Mera naam hai Jeon Jeongguk. Umr 21 saal. Gujarat ke ek chote se gaon ka rehne wala insaan jo iss saal kota aaya hai, IIT ki Taiyaari karne.
Jab 2 mahine pehle kota aaya tha to duur ki mausi ke bete, ‘jin bhaiya’ aur unke dost ‘Joon bhaiya’ ki madad se yahan rehne ke liye ek ghar bhi mil gaya. *chuckles* ghar to nahi kahenge, ek room hi hai jise mene ghar banaya hai.
Rampura ki galiyon me ek family hai, jinke pass ek room khaali tha jo ki mene rent par le liya. Mere room ke paas ek aur room hai, jisme rehta hai iss centuary ka sabse bada kamina.
Kim Taehyung. Umr 23 saal. Iss ghar ka chota beta.kismat se usi jagah padta hai jahan me padta hun. Mera senior hai.
Bada beta hai ‘suga’, vo to baat hi nahi karte. Apni hi duniya mein rehte hain.
Shuruat se shuru karte hai kahani.
__________
Pehla din.
Mujhe aaj bhi mera kota ka pehla din yaad hai…
Ghar ko chod ke aane ka dukh to tha par naye mahol me rehne ka excitement bhi. Nayi zindagi jaisa lag raha tha.
Ghar ke second floor pe do hi room the. Landlord ne room dikhate hue bola…
“beta ye hai tumhara room. Apna hi samjho. Koi bhi problem ho hume bilkul mat bolna. Koi problem ho to ghar ke darwaze 24hrs khule hai. You can leave anytime.”
Mene jin aur joon bhaiya ki taraf dekha to unhone muh pher liya tha, jaise ki unhe fark hi nahi padta. Aisa bhi kabhi hota hai kya?
Par socha ki, koi baat nahi, mein to vaise bhi adjust kar hi leta hun.
“ye wala room kiska hai?” mene poocha. Puchna to padta hai na, pata to chale mera accha padosi kaun hai.
“Isme humara chota beta rehta hai. Abhi to bahar gaya hai, raat ko aega tab mil bhi lena”
Acchi padosi, my foot.
Aage jo musibat mera wait kar rahi thi, uske baare mein mujhe nahi pata tha. Pura din nikaal diya mene, jin bhaiya aur joon bhaiya ne iss room ko rehne layak banane ke liye.
Chota sa room hai, ek corner me zameen par mera chota bistar, dusre corner me mera chota kitchen teesre corner me chota bathroom and last corner me to darwaza hai. Sab kuch chota hai par acha hai.
Laga tha sab kuch settle ho gaya. Bhaiya bhi chale gaye “Jeongguk. Kal tujhe coaching le chalunga. Abhi so jaa”, par kaise sota? Kisi kamine ko meri neend pyari nahi thi.
Jaise hi sone gaya, ankhe band ki hi thi ki…
“DIL PE PATTHAR RAKH KE MUH PE MAKEUP KAR LIYA...MERE SAIYAAN JI SE AA--”
mere pados wale room se zor zor se ye gaana bajne laga. Itni zor se kaun gaana bajata hai? Behra ho jaunga me.
Thaka hua tha isliye kuch karne ki himmat nahi hui. Jaise taise neend bhi aa gayi.
Socha ek hi din ki baat hai.
Kal acha hoga jeongguk.
___________
Dusra din.
Coaching to achi thi. Mehngi thi, par keh sakte the, itna paisa to banta hai boss.
Ghar se thoda duur tha, par public transport zindabaad. Ek ghanta ‘Mini bus’ me dhakke khane ke baad ghar pohoncha. Thoda so gaya. Shaam ko neend khuli, to dekha landlords kahin jaa rahe the.
“Kuch din gaon jaa rahe hai. Humare dono bete yahin rahenge. Unhe pareshaan mat karna” Badi badi ankhen dikhai aunty ne mujhe.
Unhe kaun batata ki situation ulti hone wali thi.
आप पढ़ रहे हैं
TaeKook || Desi || Oneshot
Humordiscontinued 😭 Tae: Ye humari prem kahani kab puri hogi? kook: Jab iss Aalsi lekhak ka mann karega! __________________ pesh karte hain TaeKook ki kahaniyan Hindi me! Mat puchna "Top kaun hai? Bottom kaun?", varna jutti se maar maar ke bahar nikalu...
