مساء الخير
عفيه اذا تريدوني اطوللكم البارت وانشر يوميه خلي تفاعلكم وتعليقاتكم
على كل فقره
وتعليق الكملي وعاشت ايدج مااريده اريد تعليق ع الفقرات
حته يصيرلي واهس واكتبلكم😍
&&&&&&&&&
المحاميه والمجهول
ريتاج الموسوي
،،،،،،،،،،،،،،،،،،،،،،،،،،،،،،،،
عفاف
عبدالله طلع وسد الباب بكل قوته
وامي راحت تركض وراه
مالحگت عليه
اجتي عليه
سعاد بعصبيه ...عفاف انه گتلج سلام
يجيج للمحكمه مو تطلعين وياه
مطاعم
ردت احجي وسكتتني
تره انه هواي منطيتج عين
بس انتي الضاهر مو مالة احترام
عفاف....ماما غير تسمعين مني بالاول
،،،شسمع
....ماما سلام اجاني للمحكمه بنهاية الدوام
ومارحت بعيد
طلعنه للكافتريا الي يم المحكمه
بس فجئه طلع بوجهي
ابن اخوج
سعاد،،، ابن خالج وكل الحق وياه
يعني تريدينه يشوفج ماخذه راحتج
بالسوالف ويه الغريب ويسكت
عفاف...دخيل الله ماما لا تخبليني
اني من البدايه موجنت رافضه
سلام
بس انتي اصريتي عليه انو يجي
ونتفاهم
صح هذا الحجي لو لا
هسه تبريتي مني وصرت اني الغلطانه
سعاد...انه اگول خلينه نبطل من هذا
سلام
وقبلي بابن خالج شبيه
وفكينه من المشاكل تره مو ناقصين
...اكولج يمه شنو الشغله لعب جهال
قابلين قابلين وبعدين
اذا ماعجبنه الوضع نبطل بكل سهوله
انتي صدگ تحجين
سعاد...مااعليج انه احاجي ام سلام واگلهه
ماصارت القسمه
وتزوجي عبدالله خوش وليد
ومنه وبينه
عفاف...لو يصير عبدالله اخر رجال
بالعالم ماتزوجه
...ليش شبيه شناقصه
...اسفه ماما بس ابن اخوج يفكر بهمجيه
ماشفتي شلون
شمرني گدامج ولا فكر يسالني ويفتهم السالفه
عنده الامور
ياخذهه بالعناد
وهوه الصح والناس غلط
وتريديني اتزوجه
باجر عگبه اذا اتزوجته واني شغلي يحتم
عليه احجي ويه الكل
الصغير والجبير
الزين والموزين
يمكن من يشوفني واكفه گدام القاضي
واداعي بالقضايا واناقش المحامي الند
يمكن عادي عنده يسحلني من شعري گدام العالم
سعاد....خلصتي العندج
طلعتي كل البگلبج واني اكلج صح عمري
ماغاصبتج على شي بس هالمره
راح تزوجين عبدالله ورجلج فوك راسج فهمتي
....تره والله حيرتيني وياج يا ماما
صايره ماافتهملج شتردين
