Taehyung Pov
“chal taehyung, classes ka time ho raha-- AAAAAAAA”
*dhadaam*
“aaj phir se paani daala, KUCH TO NAYA KARTA”
apne aap ko pairo par khada karke, kapde jhatkaar ke, aage badte hue, mene ghar ke bahar kadam rakha.
Lekin ghar ke bahar aate hi meri aakhen akhrot jaisi ho gayi.
Vo vahi bethi thi jeongguk ke saath, jeongguk uske kaan me pyaari pyaari baate bolta to vo uski bahon me simat jaati, jisse dekh jeongguk has padta. Use pyaar bhari nazaro se jeongguk ek-tak bas dekhe jaa raha tha. “khushi you are so sweet” Jeongguk ne pyaar se bola.
Sweet mera kaka!! Chudail hai chudail!!
Tabhi uski nazar mujh par padi, aur vo jhatt se meri taraf dodi, and that was cue for me to climb on the bijli ka khamba nearby in fear.
Kyunki MUJHE DARR lagta hai usse.
“khushi nahi nahi esa nahi karte” jeongguk ne use pyaar se uthaya aur sahlaya, “ese dodte nahi, lag jaati to”
Jeongguk ne “kya pagalpanti hai!” wale face se mujhe dekha “aur aap wahan khambe par kyun chad gaye? Mohalle ka nazara dekhne ka yahi time mila?”
“pehle tu uss billi ko duur rakh”
“uska ek naam hai khushi”
“jo mujhe nahi deti bilkul bhi khushi”
“to kya chahiye shushi?”
“nahi bas ek lion plushi” vo line mere muh se bas nikal gayi aur mujhe laga
gayi bhens paani me
Mujhe jo lag raha tha vo confirm ho gaya jab mene jeongguk ko apni hasi chupate dekha “e-ese kya has raha hai?”
“haha ek to vahan upar ese chade hue ho, upar se bol rahe ho lion plusi? Kuch zyada hi cute nahi ho gaya? Acha ab neeche aa jao, khushi kuch nahi karegi”
“mein chahta bhi nahi ki vo kuch kare, tu use bhaga yahan se”
“kyun kyun isne kisi ka kya bigada hai?”
“mera raiyta--bigada tha ek baar, kitchen me ghus ke”
“h-han to galti insaan bhi karte hai, khushi se bhi ho gayi” Jeongguk ne bache ki awaaz me khushi ko bola “KHUSHIIIII chalo taehyung bhaiya ko sorry bolo”
Khushi mere upar gusse se chillayi, ye bol rahi hai next time mera faluda bhi churaegi. Maar daalo mujhe.
“ab bol ab bol. Dekh teri khushi ke tevar”
“lagta hai khushi tujhe ye bandar pasand nahi aaya, chinta mat kar” Jeongguk ne uske kaan me dheere se bola “mujhe bhi ye bilkul pasand nahi”
“BANDAR? tune mujhe bandar bola?”
“nahi mene aapko gilehari bola, feeling better?”
“tu bohot zyada bol raha hai”
“aur aap bohot zyada upar chadte jaa rahe ho. Auntiyan dekh rahi hai, khud ki izzat ka khayal nahi, kam se kam meri to watt mat lagao? Taehyung ji what is this behaviour?”
“abe oo behaviour ke chache, uss khushi ko bhej na”
“nahi bhejunga, mene decide kiya hai mein khushi ka guardian banunga”
आप पढ़ रहे हैं
TaeKook || Desi || Oneshot
Humordiscontinued 😭 Tae: Ye humari prem kahani kab puri hogi? kook: Jab iss Aalsi lekhak ka mann karega! __________________ pesh karte hain TaeKook ki kahaniyan Hindi me! Mat puchna "Top kaun hai? Bottom kaun?", varna jutti se maar maar ke bahar nikalu...
