عودة
متابعيني الاحبه
باقي القليل للنهاية اصبروا وياي وعليه 😊😊
لمى :
بعد ما قضينا ليلتنا سويه وصبح الصبح بديت اجمع باغراضنا واعزل بيت جدة سراج وهو راح للحمام ولما طلع شافني محضره نفسي حتى يرجعني ضحك وهو يباوع الي
-هاا حبيبه وين رايحه
-غير نرجع لاهلي ناخذ اغراضي وننطيهم خبر رجعتنا
ضاج وتأفأف
-وهذا اخوج الغبي
-سراااج هاي شنو عفيه لا تحجي عليه
-لولو اروح وياج بس كلمه منه وحده منه لا تلوميني باللي اسويه
-هههه والله انت وياه ما تتصافون ابد
-هو اني لو اخوج ينكز عالسجين ما يعرفني مخبل فد يوم اذبحه
-ههه بس تره هو من حبه الي
-انجبي حبه الج شنو حبته حيه كولي امين
-عزااا هاي تدعي عليه كدامي وتريدني هم ارد وياك سرااج والله راح ازعل
-هو انت زعلانه اصلا شراح يتغير كون تريله تثرم اهلج كلهم وتبقين يتيمه واني اتكفلج😁😁
يغمزلي وكاعد وحاط رجل على رجل خلاني اكمز وشلت جنطتي وضربته بيها وصدك زعلت ورحت واني احجي عليه وهو يضحك ويتعذر
دخلت للغرفه مو غرفة جده لا اكيد جايزه من نفسي افوت بعد بيها غير ابات يوم ثاني معناها... رحت لغرفه ثانيه وفتت بيها وركعت الباب
اجيت اقفلها ما تنقفل ما بيها اصلا مكان قفل ولا كل شي يسدها وهو وصل يدفع بيها بالجهة الثانيه واني منا سادتها وهو يدفع بالباب ويضحك
-لج افتحي اراضيج
-مااا اريد بس روح
-لا والله انت زعلتي ولازم اراضيج ما يصير
-لا والله ..صاحب واجب ..روووح سرراج
-ههه لج لا تعيطين اخاف يسمعوج الجيران يلا افتحي لولو
-على اساس شلون جيران اقرب بيت بعد كيلو متر كله من ورايه اجيت وياك
-لج افتحي لج
دفعها قوي واني مناك حطيت ضهري عليها وبكل قوتي ادفعها لا يدخل بعد قفلت عليه شلون يدعي على اهلي ..شويه وبطل دفع بالباب واني رخيت روحي عنها وما احس غير يدفعها بكل قوته وطيرني لنص الغرفه واجاني يركض ويضحك
-شو دتعاي دا ارضيج مو زعلتي
كمشني ويضحك واني ادفع بي
-ما اريد وديني لاهلي
-اي غير ارضيج اول
-ما اريد وروح جدو مجيد ما اريد ما زعلانه
-ما طول حلفتي بروحه الا اراضيج واني شكد حبيته هسه لان شال اقفال البيت كلها
-ليش
-حتى لا ننهزم منه ونقفلها لج ماكو احد يخلص منه من يريد يضربنا وهاي انت برجلج دخلتي غرفتي القديمه وزعلانه هم لازم اراضيج هههههه
صرت بحضنه
-هههه ما زعلانه منك ...هي هاي غرفتك؟؟
-حتى لو ما زعلانه لازم ترضين وبغرفتي هههه
اخذني تدفع لسريره القديم رغم كلامي وياه واعتراضي عالفكره مو وكتها ابد .. اريد ارجع لاهلي اللي خبصوا الدنيا بالاتصالات وامي تكول الي ارجعي..بس سراج وفاضت مشاعره بعد هههه
