وصلنا بيت جدي وكان البيت مربوش اجو ناس يقعو لهشام من يافع بينهم بنت مارتحت لها مدري ليش من اول شوفه قلبي نقز منه هي بنت طويله اطول مني ومليانة وبيضاء وهشام جالس مع ابي وعمومي بالديوان يتابعو تلفزيون نسيت م اقولكم هشام وحيد امه وابوه شهيد استشهد في حرب صيف اربعه وتسعين في منطقة "دوفس "بأبين وربته امه اللي هي عمتي درس ثانوية ودخل سنة اولى بزنزنس وبعدها اجت الحرب وشارك فيبة وخرج من الحرب جريح بمفصل صناعي برجله بس رغم ذا ضحكتة بوجهة ماتفارقوش ومايظهر الا الفرح حتى لو فيبة هموم الدنيا كله...
اعتقد ذا سبب قوي خلاني اطمن على نفسي معه!
نرجع لموضوع البنت اللي تقع له وقت ماكنا نسوي العشاء اني كنت اسوي خبز هي دخلت المطبخ تسالني:
-فاطمة!
-هلا!؟
-بسالك فين المخبط حق اللبن!؟
-ليش ايش تشتي بو دحين؟!
-باسوي لحوح هشام يجنن على اللحوح حق يافع!
وقتها اني مدريش ايش استوا بي زي اللي حد لطمني بوجهي! ليش تتكلم كذا علو!؟ خطيبتة الاخت واني مدريش؟! رجعت قلت لها بتلاقيه فوق الكبت حق سامان عمتي بالغرفة
فجاة هشام يدخل المطبخ يدور لترمس ويضحك له قالها:
-حيا ببنت عمي كيفك ياليدة كبرتي واحلويتي والله!
اني اتفرج له وقتها
ردت له؛
-حتى انت احلويت وحلنبك اللحية والله
-ادري قد فاطمة قالت لي كذا!
واني قمت شليت نفسي بخرج من المطبخ
وهو يصيح لي :
-ياخجفة فين الترمس ابوك يدور له!
-مدريش ابعد بجزع
-فين باتروحي والعشاء من بيسويه؟
-بجزع عشان تاخذو راحتكم مله والعشاء باقي قرص الخبز حقك وخلاص مايحتاج الحبوبه نعم باتسوي لك لحوح
-من قال اننا اكل لحوح بليل قفزت البنت وقالت :
-دا مش اي لحوح ذا يافعي اللي يعجبك
-ادري بس انا م اكلش لحوح بليل!
ذيك الساعة حسيت بنصر داخلتي كنت اشتي افك شرح واهبله هههههههه!
سوينا العشاء خبز ومدينا السفرة بالصالة وجسينا نتعشي واليافعية شلت مكاني وجست قدام هشام! ياربي البنت ذي دمة اسود مش احمر ايش الشعبطة دي اللي فيبه!!!
وقتها اني اللقمة تحنب بحلقي ساعتين لمن تنزل للمعدة وهو ولا حسه!
بعد العشاء طفت الكهرباء جسينا بالحوش كلعادة واني بمخزن عمتي ماسكة فيس دخل المخزن يفتش الكبت وقالي
-فين الفلاش حقي ذاك ابو اتنين وتلاتين ميجا
مارديت له قام كرع الكشيدة فوقي وقالي؛
-مالك تتساقلينا؟
-ايش تشتي يا ابني؟
-فين الفلاش يامسخددة؟
-ايش عرفني اني؟ وبعدين ايش ذكرك فيبة الان!؟
-فيبة مسرح مصر اصلاً وسعدية اشتي تتابع!
-بالله؟!
-ايوا دحين ماشفتيه انتي؟!
-لا بس عادي بحمله لك اجين اذا تشتيه الحلوة ضروري وجسو تابعو وبسوي لكم نسكفية تمام؟
-خوران نسكفيه والله
-طيب
-باتسوي لي؟!
-كيه طير لك بالله!
-دحين مالك تهدري كذا؟
-مشغلك
-طيب امشي الحوش جسي معانا البيت كلهم برع
-مشغلك
-بضربك بطلي الكلمة دي!
-طيب طيرلك من قدامي
قام شل التريك وبيخرج واني شليت المطيبة ورقعته!
-اححح مالك ياهبلا براسي اجت ايش تتهابلي!؟ احح والله خرج دم
-صدق؟
-وربي دم! احححح يا امه عورنا
- والله دم منصدق! واني هبيت له دموع اربع اربع
وجرمه كله دم واني انتاسف لي واجو اصحاب الحوش على الصوت
ابي:
-ايش في مالكم ايش دا الدم
هشام :
دقيت بالباب
عمتي :
واهابوي على ابني حلالي رعوه دم اندوني ورق قطب كبدي بلعناء وهابوي ماشي معي غيرك بعد الله
واني دموعي اربع اربع والقميزة اجت تتمحلس جابت ورق الشاهي باتسوي له واني لا ارادياً دهفته وشليت ورق الشاهي منه واعطي لعمتي تسوي له وابي ربط له العوار
بعد نص ساعة هو ممد على بطنة وراسه مربط
وهي جالسة عند اهله بمخزن اني شليت نفسي سحبه سحبه بدون محد يحس بي وخرجت الحوش
-هشام
-ايش تشتي يا جنية ايش معك عندي كنتي باتموتينا
-مش بقصدي والله انت نرفزتني
-نرفزتك بايش ياحجة ايش سويت بك اصلاً
-اسال نفسك
-كيه يابنت الناس اسرحي من قدامي قبل ماهبلك ملان ديمك
-طيب اني اجيت اطمن عليك دحين وخرجت من المخزن ومحد داري
-شكر الله سعيك يله اقحشي من جنبي
اني اتفرج له وهو قفا وقال:
- مله يالله خراجك! دحين باتبكي!
واني هبيت له بكاء كمني بكاية اصلاً
-هيا حد يشل الجاهلة دي من جنبي
واني مكانني اعيط هههههههه
رجع جلس وقالي باسسس مله باس خلاص باجيب لك نعنع بكرة طيب اسكتي بوديك الكمسري!
-ليش تسوي كذا؟
-ايش سويت بك يابنتي؟ ايش نفسية وتفصلي ولا كيف
-سعدية دي ليش تسوي كذا
-ايش سوت؟
-ليش تتقرب منك؟!
-بنت عمي دي فمن الطبيعي يكون في قرب بيننا
بعدين انتي اشلك اصلاً تسالينا كذا؟!
-ها!
-ايش ها ايش لك؟! حتى اخطبها واتزوجه؟! ايش تغاري يابنت؟
-اغار على من؟ عليك انت؟ ليش من تكون ؟كرستيانو الاخ ؟
-لا مش كرستيانو ومالك دخل فيبي واجحشي من جنبي هيا !
-مله مش قصدي بس مش حلو كذا شكلكم شمات اصلا ادا تشتيها اتقدم له
-مالك دخل !
شليت نفسي ورجعت المخزن ذاك اليوم كنت مكبودة واسال نفسي صح اني اشلي ؟ ليش اتحرقق ايش استوا في حاجة داخلتي لة مش مفهومة والله!؟
فجاة اشعار الواتساب :"رسالة من هشام"
افتحه الاقي
"مسامح لك على حق المطيبة وسعدية دي لا افكر به لا من قريب ولا بعيد وهي وحدة بس اللي بلبسة دبلة وباتبلسنا وتصبحي على خير وبكرة باكملك بموضوع ضروري"
رديت له :
-هشام!
- يا عيون هشام
-اوبه تصدق انت احلى من كرستيانو رونالدو واحلى من الشحي كمان
-مادام قلتي الشحي صدقتك لانو التوب عندك ياكدافة
-ههههههههههه وسويت له الربحان ذوناك المستحيين
-تصبحي على خير
-وانت من اهله!
