المحاميه والمجهول
ريتاج الموسوي
°°°°°°°°°°°°°°🍁🍁🍁🍁🍁🍁🍁
عفاف
جان كلام بابا الي مثل الصدمه
معقوله اني هيج رخيصه عنده
ويريد يزوجني لشخص اني مقابله بيه
استغل سكوتي وهوه يدري لو اريد ارفض شسوي
بابا مجان هيج
اني جنت البنيه الوحيده اله وميردلي طلب
هسه ليش
شنو الي تغير
حسيت انو الدوخه رجعتلي وعيوني غوشت
بعدهه ماادريت بشي
فتحت عيوني لگيت نفسي بالمستشفى
اول مافتحت عيوني
حظنتني امي وبقت تبوسني وتبجي
وراهه اجه بابا
خطيه جان وجهه اصفر
تقدم عليه وباسني بگصتي
...الحمدالله على سلامتج بنيتي
بس باوعت عليه تذكرت موقف بابا
قبل لا اوگع
رأسن نزلت دموعي بدون مااحس
ودرت وجهي
هوه بس شافني هيج طلع من الغرفه
سعاد... يمه فدوه لاتسوين هشكل تره
ابوج تعبان
وماتدرين من جنتي فاقده الوعي
شسوه گلب المستشفى بالصياح
ويگول كله مني انه السبب وانتي هسه دتقسين عليه
عفاف...مو بيدي ماما
هوه مجان هيج قبل هسه متغير عليه فد نوب
مو بابا الي اعرفه من زمان الي جان
ميردلي طلب
جنت دااحجي ويه ماما وانفتح الباب
ودخل عبدالله
عبدالله...عمه خلينه الوحدنه شويه
سعاد..اي عمه انه طالعه
وحجت ويا بس ماسمعت سنو حجو
وطلعت
عفاف...انته شعندك جاي متفهمني
موكافي الي صار بيه بسببك تريد تموتني حتى ترتاح
يااخي فك عني كل شويه طالعلي
عبدالله...خلصتي حجيج!
عفاف......درت وجهي ماحجيت شي
عبدالله....اذا جانت حالتج هاي ووگعتج بالمستشفى بسببي
ووجودي وقربي منكم يأذيج
هاهيه يجرالج الي تردينه وطلاگ راح اطلگج
انه
هم مااحب افرض نفسي على احد
ولا همجي ومتخلف مثل ماتگولين
هذا الي سويته كله لاني احبج واغار عليج
ومااقبل تحجين ويه احد غريب واعتقد هذا من حقي
حاولت بكل الوسائل انساج ما گدرت
(يأشر على گلبه )
هذا مايرضى يطلعج
واجيت وخطبتج مثل الناس گلت بلكي يوم يومين تتقبلني واجيتج بكل الطرق بس انتي رفضتي
واضطريت اجي بهاي الطريقه
لعل وعسى تقتنعين بس انتي معنده وراكبه راسج
كافي هواي ذليت نفسي علمودج
واهنت كرامتي
بس كل انسان عنده طاقة استيعاب
واني امتليت خلاص مومكتوبلي تكونين من نصيبي
وشتريدين انه حاظر بس گومي بالسلامه
وراح اجيب السيد واطلگج
اهم شي تكونين بخير
وهذا نقال بدل الي كسرته
مد ايده وخلاه بصفي
وبعدهه طلع ومانطاني فرصه حته احجي
حسيت من كلامه مكسور
وماقبل يبين انكساره لانو اي رجال مايقبل تنهان كرامته
واني اهنته هواي
بس شسوي اني ممتقبلته كزوج
وان شاء الله يلگه الاحسن مني
