غيره وحسد
فاتن:
دوام وارهاق وطبع هشام اللي تغير وياي من مشكلتنا الاخيره وصار غير هشام اللي اعرفه حتى بيتنا الجديد فرحتي بي كانت مقطوعة
هشام محملني ذنب لمى وزواجها مغصوبة من سراج من كثر ما ردد اهلج واهلج ويحجي عنهم صرت اتجنب اذكرهم كدامه
كان ببالي الحب يكدر يغير اللي بداخل الانسان واذا حبينا راح تنتهي كل الخلافات طلع كلام الكتب بس كلمات مسطورة ما بيها شي من الصدق لا حب يصنع معجزات ولا الحب له سلطان
هشام صرت اشوفه بحالتين بس لو يكدر يسيطر على مشاعره وقلبه بايده وما يتأثر بالحب مثلي لو اصلا ما يحبني ووهالشي خلاني اجر نفسي وابتعد عنه وصار حتى الفراش اللي يجمعنا شاهد على دمعاتي بسبب كلامه عن اهلي بسوء
بالمقابل اروح لاهلي يوصوني بي وبمحبته واحترامه واحترام اهله ووجوب طاعة الزوج وخاصه والدي شكد كان يشجعني ويأملني بقوله الزلمه يحب مرته بمحبة اهله الها ويكرها اذا صار العكس ويوصيني على عمي بالاخص اللي صار صديقي المقرب بابتعاد هشام عني
لمى صارلها اسبوعين لزواجها وتواصلي وياها دائم واسالها عن احوالهم مرتاحة لو لا وهي تأكد راحتها بكل مره وتكول ما عندي شي وسراج زين وياي بس كلامها بالنسبة لهشام ما يغني ولا يبعد افكاره اللي براسه وحاس بلمى مو مرتاحه وتكابر
رجعت اليوم من اهلي بعد ما بتت يمهم الليل لان بابا عازم اخواتي على عطلة نهاية الاسبوع وباتوا واستحيت اتخلف عن لمه اهلي وجمعتهم اخذت اذن هشام اللي ما اعترض بالتلفون وبالعكس كال ابقي شكد ما تريدين بقيت الليل ومن الصبح رجعت لبيتي
رجعت للبيت كان يوم سبت الصبح لكيت هشام كالب الخلقة كعدت يم عمي وعمتي بعد السلام والسؤال عن اهلي وبقيت لازكه يمهم خوف من هشام اللي عيونه مبين الشر بيهم يريد ياكلني
راح لغرفتنا ونادى بصوت عالي فززني واستنجدت بعيوني باهله يساعدوني وعمي راد يلطف الجو باسلوبه الحلو وكلامه الطيب
ابو هشام:كومي يابه لرجلج تره من البارحه لليوم كاعد ما نام هههه مضيع شي
ابتسمت بحيرة وعمتي كملت
-كومي يمه رجلج لا تخليه يصيح
وكفت ورجليه ما تعيني عالححركه واني اتذكر لما ضربني اخاف يضربني والله هالمره ما اتحمل منا مزعلني ومنا يضرب لهنا وكافي ..شجعت نفسي ورحت بحيل صدر دفعت الباب وفتت
كان نايم بالفراش ومغطي روحه بس فتت سوه روحه يون
-اه بويه
انهبطت وركضت عليه ونسيت كل شي
-شبيك سلامتك يا روحي
-مريض وتعبان وانت مو داريه عني عايفتني روحي رجعي بابا اخاف يزعل اكول الها مريض تكول اخواتي وبابا
كعدت يمه ومبتسمه على سوالفه وغيرته
-يا شوكت كلت مريض بابا مريض وانت عفتك مثل الورد شكو بيك
-وين تدرين بيه انت؟؟؟مو بالحييف بابا وعموري وماما وحتى اخواتج واني بالجعب العوازة الزايد ..بابا ضغطه تخربط لازم تونا تروح تنزل ضغطه ما يكول وراها رجال وبيت محتاجيها
-خطيه اي والله بابا غير كوه اجيت سوده عليه تعبان ومريض ضغطه صاعد
صار عصبي وكعد لحيله وجرني من زندي صرت قريب منه ونفسنا واحد واني اموت عالقرب ودي افوت بحضنه واحشك نفسي بين ضلوعي وارجع للمكان اللي انخلقت منه..قربني اله وخزرني ويحجي بعصبيه اموت عليها
-شوفي روحه لاهلج ومبيت هناك ماكو بعد
حطيت خشمي برقبته واشتم بيها واضحك
-شومي هاي شبيك مو انو كلت باتي شكد ما تريدين
-كلت ...وانت ما صدكتي رحتي وكلتي عدوا الي من الصبح البلرحه رحتي تره ما صار هوايه من رجعتي لهنا ما لحكتي تشتاقين
