ثراء النفووس

4

#ثراء_النفوس
RoroRose #
#البارت الرابع

فروق

صباح الخير حبايب 😘😘

💖🖤💖🖤💖🖤💖🖤💖🖤💖🖤💖🖤💖🖤💖🖤👄👄

لمى:
رجوعي لبيت اهلي كان بالنسبة الي راحة تامة غرفتي وفراشي من ارجع احسهم ملاذ امن الي محد هنا يكدر يحجي وياي محد يضايقني امي وابويه اوادم كبار وخلكهم طويل وهمه طبعهم هادئ عكس ام اسعد وابو اسعد عبالك الواحد يحسهم بعمر المراهقة بعدهم وكلهم حيوية ما شاء الله ام اسعد يمكن ت ما اعرف شلون ابو اسعد يتهم نفسه عطلان يجوز يطرد عيون ههههه 

توني دا اغفى واجتي امي وعدلت كعدتي واستقبلتها بضحكة امي تستحق من عمري انطيها كاسرة ضهرها كانت حتى اكمل كليتي خبزت للعالم لما تعبت وحر التنور اخذ من عافيتها سودة عليه.. كون ثوب العافية لبسها

تقربت كعدت مقابيلي
-يمه لماوي عندي سالفة وياج قبل لا تنامين
-كولي يالغالية عيوني ترخص لخاطر تراب رجليج
-ههه هنياله على هاللسان

-منو
-اللي راح ياخذج
-هو وينه غير لو يظهر واشوفه راح يروح الشباب وينضب كم الكلمات الجميلة اللي خازنتها لخاطره...تربعت واخذت نفس وذبيته بتنهيدة عشاق اغثها لنبع الحنان وفعلا حصلت المراد كفخة طيارية كمشت راسي وراها هههه

-انجبي عيب اني امج مو صديقتج وتاخذين راحتج ...بس هو اكو واحد
سويت روحي دا اخرب
-لا بداعتي ام هشوم صدك تحجين اوكفي خلي  امثل عود اني متخربطة مثل الافلام وانت كعديني

كفختني ثانية بعكس اتجاه الاولى نبع الحنان توازن الكفخات وحدة يمنه وحدة يسره حتى مخي من يطفر لهالجانب بالاولى ترجعه لمكانه بالثانية هههه
-لج دكافي ما ناخذ منج لا حق ولا باطل انت 

سويت نفسي زعلانة وكعدت عدل وكتفت ايديه كعدت العقال وبرطمت شفافي
-يلا كعدت هذا هو بس كولي منو الفارس المغوار
دعيت بيني وبين نفسي يا رب كون يطلع هو يا ربي هو
-مصطفى ابن جيرانه بيت ام مجاهد
-شنوووو مصطفى كعبول ههههههههه

-وجع حجيت نكت اني اي مصطفى شبيه تره صاير خوش زلمه الباب ما تفوته وين بقى كعبول
-هههه اي هو من صغير الباب ما تفوته لكعبول

-لج اسكتي خوش ولد وشاغول ويعيشج عيشة ملوك
-عجل خليني عايشة عيشة سندريلا وانتظر الامير الوسيم وحذائي الضايع ولا اخذ كعبول يمه ما عنده شهادة متوسطة والقوية من احنا صغار جان جيس كتل يمه حتى اني الفقيرة كنت من اضوج اكتل كعبول بالله بربج اذا هشام سمع كعبول خاطبني شراح يسوي يجوز ينفذ اضراب بالسجن واعمال شغب ويطلع ويجينا 

-ههههه لج مو هيج عاد صاير سبع
-لا والله يمه هيج ونص ..سبع كون الله يحفظه لامه وتضل تعلف بي ما اخذ كعابيل اني ردي الهم خبر رفضت والله يا الله