المحاميه والمجهول
ريتاج الموسوي
&&&&&&&&&&&&&
عفاف
ليش هالأستعجال يا ماما
والله انتو راح تخبلوني
اوك اوك
بس اجي نتفاهم يالله مع السلامه
انهيت الاتصال
والله امي وابويه راح يجلطوني
ماصدگو گلتلهم موافقه رأسن اتفقو ويه السيد
ياربي شلون وياهم
لو بس اعرف شعاجبهم بعبدالله جان ارتاح گلبي
دخلت موج
هااا وين صافن الحلو
عفاف...تعالي مو صافنه اليوم ابويه محدد
موعد ويه السيد حتى يعقدلنه
موج...يااا هيج بسرعه بسرعه
تعالي اگولج اهل عبدالله يدرون لا
عفاف...والله ماادري لحد الآن ماسمعت خبر عنهم
ولا جابو سيرتهم ابد
موج...وانتي عود صدوگ راح تتزوجين عبدالله
عفاف...موج ماادري اني من گد خوفي گتلهم موافقه بس حته يخلوني اطلع
وانطي الصور لسلام
اشو السالفه صارت جد
واني رحت بالرجلين هسه شسوي
...ماكو غير تقبلين بالأمر الواقع وتتحملين
نتائج اخطائج
وماتدرين يجوز من يتعود عليج وتتعودين عليه
تتبدل نظرتج عنه وتحبينه
...ياحب خبله
صدگ تحجين
...على كلا هاج لزمي هذا خط
انطانياه سلام استوه
گال خلي تحاجيني منه اامن
عفاف...وليش ينطي الج ليش موالي غيير استوه يمي
...مااعرف يمكن نسه لاتدققين بالتفاصيل رحمه لأهلج
***************
خلصت الدوام ورحت للبيت
اول ماوصلت
لگيت البيت خالي ماكو احد
عفاف...ماما ماما وينكم
سعاد...اششش نصي صوتج عدنه ناس بالأستقبال
عفاف بأستفهام....اي ناس؟
....خالج وعبدالله وجايبين السيد حته تعقدون
يالله بسرعه جهزي نفسج
وانزلي
عفاف...يمه شگاعده تگولين انتو ليش هيج مستعجلين
عبالك منزله روسكم وتردون تتسترون
شبيكم خلوني اگعد وياه افهمه ويفتهمني
...اي ماگلنه شي اعقدو وتفاهمو على كيفكم
....ااا واذا ماتفاهمنه
تقبلون اطلگ يعني؟
...حته اكسر راسج خوش بعد
گدام الناس تطلگ وهيه بعدهه ببيت اهلهه
اگول روحي سوي الگتلج عليه
لا اعرف اشلون احجي وياج
عفاف تصعد للغرفه
اف اف شنو هذا من بيت يردون يسون الشي
الي همه مقتنعين بيه
اما اني يضربني سرطان
ولا يهمهم
شنو هذا من مجتمع يشوف البنيه ناقصه
ومايكملهه الا رجال
بالله هسه شلون راح اتقبل عبدالله
وهوه من غير شي ماينجرع
