Prick by my on Cupid arrow

Kilos

Filipino ang aking gagamitin hindi Ingles o Tagalog

Hindi ingles dahil, hindi ingles dahil, hindi ingles dahil

Bakit nga ba ingles?

Ingles ang unang tinuturo ng mga magulang ngayong panahon kaya ang tawag sa kanila ay mommy at daddy para daw mukang mayaman

Ngunit mas mayaman ang ating wika dahil ito ay binubuo ng isang daan at tatlongpung dayalekto sa iisang wika at ito ang nagpapatatag at nagpapatibay na isa tayong Pilipino..... hindi sinigang

Hindi Tagalog dahil matagal na itong patay katulad ng nakikita kong mga katawan na nakahilera sa labas ng kalsada

Mga puting kasiyahan na sinisisi sa mga mang-mang at ibinibigay sa mga naka asul na nagtataas daw ng ating bandera

Ito ang pagbabago, naipinangako nya

Oo alam ko hindi ito maganda

Pero bakit ayaw nyo magtiwala

Isinigaw, Iniangat, Ibinoto pagkatapos ay

Dinumihan, Ibinaba, at tinawag na bobo

Sinisi ang lahat ng walang kaalam alam kung ano nga ba ang totoong problema

Hindi ito ang pagpalit sa presidente o ang paghahatakan nila pababa

Ito ang mga nilalang na naglalakad na pera lang ang laman ng utak

Mga nilalang na puro na lang katamadan at alak ang dinadakdak

Ito ay ang mga tao

Sila, ikaw, tayo. tayong lahat ang may kapakana

Ginagamit ang baril at kamao upang maresolba ang problema

O kaya paglagay sa social media at paglike ng namamatay na tao satingin nya nakagawa sya ng tama

Ipinapasok tayo sa systemang itinuturo ang mga napagaralan na

Kapag may sarili kang opinyon sa isang bagay ito'y mali dahil hindi ito ang nakasanayan

May mga taong gustong makatulong sa nangangaylangan

Kaya ang solusyon ng sistema ay bigyan ng tambak na gawain para ito'y makalimutan

Sasabihing "ang mga bihasa ang gagawa ng paraan"

Napalitan na pala ng bihasa ang pagiging makatao

Gusto ko matuto pero basura ang sistema

Kumakatok ako sa utak at mga puso nyo na tayo dapat ang magbago

Magkaisa tayo para hindi sayang ang tatlong daan at walongput'isang taong paghihirap sa kamay ng mga hinayupak na yan

Wag nating hayaang lamunin tayo ng kultura ng iba

Magtiwala tayo sa kanya

Pakainin ang utak ng mabubuting asal at uhawin ang puso sa pagmamahal

Bago tayo tumutok sa ibang bagay

Masyado na tayong nakampanteng nanonood na lang sa dilim

Pwes tayoy lumabas at ngayon hindi bukas o sa susunod na henerasyon ngayon tayo kikilos

Walang magsisisihan kung tayo'y bumaksak

Dahil sa dulo tayo lang din naman ang magtutulungan

Tayong mga Pilipino

Tayo