ألـوان
الحلقه 30 والاخـيره
مشت غاده وين قالها فيصل وراسها دخن زعما في شنو يبيها.
علي: برا خودلنا قهوه مابين جيت.
مراد: تمام .
مشي مراد بياخد قهوه.
دخلت غاده للكفتريا
غاده: السلام اتنين نسكافي لو سمحت.
مراد: السلام عليكم اتنين نسكافي خوي.
شبحو لبعضهم وهني كانت الصدمه مراد متغير وغاده متغيره صارت لحظه صمت ع ارواح الشهداء قعدو متنحين في بعضهم ومشاعر متلخبطه بكل ع حب ع وجع ع شوق ع ذكريات سمحه وفاتت ع ايامات حلوه وعدت ع هلبا حاجات حلووووه بكل كانت بينهم وانتهت في لمح البصر .
مرااد مستاحشها لين خلاص اما غاده محستش بشي الا الوجع الي سببهولها فقط 💔.
قرب يبي يسلم هيا طلعت وقابلها في الباب استاذ فيصل لما شافاته خافت من شنو مش معروف خافت انه يشوف مراد ولا خافت انه مراد يدير قصه مع فيصل ولا خافت الانه حاسه بشعور حلو اتجاه فيصل وماتبيشي ينتهي بسبب سوء تفاهم زعما تحكيله ولا تخلي الامور تمشي كيف ماتمشي حايره بكل وداخلها حوسه فيصل حس بالشي هذا انه مرتبكه وصاير فيها مشي سألها .
فيصل: غاده انتي كويسه؟!.
غاده: لا ابداً.
فيصل: شن في.
غاده: في شخص في الكفتريا قداش ليا مشفتاش كان مسافر ونا مانبيش نشوفه صايره بينا مشكله بس .
فيصل: جمع الاحداث كلها وعرف انه هذا حبيبها الي خلاها تبكي ووو .. شدلها ايدها ودخل للكفتريا وهيا مصدومه بكل .
غاده: استاذ شن اديرر 😳.
فيصل: اسمي فيصل ومعاي انا مافيش حاجه اسمها خوف متخافيش بكل مدام انا معاك تمام وعيونك الخضر هادم مانبيش نشوفهم زعلانين نهائي💚.
غاده: خدت قرار سريع انه شعور الحلو البسيط حتخليه يكبر الانه فيصل حيكون اكتر قرار صح اخداته في حياتها😍❤ .
دخلو للكفتريا مراد شافهم ولعتت في قلببه نااار 🔥.
فيصل خدي اتنين نسكافي الجهزات مد وحده لغاده ووحده خداها هوا والاتنين يبتسمو لبعضهم ابتسامات حقيقيه طالعه من القلب اما مراد قرييب يموت ووقف في مكانه من كتر الصدمه عمره متخيل انه غاده حتكون لغيره كان متأكد انه لو رجع حيلقاها تحبه وهيا ليه ولكن مكانش يعرف انه " للأنتظار المفرط ضريبه " وضريبته كانت خسارة غاده نااادم كيف انه بدل غاده وسيبها ع خاطر عفن ووسخ ع خاطر بنت قريبه يفوت معاها الوقت نادم كامل الندم كيف سيب انسانه كانت سبب في عمار حياته ومشي مع وحده كانت سبب في خراب حياته ندم ع انسانه لو يجو بعدها عشرين حتقعد هيا الوحيده الي اثرت فيه💔 .
