#ثراء_النفوس
البارت 2
لقاء اول
مساء الخير حبايبي😘😘
اسمعوا الشعر 😘😘
بي نصيحة لا تغفلون عنها🌺
لا تكبر صغير ولا تصغر كبير .......وانتبه والمعادن ميز فروقها 😶
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺
لمى:
مرت ايام وتحضرت اروح ويه علي لبيت خاله ناطيهم خبر عني وابوهم يريد يشوفني ورحنا
طلعنا مشي لان المسافة قريبة جدا لبيت اهلي بس من ناحية البساتين مو عالشارع
البيت صح كبير وحلو بس مكانه موحش تتخيله من بيوت افلام الرعب هالجزء من منطقتنا بعده ما مسكون تقريبا خمس بيوت بالمكان وكلها لاقارب ام علي اهلها واخوانها لان البساتين تعود الهم
وصلنا للقنطرة اللي تعبر النهر الفاصل بين البيوت والبساتين لان المنطقة يفصلها نهر صغير وبالجهة الثانية البيت المنشود وبان من بعيد تصميمه الحلو وواجهته العالية بالعافية على ساكنيه كلش حلو
دخلنا من البوابة الخارجية والمسافه ما شاء الله لحد المدخل الواحد يتعب من المشي
كل شويه اوكف بمكان واتوسل بعلي ينطيهم خبر عيب دخلنا بدون استأذان وهو يضحك عليه ويكول امشي
وصلنا للمدخل شفت رجال كبير كاعد بالطرمة الداخليه
يطلع عمره نهاية الستينات بعده زين مو تعبان كلش عرفته خال علي من سلم
-الله يساعدك خال
-هلا بويه هلا تفضلوا ها هاي لمى تفضلي بويه تعالي
بقيت صافنه الحجي حتى اسمي حافظه
تقربت يمهم وكعدنا بالحديقة ما دخلنا جوه والحجي صاح لزوجته وطلعت مره كوه تمشي وكفت اساعدها ما قبلت ووياها اخذتلي سونار من راسي لرجليه وهزت راسها بقبول بس شنو الحجيه مبينه صعبه من كلامها واسلوبها
الحجي قضاها شوط يتشاقى وشوط يضحك وشوط يتغزل بيه مرتين ثلاث خجلني تالي كاموا يضحكون
علي:خال على كيفك صديقتي ما ارضى تتغزل بيها واني كاعد
......عابت صديقته ابو سنون اللي يسمعه يصدك....كانوا يحجون واني ارزل بيهم بيني وبين نفسي
ابو اسعد :هي اللي يشوف عيونها بعد حتى اهله ينساهم
عزا عزززززا ردت اخرب من الفشلة.....والله يا الله شايب ورويحته خضرا.... وهنا الحجية يلا ضحكت طلعوا ناصبين عليه
ام اسعد:ولكم دكافي راح تهججوها ما صدكنا علي قنعها واجتي
خزرت علي الكذاب ويكول ما عدهم خبر عني خزرته واعترف
علي:لمى الحجي والحجية قبل لا افتح الموضوع وياج كلت الهم عليج بقوا يلحون عليه اقنعج لان يعرفون اهلج وعماتج يكولون نادرات وشاطرات بالشغل ...ابتسم ابو سنون واني بقيت خازرته عابت اي والله طلعوا يعرفون جدي السابع عشر
