ثراء النفووس

مشهد

#ثراء_النفوس
#رورو_روز

مشهد😍😍

كان الوقت قبل الغروب بشوي فتحت الباب الرئيسية لبيتنا حتى ادخل سيارتي المسافة بين الباب الخارجية والبيت جدا طويلة يا دوب تشوف اللي كاعدين بالطرمه

ابتسمت هذاك والدي كاعد مثل كل يوم بهيج وقت بمكانه على الكراسي بالطرمة شفته وانرسمت البهجة بروحي يا رب طول الي بعمرهم واحفظهم يساوون دنيا بحالها ورضاهم اشتريته بسعادتي وما نادم لو قيد شعرة امي وابوي يساوون دنيا بحالها واخرتي اريد اكسبها بيهم 

دخلت بالسيارة وهالمره فريتها بعيد عن المدخل الامامي للبيت وما دخلتها للكراج لان محتاجة غسل طبكتها خلف البيت اغسلها بعد ما ارتاح شويه من الطريق 

والدي شافني من فتت وابتسم واني اشرت اله بسلام من بعيد ادري دخلتي عليهم تسعدهم وادري النفس اللي يتنفسوه احنا واذا انقطعنا عنهم يموتون وصلت
اله وسلمت عليه وكعدت سولفت
-شلونك يابه
-هلا ياب الله يساعدك وليدي شلونك انت اخبارك
-الحمد لله بخير من اشوفك اني بخير
-شعجب هالمره نازل قبل الموعد
-اي اخذت اجازة تعبان شويه
-سلامتك بويه اي حقك انت حياتك مخربطة بس انت اللي جايبها لروحك
ذكرني الحجي بحياتي وخربطتها وفعلا هي هيج

-مشكور يابه بس تعبي من الشغل عدنا تشديد زايد هالايام كلت اخذلي اجازة
-رحت الها
-اي رحت
-اخبار بيت عمك وشوكت بنتهم المحروسة ترجع...كالها بتهكم شديد مو راضي
باوعت لوالدي اشوف نظراته مدري يشمت بيه مدري يكول تستاهل انت اختاريتها
-زينين يسلمون يابه باجر اجيبها وان ما رضت خليها يم اهلها لا اريدها ولا اريد اهلها بعد
-وليش ما اجتي اليوم وياك وانت نازل
-عرس بنت خالتها وتريد تروح
-لا والله لا عرس ولا شي هاي سوالفها حفظناها تره

كمت اريد اتهرب من الموضوع كله عساها لا رجعت غير نكضيها عركات الحمد لله راسي بارد ومرتاح هالايام منها ومن زنها ....
اعزلني بيت وحد اريد اطلع وامك وخواتك والبيت كبير ومو كادرة وراح اموت موت اللي خذاني قبل ما فكرت واجيت واخذتج دون بنات عمي كلهن راح اتخبل يا الله

-يلا يابه اني اروح اسلم على امي واروح انام شويه تعبان وراسي يريد ينفجر من الطريق
-هاي اللي محصلينه منكم تجي بوجهك ما نشوفك الا لليل روح يابه نام واشبع نوم لا تكول اهلي مرضى محتاجين علاج اكعد وياهم اشوفهم اسأل عنهم

صكيت اسناني حسيتهم راح يتكسرون من قهري بكل نزول الي لازم اتسمم دوم بهالكلام شوكت يفهمون اني هم بشر والي حد وطاقة شسوي اكثر بعد حاير بينهم وتعبت

وكفت اروح للبيت ابويه صاح من يمه
-بويه دك الباب خلي تتحشم البنية
على بالي زوجة اخويه دكيت الباب وفتت وكلت يا الله حتى تسمعني

واخذت طريقي للدرج اريد ابدل وانزل اشوفها لأمي سويت الدرج طفرتين صرت فوك دا ادخل للصالة مال الطابق الثاني من بابها وما اشوف غير فد شي صغير سريع اجا يركض انلزك بصدري

بقيت متحجر بمكاني وهي دعمه وهي عيطة سديت حلكها قوي وسحبتها للصالة اذا ابويه سمعها هيج تعيط يسويلنا فيلم اكشن وامي تسويني مغتصبها

-لج اشششششش اسكتي مال اللطم شنو صافرة مال انذار انت منو؟؟؟وشصعدج هنا؟؟؟؟

حاطه الكفية(منديل الجيب) مالتي على راسها عود ساتره شعراتها ومستحيه مني هههه وهو راسها كله طالع مدري اضحك مدري اصير عصبي على شكلها عيونها مدمعات

-انييي انيييي؟؟؟

-اي انت ليش هو اكو غيرج ومو شايفهم اني

-اني لممممى😍😍😍🤦‍♀️🤦‍♀️

..........

والقصة حقيقية 😍😍