كل عام وانتو بألف ألف خير💜💜💜
يارب تحقيق الأماني وتكون 2019🎈سنة خير وسعاده عليكم يارب❤
♪♪♪♪♪♪♪♪♪…………………………
المحاميه والمجهول
ريتاج الموسوي
لاتنسون التعليقات والتصويت حبابون 😘
»»»»»»»»»»»»»
عفاف
نرفزني حچي عبدالله
اني من غير شي كارهته مو انوب يخابرني
ويسمعني هذا الكلام
ياربي مااطيقه
صارلي حجر عثره بطريقي
يعني هاي السنين والتعب التعبته كله وحلمي الي ابني بيه شويه شويه
يجي عبدالله بساعه وحده يهدمه
جنت ع الجربايه ومخليه راسي بين
ركبي سمعت نقالي رن برسالة واتساب
تقربت عليه واخذته
فتحت الواتس لگيت صوره مرسوله
من المجهول
فتحتهه اول ماوگعت عيني ع الصوره
شمرت النقال من الجربايه
وكرفصت على نفسي واني كلي ارجف
من الخوف
وبشاعة الصوره
كلما افتح اعيوني ارجع اتذكر المنظر
جان بيهه صورة ولد شاب مقتول
والدم مغطي وجهه مثلين بيه تمثيل
شويه ودگت رساله ثانيه
نزلت من الجربايه حتى اخذه لان شمرته بعيد
وبين متردده وبين اخذه
اخير شي سحبته
خليت ايدي ع الصوره وقريت الكلام بيهه
ياعفاف هذا اول ضحيه
جنيتي عليه ودمرتي حياته بسببج
احتاريت بحجيه شنو يقصد اول ضحيه
اني دمرته شنو يقصد
واني اول مره اشوفه
ولو شكله مو مبين
اتصلت عليه بلكي يرد
رن النقال مره ومرتين وبالثالثه جاوب
عفاف...انته شتريد مني ومنو هذا
الي دمرته
ممسويه شي اني
اجاني الرد بصوت هادئ قريب ع الهمس
بيه بحه
وكأنما قليل صوت يطلع
....ماعترفينه منوو هذا
عفاف....منو؟
....هذا حسن حسن ياعفاف
انتي قتلتيه
وكل شخص تقتربين منه ويساعدج راح يكون مصيره هيج
وغلق الجهاز
عفاف
من گال حسن وگع النقال من ايدي بدون وعي
وگعدت على ركبي بالگاع
بديت اراجع ذاكرتي
شلون اني سبب قتله تذكرت العنوان
وتذكرت شلون جانو هوه وزوجته خايفين
على نفسهم وجهالهم من العصابه لايقتلوهم
وشلون، جانو رافضين ينطوني معلومات بس
اني اصريت عليهم
خليت ايدي على وجهي واشهگ بالبجي
ياربي اني مو سبب قتله ماالي دخل
اني عمري مااذيت احد
النمله مااذيهه
مو هسه اكون سبب بقتل انسان
جنت ابجي بحرگة گلب بصوت عالي
دخلت امي
سعاد....يمه عفاف لا تبجين فدوه
جاي تگطعين گلبي
كافي
