TaeKook || Desi || Oneshot

VOLUME KAM KAR!! (5)

Mera point of view😎

Subah subah uthke jab jeongguk nikla room se classes jaane ke liye, tab taehyung uska already intezaar kar raha tha Sorry bolne ke liye.

Par jeongguk ne use tanki jitna bada wala gussel chehra dikhaya, aur aage bad gaya.

"are sun to jeongguk, dekh I am sorry kal ke liye" taehyung ne haar nahi maani. Vo uske peeche pada raha. Use follow karne laga, par jeongguk ne jawab nahi diya.

"are yaar sorry na, dekh mein khud tere ghaav par malham lagaunga"

"yaar? Hum dono yaar kab se ho gaye? Hato mere raaste se" taehyung nahi hata uske raste se.

"jab tak tu mujhe maaf nahi karega mein yahan se nahi hatunga"

"tujhe kya ye dailysoap lag raha hai. Tu hero mein heroine. Mein ruth jaun tu manae aur phir humara moment ho jae?" jeongguk ke statement se taehyung ki body mein jo current utra, use nazar andaaz karna galat hoga.

Jeongguk ne taehyung ko aaram se hataya aur aage bad gaya.

Taehyung ko hosh aaya aur vo bhaaga jeongguk ke peeche. Gully ke bahar jaake dekha to jeongguk jaa nahi raha tha, balki ulta wapas aa raha tha bhaagte hue ek ghabrae expression ke saath.

"taehyung wapas bhaag musibaat aa rahi hai!!"

"mein kahin nahi jaunga jab tak tu mujhe kal ke liye maaf na kare"

Jeongguk jaldi se wapas jaana chahta tha aur yahan taehyung use jaane nahi de raha tha. Dono beech sadak par dhakka-mukki kar rahe the.

"taehyung mujhe jaane de, wo aa rahi hai"

"pehle mujhe maaf kar"

"bohot pachtaega, please mujhe jaane de"

"are kisse darr raha hai?"

"hiiiii jeongguk" Uss teekhi si awaaz ko sun kar jeongguk ruk gaya. Ab vo phas gaya, kahin nahi bhaag sakta. Ab use uss sadeli pinky ko sehna padega, sab taehyung ki galti hai.

Taehyung ko ek 'tu mere haato se hi marega' wala look deke vo sweetly turn hua, "hii pinky, aaj yahan kaise?"

Taehyung ne bhaari wala judgmental look diya pinky ko. Laal aur kale ke mixture wale baal, machhi jaisa muh, bhari garmi me bhaari wala makeup, kamar hilate hue, kakdi jaise shareer ke saath ek ladki jise pinky bhi keh sakte hai vo un dono ki taraf aa rahi thi. Taehyung ne dheere se jeongguk ke kaano me bola "bijli ke khambe chalne lag gaye, kisi ne mujhe bataya nahi"

Ye sunke jeongguk ki bhi hasi chuut gayi "khamba nahi ladki hai stupid"

"ye ladki hai? Khana wana nahi khati kya? Aur kaun se talent show me jaa rahi hai ese ban than ke?"

"vo roz hi aise rehti hai, ab muh band kar"

"kaafi dino baad mile jeongguk" pinky ne bola

Taehyung ne phir dheere bola "what does she mean by kaafi din? Tujhe aae hue pandra din bhi nahi hue aur tune ladki bhi pata li? Tu to bada wala nikla"

"tu chup karega warna yahin tera muh tod dunga"

Bas iske baad taehyung chup chap pinky aur jeongguk ki boriyat baate sunta raha. Koi bhi keh sakta tha jeongguk ko baat karne me sar se leke paanv tak koi interest nahi tha. Aur ye dekhke taehyung ko bada maza aa raha tha. Phir pinky ki ek baat pe taehyung ne gaur kiya.

"jeongguk tumne socha uss baat ke bare me?"

"dekho pinky baat ye hai ki-"

Yahan shuru hui taehyung aur jeongguk ki khusur phusur:

"abe ye macchi kis cheez ki baat kar rahi hai?"

"mujhe apna boyfriend banane ki"

"kasam shyam baba ki, hum dono pichle janam ke dushman hai, par ek dushman bhi apne dushman ke liye itna bura to nahi sochega"

"matlab?"

"matlab ki iss haat agarbatti paer mombatti ka boyfriend banne se accha hai ki tu shahar chor ke chala jaa"

"wow kya idea mila yaar"

"acha hai na?"

"abhi batata hun" jeongguk ne fatafat taehyung ko aage kiya aur bola "meet my boyfriend pinky, Kim Taehyung"

Pinky ke chehre ka makeup aur taehyung ke chehre ka rang utarte der nahi lagi, "TU GAY HAI?" dono ne saath me chillaya.

"fortunately yes. I am gay"

"tune kabhi bataya kyun nahi" taehyung ne dheere se pucha

"tere mere sambhand itne ache kabhi nahi the ki mein ye baat tujhe bataun"

"point hai"

"eww jeongguk, tu gay hai. Chiiiii" pinky ne bola.

"oee homophobic ki dukaan, tu jeongguk ko chii bolti to chalta, par uske gay hone par koi comment mat kar"

Mujhe samajh nahi aa raha isse compliment samjhu ya insult? Abhi to compliment se hi kaam chala leta hun. Jeongguk ne socha.

"mujhe yakin nahi ho raha mein itne dino se ek gay ke peeche bhaag rahi thi"

"aur mujhe yakin nahi ho raha mein itni der se ek homophobe ki shakal dekh raha tha. Hey bhagwan kya ghor paap ho gaya mujhse" taehyung ke shabd pinky ko chubh gaye.

"dekho tum dono meri nazaro ke saamne se—"

"hatt jaen? Are ye to karne mein hume sabse zyada khushi hogi, ye to hume sabse pehle karna chahiye. Hain na jeongguk?"

"han, gandagi se duur rehna chahiye. Bye pinky, dubara kabhi mat milna"

Ye kehkar dono bhaag gaye wahan se wapas ghar. Dono has rahe the jaise barso purane dost ho. Ye scene dekhke suga ko bohot khushi hui.

...TO BE CONTINUED