سَجينـة في مَملكـة سَـاديِّ

لَــــذة و انتقــام "الجزء الثاني"

غيرت نورا ثيابها على عجلة و أخذت مبلغ من المال لشراء بدلة رسمية لحضور تقديم البحث .

كان متجر تلك الأنواع من الملابس الرسمية يبعد عن بيتها حوالي ربع ساعة ، ظلت نورا تسرع في خطواتها حتى وصلت للمكان

و كادت تعبر الطريق بسرعة لتصل لوجهتها المنشودة و لكن توقفت فجأة و علا صوت فرامل

تراجعت نورا في رعب و كادت ان تسقط أرضاً لكنها استعادت رباطة جأشها و حدثت صاحب السيارة المتهور بعصبية

نورا بعصبية : ايه يا اخ انت مش تحاسب ، هي ارواح الناس لعبة عندكوا !
عمر بعصبية اكبر : انتي اتهبلتي يا بت انتي ،، انتي ازاي تكلميني بالطريقة دي !
نورا : انا اتكلم براحتي ولا عشان انت معاك قرشين جبت بيهم عربية تمشي تدوس على خلق الله
عمر : لا ده انتي اتهبلتي بجد بقى

هَم عمر النزول من سيارته بعصبية ولكن أوقفه صديقه آمر

آمر بصوت خفيض : خلاص يا عمر فكك من البت دي ، دي شكلها لِمضة ، اركب عربيتك ويلا بينا بدل ما يتعكر مزاجك ع الفاضي
عمر بعيون غاضبة : انت هتخليني اسكت على حتة بت زي دي !
آمر : خلاص يا عمر انا هتصرف ، اركب انت عربيتك و انا هحصلك
زفر عمر بغضب قائلاً : ماشي ، حصلني علطول
آمر : حاضر