المحاميه والمجهول
ريتاج الموسوي
🍁🍁🍁🍁🍁🍁🍁🍁
لاتنسون اريد تعليقات هواي حته استمر
ويصيرلي دافع قوي بالكتابه
صح ماارد عليكم لان ماعندي وقت بس كولهه اشوفهه وتفرحني 😘
°°°°°°°°°°°°°°°°°°°°°°°°°°°°°°°°°°
عفاف
صار گبالي النقال الي اخذته من غرفة مسلم
صار عندي فضول اشوف
شنو بيه لان قديم
اكو هواي رسائل لگيتهم من ارقام بدون اسم
فتحت اول رساله وتفاجئت جان بيهه تهديد
فتحت الرسائل الي
وراهه ضليت اقره ومتفاجئه
ليش هيج رسائل تهديد توصل لمسلم
ومن ضمن التهديدات
جانت يهددونه بحياة عائلته
للحظه توقفت عن القراءه
واجه ببالي التهديدات الي توصلني
معقوله مسلم اله ايد بالقضيه الي مستلمتهه
وهمه ديهددوني لان
مسلم سافر او بالأحرى انهزم
لا ان شاء الله يطلع شكي مو بمحله
مامعقوله توصل بمسلم النذاله لدرجة يعوف اهله
وينهزم بروحه
نفضت الافكار من راسي مااگدر احكم عليه لازم
اتاكد
اخذت نسخة المفاتيح
ورحت لغرفته بلكي الگي اي ورقه
اتاكد بشنو يههدونه
لان اتذكر بذاك اليوم الي رجع من سفره جان مستعجل واخذ اوراق
جان مرتبك
واي شخص يكون مرتبك ومستعجل
على الاكثر يعوف اشياء وراه
فتحت الغرفه جانت ضلمه شغلت الگلوبات
اول شي اخذت الورقه الي عفتهه
قبل فتره جان موقع عليهه باستلام مبلغ جبير
گعدت وضليت ادور باالمجرات
ماكو مجرد اوراق عاديه بيع واستلام
وهاي متفيدني
عفت المكتب الصغير ورحت للكنتور
جان يصير فوگ الخانات الي بيه
مجرات فوگ كلش عاليه
جبت كرسي وصعدت فوگه وضليت ادور
لگيت حافضه لونهه اصفر شفافه
بيهه اوراق كومه
گعدت ع الجربايه اريد افتحهه انفتح الباب
ضميت الحافضه وراي
سعاد...عفاف شسوين هنا ضيعتج دورت عليج بغرفتج مالگيتج
عفاف...اهاا اي ماما
اريد انضف الغرفه لان صاير عليهه اتراب وصايره مغبره
اخاف مايصلح على گولتج
سعاد بشك...مغبره منيلهه التراب
اشو ولاجنهه مابيهه احد نظيفه
...اي غير نظفتهه
ماگلتيلي ماما شرايده مني
سعاد...ياا نسيت انتي موگلتي اذا اجه ابوج اصيحج
هسه اجه تعالي حاجي
....ماشي هسه اجي
طلعت امي اخذت الحافضه مالت الاوراق قفلت الغرفه
وضميتهه بغرفتي
نزلت ع الدرج گلت بگلبي مايصير اگول البابا
ع القضيه
لانو اكو شك عندي بتورط مسلم بيهه
ميصير اگله
بابا واعرفه متسرع بقراراته
وصلت لكيته يشرب گهوه ويباوع اخبار ويمه ياسر
