الوان
الحلقه 16
سند: ناض وقف وحول الخاتم من الباكو وجبد ايدها ولبسلها الخاتم... مانبيش ردك توا فكري وردي عليا بعدين اوك😍.
اسراء: كيف جايه بتتكلم وتسمع صوت سيف😨.
سيف: ادخلييي الداخل .
رهف: 😵باه تمام نستنى في اسراء اهي جايه وبنمشو للحوش .
سيف: نعن.. اصلا شن جيبكم اهني بروحكم في القايله.
رهف : بابا بعتني لالا قصدي حناي بعتتنى نجيبولها البريمز من هني.
صاحبه: 😂💗.
سيف: بوي ولا حناي حددي.
رهف: اي اي حناي بعتتني .
سيف: باه وانتي تورورتي.
رهف : ورور من ورورني.
صاحبه: 😂😂.
سيف : شافله القاه محطوط ع هزاز 😂💔... هيا سقدو روحكم بيش اديرونا غدي جعان بنموت.
رهف: تمام تمام حااضر ودخلت تجريي😬.
اسراء: 😳.
رهف: ياحيواانه شوياا وقبرونا اليوم انا وياك هي اطلعي قدامي .
سند : يحك ف رقبته ويضحك... بسرعه برو توا نسكر الباب وراكم 😂.
اسراء: هي هي.
سند: اسراء.
اسراء: قبلتله .. نعم .
سند: غمزلها خلاص بري هي 😉♥️.
اسراء: 🙊♥️.
رهف: عنشكلك منك ليه قريب رحنا فيها .
اسراء: هههههههههه باه خلاص مصار شي .
رهف: ترا نشوف شن جايبلك 😍.
اسراء: ياحليلي بيغمى علياا المهبوول عرض عليا الزواج وقلي فكري .
رهف: قصدك فرخه زيك انتي بتمشي قبلي والله ماصارها 😂😂.
اسراء: قاعده مش مستوعبه الي صار اصلاً 🙊😂💕.
رهف: لكن لقطة جرئه منه مش عاديه .
اسراء: ت اييي معش عرفت شن نقول نا صدمني الصراحه 😭.
رهف: بتوافقي طبعا .
اسراء: مش عارفه 😂.
رهف : عنجد مش عارفه .
اسراء: بنوافق امالا شنو ناقص بعد هذا كله منوافقش ووووه ياحليلي وخلاااص ت وربيييي نحبببببه 😭♥️.
رهف: زيدي علي صوتك اشويه خلي يسمع سيف قاعد ماسمعش 👊🏻.
اسراء: حييي نسيته 😂.
رهف: هههههههههه تعالي تعالي خلي نديرولهم غدي وبعدين توا نفضالك .
اسراء: مش قادره ندير شي عقلي ف مكان تاني خالص 😍♥️😂.
