي انني موافقة وموضوع الدراسة قال بعدين بنهدر فيبة
اتصل ابي بهم ورد لهم خبر
سوينا الحفلة بالبيت حق جدي لابست درع ومقرمة داك اليوم وهشام لابس سروال وجرم ومساني دقنة وممشط شعره المغرب كانت الحفلة
كانو بنات عمومي يمشطو لي ولابست درع وحزام" لبس عدني تقليدي" جابو الكيكة بعدها بنص ساعة دخل هشام المخزن وفجاة المخزن كله زغاريد كان يرشح وضحكتة حلوة يومها وكل ماساعة يمسح وجه بالفاين وكل ماساعة وحد من الحريم الكبار يصافحووه لما وقت لباس الدبل لفت لي وابتسم مسك يدي ولبسني الدبلة والمحبسة عصلج معانا بس بعدين دخل واني لبستة الدبلة الفضي وقالي ربي يتمم لنا على خير يارب اني استحيت مارديت اكتفيت بابتسامة قطعنا الكيكة ودخل ابي المخزن والحرية يزغردو جاب معه جرزين فل اول مادخل حدف هشام وبكاء وقاله والله وكبرتو وكبرتونا وهشام حادف لابي ويضحك وباس ابي فوق راسه ابي لابس هشام الجرز الفل وقاله عقبال ماشوفك عريس بس ها بنتي امانة بحلق قاله هشام ي عمي مادحين اتطمن والله قدامك ماتشوف معي غير السعادة واجا ابي لسناي وحدفني وبكينا الاتينه ولبسني الجرز الفل وجلس وسط نحن وهشام يقرف له كيك ويضحك قام ابي واجت امي تبارك لنا صافحت هشام وحدفني وبعدها عمتي والاسرة كله.. كان يوم متعب بس حلو لليوم ادكره ❤
