TaeKook || Desi || Oneshot

Rang zaruri hai

“HOLI HAIIIIIIII”

“Jeongguk aaram se, Tujhse bada holi premi nahi dekha mene aaj tak”

“Jin bhaiya baate mat karo, Aur rang lagao, KYUNKI HOLI HAI”

charo taraf holi ka mahaul tha, jisme jeongguk ne char chand laga diye the. Holi uska favourite festival tha. Rang, paani, baloon, pichkari, uski saari taiyaari perfect thi.

“jimin bhaiya, vo nahi dikh rahe kahin”

“Jeongguk kiski baat kar raha hai?”

“Taehyung bhaiya , jo aapke saath padte hai”

Jimin ka chehra maano utar sa gaya ho, ek ajeeb si shikan chaa gayi uske chehre pe “vo holi nahi khelta”

“KYUN????”

“use holi nahi pasand, use ye sab rang nahi pasand”

“lekin kyun?”

“tu naya hai jeongguk isilie nahi pata tujhe, Vo to saalo se hi holi nahi khelta. Har saal apne aap ko apne kamre mein band karke rakhta hai aaj ke din”

“ye to galat hai, Holi ke saath na-insaafi hai”

Agle hi pal jeongguk gayab.

==============

Taehyung ko nahi pasand holi.

Nahi pasand to nahi pasand. Koi reason hona zaruri hai kya? Nahi pasand use paani ki barbaadi, in rango ka udna, kisi ko nuksan pohochana, ye shor sharaba, kuch nahi bhata use.

“i hate all of this”

“galat baat”

Taehyung ki to jaan hi nikal gayi jab akele shaant kamre me usne apne alawa kisi aur ki awaaz suni.

“yahan yahan peeche, tera dhiyan kidhar hai, tera hero idhar hai~”

Taehyung ne mud ke dekha to uski balcony se andar jeongguk kuud raha tha.

Zyada nahi jaanta tha vo use, bas uska junior tha, aur jimin ka kacha-pakka dost. No hard friendship.

“Tum mere room me kyun ghus rahe ho? Jao yahan se”

“AAP kyun apne room me ghuse hue ho? aaj holi hai sabke saath enjoy karo na”

“mujhe nahi pasand ye holi voli. Aur khabardaar jo wahan se aage bada hai to. Sir se paanv tak rang hi rang. Mera room ganda kar dega”

Jeongguk ne chalna shuru kiya, Kamre ke ek corner se dusre corner tak, jaan bujh kar apne kapdo ko jhatkara, taaki colour zameen par gir jae.

“YE KYA KAR RAHA HAI, MERE PAAS MAT AA”

Taehyung ki aankhen akhrot jaisi ho gayi jab usne jeongguk ko apni taraf aata dekha. Taehyung ne koshish ki bhagne ki par uska junior athletics me uska senior tha, Agle pal taehyung ko jeongguk ne kone me gher liya.

Bohot strong tha jeongguk, taehyung ne kitna koshish ki apne aap ko uske balshali bahubali hato ki pakad se chudane ki, lekin result shunya ka shunya. Vo abhi bhi jeongguk ki sakht pakad me tha.

“Mujhe rang mat lagana, i am warning you”

“kyun? Acha nahi lagta? Ye rang birange colours, ye hasta khelta mahaul, bacho ki khushi, bado ka pyaar, dosto ka hasi mazak aur even dushmano ka milan. Kitna to acha hai ye festival. Burai kya hai”

Phir se edhi-choti ka zor lagaya taehyung ne par vo abhi bhi deewar par chipka tha aur jeongguk usse. Akhir ye khali-bali khata kya hai?

“mujhe nahi pasand. Thats it. Reason hona zaruri hai kya?”

“hmm, baat to sahi hai, sabki apni apni pasand hai, lekin azmane mein burai to nahi”

“matlab?”

“matlab ek baar bahar aake to dekho. Kamre me band reh ke kya ukhad loge. Koi personal takleef to hai nahi aapko holi se. So try to karo. Ek baar rang lagwake to dekho”

“sochna bhi mat. Khabar-daar mujhe rang lagaya to, apne haat duur hi rakhna”

“okay, aapko me haat nahi lagata, lekin wish to kar sakta hun na?”

“han han happy holi, ab hato mujhse duur, saans nahi le paa raha me”

Jeongguk ka chehra taehyung ke paas jab gaya to jo bachi-khuchi saanse taehyung le raha tha vo bhi band ho gayi. Uska chehra side me hote hue taehyung ke kaano ke paas gaya.

Duur se wish kiya jaa sakta hai na?

Jeongguk ne halki awaaz me taehyung ke kaano me bola “holi mubarak”

Ek hasi dekar bas vo chala gaya.

Jab jeongguk wapas ussi balcony se chala gaya tab taehyung ne apne aap ko aaine me dekha. Uske paseene chuut rahe the.

Uska haat uske gaalo par pada jahan ab rang laga hua tha, konsa tha keh nahi sakte, sabhi rango ka mixture tha.

‘aapko me haat nahi lagata’

“rang laga hi diya akhir, haato se nahi to--”

Taehyung bol nahi paaya aage. Jeongguk ki boldness uski sharam par bhari pad gayi.

==THE END==

This chapter, this story ends here.

Hindi me romance likhna is so mushkil😭😭😭😭