نسمه رقيقة

(البارت الثالث)

💛ء#أدري_الوجه_مندار😒✋

#والغيري_عينه🤦‍♀🥀

#يومية وي بحار مثل #السفينه😏✋

_______________________________________________

كريم. رحنة نجيب العروس واشوفلك وحدة سمينة واكفة بالباب سمرة وملامحها عادية ضلت بس تباوع علية من رحنة لما رجعنة ومن رجعنة غمزتلي حسيت كلبي مدري شصار بي طبعا اني مداري روحي وبعدني شاب مرتي اكبر مني وتعبانة متكدر تداريني ضليت افكر بهاي البنية هواي هية مبين عليهة ثلاثينية ومدارية روحهة شلت هالفكرة من راسي واتعوذت من الشيطان اليوم عرس ابني واني بشنو افكر.. المهم وصلنة للبيت زفينة العريس وكعدن النسوان الي يباتن وخوات روبين وهية ضلت يمهن وهيثم ويه جماعتة واني ضليت وحدي فجاة اجتني رسالة عالماسنجر من بنية حاطة صورة كلش حلوة وضليت اسولف وياهة طول الليل تقريبا لل 4 الفجر اني كاعد بعدين استاذنت وراحت طبعا اني ماكدرت انام كلت يمكن هاي اشارة من الله وهم رجعت تعوذت من ابليس وصليت ونمت

ميساء. اني بنية عمري 35 سنة مامتزوجة ياهو اليجيني متصير القسمه مااعرف ليش عايشة وية مرة الاب ومامتحملة العيشة اريد ازوج واخلص منهم عسما شايب فجاة كاعدين المغرب تقريبا فات كدامنة عرس شفت شايب كاعد بالصدر يمكن ابو العريس شفتة انتبهلي كلت بلكي تصير القسمه خلي اقشمرة ضليت اباوع عليه لما راحو بالاخير غمزتلة وضحكت وطبيت جوة شافتني مرة اخوية كالت شنو السالفة حجيتلهة كالت ابو العريس اعرفة كلتلي تقبلين بي كتلهة اكيد انطتني حساب الفيس مالتة وكلتلي انتي وشطارتج اني استغليت فرصة وحاجيتة بالليل وضلينة نسولف هواي تالي نعست حيل استاذنت ونمت.

بعد مرور شهر.....

جنى. ماما جايبتلج خبرية تجنن

روبين. هابشري شكو

جنى. ماما اني حامل بالشهر الثاني

بيلار. احلفي

جنى. والله

بيلار. يعني راح اصير خالة ياسلام

جنى. شكد خبلة

روبين. تعالي الحضني ياعمري فرحتيني حيل

جنى. اوف ماماتي حياتي واي شكد احبج

بيلار. واني

روبين. تعالي ام لسان تعالي

بيلار. ههههه حلوة هاي ام لسان

روبين. طبعا جانو يمنة جنى وفؤاد وفرحونة بحمل جنى وباركنالهم وبعدها راحو اجيت اسولف وية كريم شفتة متغير من عرس نادر صاير غريب 24 ساعة وجهة بالتليفون ودائما يكشخ ويلبس ويتصور وهوة بهالعمر غريبة تقربت منه اشوف شكو بالتليفون وخر مني التليفون شكيت كتلة شكو كال اوكفي راح صاح نادر وهيثم وبيلار وجانت رنا هم يمنة واختي وبناتهة كعدهم وكال عندي الكم حجاية
.
.
.
وجانت الصدمة
شتتوقعون ؟؟

كريم. شوفي يابنت الناس اني اريد اتزوج والزواج لا عيب ولا حرام

روبين. دكيت على راسي عزا العزاني والعشرة كريم 30 سنة مو بعينك

#وحك الجنت

#احبهن بيك ونباكن

#بعد وجهي وي وجهك

#حلم يتلاكن

بيلار ونادر وليلى وهيثم ورنا ومروة وام مروة في حالة صدمة

روبين. خانتني دمعتي بعد مااتحمل كتلة روح اطلع برة روح اتزوج وراح اوقعلك بالمحكمة بس بشرط تسجل البيت بااسمي واسم ولدي

كريم. من عيوني

روبين. كون انعمت عيونك

نادر. استهدو بالرحمن شبيكم

روبين. لا نادر لا همزين اجت من عندة لان اني صدك مليت يومية مشاكل طكت روحي

نادر. يمه ماكو بيت مابي مشاكل

كريم. اني هذا العندي

نادر. يعني ثنينكم موافقين

روبين. ايي

كريم. ايي

هيثم. سوو الي تريدونة(عاف البيت وطلع )

نادر. خلي نتفق

كريم. راح اسجل البيت بااسماءكم وهية تروح توقعلي بالمحكمة وانتهى

روبين. هاهية(يالبيك لهِاني العمّر ماركزت بي مَن مر ..💜)

(طلع كريم سوة اجراءات التنازل عن البيت واخذنة حتى نبصم ويصير البيت بااسمنة طبعا سجل البيت بااسمي واسم الولد والبنات وبيلار اهم شي لان اخاف عليهة وراهة جناين ومرت اب لو وكعني زماني ياكلنهة ادعي الله يخليني عايشة لما يجيهة ابن الحلال الي يستر عليهة وكتهة انام واني مرتاحة)

بعد مرور اسبوعين

كريم. رحت خطبت وكالو اهلهة لازم ولدك وياك حتى نوافق طبعا نادر راح وياية جهزنا واجرت بيت وخلصت معاملة التنازل عن البيت ومعاملة الزواج ناقص بس التواقيع واخذهم وااروح

روبين. بيلار وينج

بيلار. يي ماما جيبت

كريم. ها خلصتو

روبين. يي

كريم. وين نادر والبنات

روبين. راح نادر يجيبهن رجالهن بالعسكرية نتلاكه بيهم هناك

كريم. ماشي يلة خلي نروح

(سجلنا البيت او وقعتلة عالزواج راح تزوج وطردته من البيت مااريد اشوفة اساسا صرت مااطيقة بس كلبي راح وية سنين عمري الضيعتهن عليه)

بسك یگلبي اشبیك

المــــن هل الاصیــــاح 💔

لومن صدگ یهواك

ماعافـــــــك وراح😔✋

Write:Nabaa ✏