الساعة 12الظهر اتصلبي هشام انه كلم ابي واننا بنخرج وبتجي مع نحن عمة
قششننت وبنفس الوقت منبهره كيف اقنع ابي؛
قالي
-ايش البس معوز ولا سروال!
-البس سروال احسن والبس الشميز داك اللي شليت لك من السوق الطويل داك اليوم
-طيب الساعة اربع وانا عندك!
-طيب
اتغديت وقمت صبنت عبايتي ومسحت كواشي وكويت العباية والخنة وطرفتو ساعتي
الساعة تلات ونص يتصلبي هشام جهزتي!؟
-لا عادني باقي قليل بتجي واني جهزت!
-طيب حاضر
الساعة اربع الباب يدق
فتحت اشوف عمتي وبعده هشام كنت لابسة العباية ومقرمة حق الصلاة
-اه ايش عادك ماجهزتي!؟
-الا بس باقي المقرمة والخنة
-طب هيا سريع الحقينا انتي وامي للبابور
-هيا بلا زبق دحين بنجي
خرجنا من البيت اربع ونص عمة جست وراء واني جنب هشام مرضتش تجلس قدام !
هو كان يسوق واني وصلت التلفون بالمسجلة حق البابور قالي؛
-افتحي محمود التركي
-قدني بفتح راحتي النفسيه
-ارفعي الصوت
قالت عمه؛
ياعيالي اتعودو من الشيطان من الاغاني بالطريق
قاله هشام؛
-ساعليش ي اماه ماشي بيقع
ولصت الاغنية ؛
وشعجب كاطع بيا
اول ماسمعه جس يدقدق بالسكان
واني ادقدق بعلبة الفاين اتجننا الاتنينه
وهشام يطعطععطعطع وراء الاغنية
لمن وصلنا شارع اروى وقف البابور ونزل فتح لعمة واني مبهرره له رضحني بالبابور ورجع
-فين وديته!؟
-عند بيت خالة تقية صاحبته
-وبنروح!؟
-اني وانت من نفوسنا!؟
-ايوا ليش باكلك! بعدين قد امي بتكلم ابوك لو قال حاجة!
-بصراحة سبرايز واني اخاف اتحنب
-بسقع اهلاتك كف اهدني وخلينا اسوق كمان الناس
-ليش تتقارح عليا!؟؟
-لانك خجفة اهداي كوني!!
لمن تحت المجلس التشريعي ركن البابور ونزل ولبس الشنطة الظهر حقه
قالي الليل!؟
-فين الليل!؟
-انزلي بنمشي!؟
-باتمشيني!
-ايوا ياهبلا اتخارجي
-طيب راعي بربط الكوشة
