ألوان
الحلقه7
كان في شخص ورا الباب من كتر صدمه وقف معش عرف يتحرك💔الي سمع الكلام..
هوا مراد..كان جاي لي عصام بيش ياخد منه امانه بوه يبيها وانصدم بي الي كان مقعمز صااحبه رفييق عمره مريض وبسرطاان ومافيش ولا واحد فيهم حس معقوووله الايام هاذي كلها كاان داس عليهم ويتوجع بروحه وكامته في قلبه ويضحك ويلعب معاهم كييف هك كييف صااار...مرااد الدموووع تعبو في عيونه ودخل بخطوات مهزوزه ويشوف لي بدر.
بدر: "انصدم ويدعى ان شاءلله ماعرفش". اووو ولد امي شن ادير اهني.
مراد: قعمز ع ركبته قدام بدر وحط راسه ع ركبة بدر وقعد يبكي " حس انه خلاص بدر صاحبهم الضحاك البارد الي مغيرلهم جوهم والي يبعت في الفرحه والضحكه في القروب اكله خلااص معش في ضحكته وبصارته المرض مش ساهل وحيهلكه💔 ".
د.عصام: وجعوه💔...مراد خلاص.
بدر: نزلو دموعه ومسحهم،،، مراد تي نوض حشمتنا قدام ولد عمك الراجل مايبكيش ازح.
مراد: علاش مقلتلنااش علاش يابدر💔.
بدر: ماقدرتش ها شفت علاش مانبيش نقلكم اهو انت تبكي وابصر التانين شن يديرو مانبي حد يتغير في معاملته يامراد وانت ماتقول لي حد.
مراد: قعمز ع الكرسي..عصام ماافيش علاج عمليه اي شئ 💔؟
د.عصام: في عمليه لكن صاحبك مايبيش يديرها.
مراد: مايبيش شن ع كيفه هيا توا نتفاهم معاه نا .
د.عصام: كان قدرت تقنعه تبدا احسن واحد.
بدر: متحاولش😂.
مراد: سادك ساادك القنااع اهوا نحييه وبنتكلم بجديات تواا حديرها العمليه غصب عنك مش ع كيفك هياا.
بدر: هههه ماشي تفاهم مع الدكتور وديرها انت بدلي تمام.وطلع.
مراد: برا عااد راسه مسكر ازح باه ياعصام في امل ولالا طمني بلله عليك؟
د.عصام: تبي الصراحه الكيماوي معش يمشي معاه ضروري عمليه جراحيه لي استئصال الورم.
مراد: باه في العمليه هادي هني لو مافيش نطلعوه البرا عادي.
د.عصام: هني تبي وقت بيش تحصل دورك لو تقدرو تقنعوه بس انه يديرهاا توا يقتنع انه يطلع البرا.
مراد: مش عارف والله توا نحاول المشكله انه راسه مسكر ومايبي يقول لي حد.
د.عصام: ماتسمعش كلامه وقول لي اعز شخص ليه بيش يأثر عليه ويقنعه.
مراد: ان شاءلله،،،عصام من امتاا وهوا مريض💔؟.
د.عصام: ليه فتره لكن كيف اكتشف الاسبوعين الفاتو.
