نسمه رقيقة

(البارت العاشر)

اذا حبيتو القصة ممكن تدعموني بيهة وتشجعوني انو استمر وتسوون تاكات لاصدقاءكم حتى يقرون القصة ويستمتعون بيهة يااحلى متابعين ❤
___________________________
تعال اشمر حجايه وكول مشتاك
لتحسسني يمك مالي قيمه
لتخليني اتاني وجرحي مفتوح
مثل جرح الحياطين القديمه
الناس التفتهم ما جرحت هواي
بس المشكلة الناس الغشيمه
---------------------------------------

سيزار. سوينة عملية الود ونجحت الحمد لله بس ضلت تاخذ كيمياوي حتى تقضي نهائيا عليه ومايرجع بعد بس لاحظت شي غريب انو اثار السرطان ماضاهرة عليهة يعني على الاقل الي ياخذ كيمياوي لازم شعرة يوكع او هيجي شي بس هية جانت كلش طبيعية بدة الشك ياكلني واني داي افكر اجتي امي عليه وكلتلي مرتك تخربطت خفت عليهة ورحت شلتهة واخذتهة للمستشفى ضلينة ننتضرهة لما فحصتهة الدكتورة وطلعت وكالت انووو 😔 ود حامل.  مااعرف افرح لان راح اصير اب لو احزن ياربي شسوي حسيت بوكتهة انو خسرت بيلار للابد صبرت وتحملت لازم اكون اقوى من هالشي لزمت التليفون ودكيت على سيلين جانت مقربة مني ومن احجي وياهة حيل ارتاح من كلتلهة الخبر حسيتهة تلبكت وتريد بس تسد التليفون بس حسيت بشهكة بيلار عرفت انو بيلار جانت يمهة تذكرت بيلار دخلت كلية الطب ممكن تكون وياهة صحتهة بيلار بيلار بس انسد التليفون بوجهي سديت التليفون وركبت سيارتي ورحتلهة

بيلار.جانت سيلين كاعدة يمي وحجتلي كل شي تردون الصراحة حسيت رجع النبض الكلبي انو سيزار معافني بس جان مضطر وصلت وياية ردت ادك عليه واكلة اريدك سيزار لاتعوفني واني افكر بي دك على سيلين طلبت منهة تفتح السماعة حجالهة على حمل ود وانو هوة مهموم ومفرحان اني شهكت من الصدمة بالموت فتحت باب كلبي وبلحضة رجع انسد حس علية وضل يصيح بااسمي سديت التليفون وكمت رحت للحمامات وضليت ابجي وتالا وسيلين معافني ابد ورة شوية صاحني ومن التفتت شفتة

بيلار. سيزار(راح يغمة عليه )

سيزار. مشتاقلج

بيلار. ضليت ساكتة واباوع بعيونة ضلت عيونة تحجي لغة العيون اصدق من الحجي بهواي  مليانة عتب يهواي 

سيزار. مااتحمل بعد حضنتهة ونسيت كل شي نسيت اني بكلية والعالم حسيت كانو بس اني ووياهة بالكون ردت اجرب هالاحساس وياهة مرة ثانية بس ردها مجان مثل قبل دفعتني وضربتني على وجهي وراحت  مو كتلك سيزار انت خسرت بيلار للابد بس ماصدكتني وعاندت

بيلار. تقرب مني سيزار وحضني بنص الكلية ماتحملت دفعتة وضربتة وعفتة ورحت كافي يلعب بمشاعري
اگل #الگلبي 💔

اشبیك #زعلان⁉️

یگلي #اسکت ولك🍃🔕

      محد #یحبنه😔🙏

ود. جنت بالمطبخ داي اسوي اكل لان جوعانة ومااحس بروحي الة وكعت وماصحيت الة بالمستشفى شصاير شبية ضليت حايرة لحد ماطبت الدكتورة حتى تفحصني شبية فحصتني وكالتلي انو اني حامل مااكلكم غير ردت اطير من الفرحة الرابطة الي جنت اتمنى صار موجود واخيرا سيزار راح يصير الي وبس

بعد مرور 9 اشهر ونصف

ود. فتت بشهري وصلت للنص كلبي مو متطمن حاسة راح يصيرلي شي بااخر شهر حيل تغيرت ضليت افكر هواية بالاخير قررت انو احجي السيزار على كل شي

ود. سيزار ممكن لحضة من وكتك

سيزار. اكيد كولي

ود. سيزار اني جذبت عليك

سيزار. شنو

ود. اني مجان بية سرطان بس صدك اني جنت احبك متحملت ابد انو اشوفك وية غيري دبرت كل هالشي حتى تبقى وياية واني ادري بيك تحبني بس مو مثل الحب الي احتاجة منك ف قررت انو اكلك بية سرطان حتى تتزوجني وابن عمي كيان دبر كل شي

سيزار. بالكوة لزمت نفسي ردت اسوي شي اتندم عليه بس هستوني داي احجي وجان تكوم تعيط وتنزف وديناهة للمستشفى بسرعة دخلوهة صالة العمليات والكل اجة ضلت 3 ساعات بغرفة العمليات اني نسيت كل شي من الخوف عليهة وعلى بنتي جانت حامل ببنوتة

طلعت الدكتورة وبدا وكت الحزن على كولتنة انقلب السحر على الساحر فاولت على روحهة وفرقت بين الحبيبن بس الحب الحقيقي دائما ينتصر 

#خلوهة على الله
شمالكم# مستعجلين
الصفة نيتة وية #اليحبهة
الله ميعوفة حزين
.
.
.
باجر اخر بارت انتضروني
Write:Nabaa ✏