نسمه رقيقة

(البارت الاول)

روبين :دكتورة يمكن حان موعد ولادتي مداي احس بأي الم وعبرت شهري كله اني خايفة عالطفلة.

الدكتورة: اي فعلا حان موعد ولادتج روحي للصالة بس.

روبين:بس شنو دكتورة؟

الدكتورة: انتي عندج فلوس حتى نكدر نولدج المستشفى تريد وصل
يلة تدخلين الصالة.

روبين: وشكد سعر الوصل

الدكتورة:سعرة 15 الف
(ملاحظة : 15 الف قبل جانت كلش هواية)

روبين: ماشي دكتورة
(بكلبي.عزا بعيني منين اجيب 15 الف خلي اشوف كريم بلكت يدبر)

كريم: هابشري شكالت؟

روبين: كالت روحي للصالة بس لازم وصل بس الوصل غالي

كريم: بيش يعني؟

روبين:ب 15 الف 😶

كريم:😳 اوووه.. انتضري بالحديقة خلي اروح اشوف بلكت احد يديني.

روبين: راح كريم وتاخر..

(بديت احس بوجع خايفة عالطفلة بعد مرور ساعتين من القلق رجع كريم)

روبين: ها كريم بشرني دبرت ؟

كريم:اي الحمد لله جبت كارت من المحافظ حتى ينطوني وصل مجاني

روبين: اوف فرحتني يلا خلي نروح تأخرت خاف يصير شي بالطفلة

كريم: يلا

(وبعد مرور نصف ساعة سمعنة صوت بجي يعود للطفلة)

روبين:بعد ماجبت الطفلة حطوها بحضني وكلشي راح مني القلق والخوف والوجع حسيتهة نورت الدنيا شعور وكاانو اول طفلة رغم عندي اربع اطفال وهية الخامسة. فدوة شلون طفلة جانت عيونهة بنية وشكرة وخدوها عبالك تفاحات ورموشها كثيفة ومربربة شفيفها صغار ومليانات تختلف عن كل الاطفال جان بودي اكلهة

كريم: سمعت صوت الطفلة بالصالة عبالك مي بارد نزل على كلبي جابولياهة وشفتهة موردة وجانت نايمة هستوج جنتي تبجين شبسرعة نمتي...هههه فدوة

روبين:كريم شنو راح نسمي الطفلة

كريم: بما انو بنوتتنة ناعمة ورقيقة خلي نسميهة بيلار ومعناته النسمه الرقيقة

روبين:اممم اسم حلوو .. 🌝نورتي بيلار

روبين:رجعنة للبيت هيثم ونادر وجنى ورنا كيفو بااختهم الصغيرة وطارو بيهة طير

(وبعد مرور 12 سنة كبرت بيلار ودخلت للمدرسة ونجحت من السادس ابتدائي وسوينالهة حفلة ماكو منهة طبعا اخوانهة سوولها الحفلة لان طلعت الاولى وجانو واعدينها بهذي الحفلة..

مرت 12 سنة وحسيت انو كريم تغير بعد ولادة بيلار للافضل طبعا
وحتى كام يعامل اطفالنة بكل حب بعد ما جان اب مهمل وبس يعلة صوتهم او يضحكون او يسوون اي شي يكتلهم ويقسي عليهم ومجان يلعبهم ابد ولا يشيلهم بس بعد ولادة بيلار تغير جذريا وحتى فتح محل وكام يشتغل ورزق خير من الله لليوم الي سحرتة بنت ابليس طبعا اني اكبر من كريم بسنة ولان تعبت هواية بالعيشة وخمس اطفال صرت كاانو عجوز هملت روحي هواية علمودهم محسيت بقيمة روحي وهوة رجع شاب اكثر من قبل)
اسمعوا القصة واحكموو.
.
.
.
Write✏: nabaa