نسمه رقيقة

(البارت السادس)

ليس الحب ❤مجرد عاطفة فحسب
بل هو شعور
بالمسؤلية عن روح اخرى تسكن روحك

بعد مرور سنتين

ام سيزار. يمه ثائر اخوك خابر كال شوية واوصل للمطار  روح جيبة بالسيارة

ثائر. اي ماما خابرني هسة راح اروحلة محتاجة شي

ام سيزار. سلامتك يمة

ثائر. يلة عيني اروح

ام سيزار. الله وياك يمة

ورة ساعة

سيزار. نزلت من الطيارة وطلعت من المطار لكيت اخوية ثائر ينتضرني بالباب سلمت عليه وحضنتة صار هواي مشايفه مشتاقلة ومشتاق لاهلي هواي وصلنة للبيت استقبلتني امي بالاحضان طارت بيه طير وجانت مسويتلي اكل اكلت اصابيعي وراه من كد ماطيب

ورة ستة ايام

بيلار. ماما يلة اني كملت

روبين. يلة واني هم خلي نروح

بيلار. ورة ساعة وصلنة البيت خالتي  ومن دخلت للبيت انصدمت صارت عيوني بعيونة كبالي مباشرتا سويت نفسي ممهتمة وطبيت سلمت وكانو مصاير شي وبعدها صبو الغدة اني ساعدت البنات وبعدين انجمعو بالاستقبال ف انجبرت انو اكعد وياهم لزمت تليفون وضليت فاتحة عيوني كمت اكمز مااعرف شسوي طرت من الفرح دموعي مااسيطر عليهن ضلو الكل صافنين عليه مروة تكول شبيج يمعودة شكو لمااخذو التليفون يلة عرفو شكو.

سيزار. ورة مارجعت من السفر بكم يوم عزمونة كرايبنة ورحنة يمهم عالغدة قبل الغدة بشوية دخلت للبيت ضليت صافن عالجمال عالحلاوة احلوة اكثر من كبرت اني طول سفرتي افكر بيهة ومن شفتهة كمت افكر بس لا تزوجت ضليت اريد بس اشوف ايدهة علمود اشوف لابسة حلقة لو لا بس الحمد لله مجانت مخطوبة ولا مزوجة سلمت وراحت وية البنات ماشفتهة الة من صبينة الغدة خطية تستحي تاكل بسببي اني اكلت شوية وسويت نفسي شبعان ورحت كعدت بالاستقبال علمود تاكل براحتهة ورة شوية خلصو همة هم واجوي كعدو بالاستقبال كلهم لزمت تليفونهة تكلب بي  وفجاة كامت تبجي وتكول لامومعقولة الحمد لله ياربي وطايرة من الفرح حسيتهة تريد تكوم تكمز لو مااحنة كاعدين ضلينة صافين عليهة الة مروة اخذت التليفون  وشافت شبي يلة عرفنة طلعت قارية نتيجتهة وطالعة الاولى عالعراق بمعدل 99.98 فرحتلهة من كل كلبي حبيتهة اكثر لان حسيتهة بنية طموحة ومتفائلة باركتلهة وسوو طلعة العصر لعيونهة وجابولهة هدايا اني اشتريتلهة هدية ودزيتلهيا بيد اختي على انو اختي جابتهة كلادة على شكل قلب ذهب. لبستهة وفرحت بيهة وكل مااشوفهة لابستهة افرح اكثر واكثر

بعد مرور ستة اشهر

سيزار. احبهة بعد مااتحمل لازم اعترفلهة
(مضت ست اشهر وخلال هالاشهر اني ضليت دائما اروح الكرايبنة كل مااسمع هية جاية حتى سويت حساب بااسم بنية وصادقتهة وصرنة اصدقاء عالانستا حتى احاجيهة مااتحمل هية عبالهة بنية بس شفت بعيونهة نضرات اعجاب الية ومن تحجي وياية عباله بنية ف جانت تحجيلي على مشاعرها تجاهي واني احبهة اكثر واكثر )

سيزار. هلا بيلو

بيلار. هلا نازو

سيزار. بيلار اريد اعترفلج بسر بس امانة متزعلين مني

بيلار. خير خما اكو شي وليش ازعل

سيزار. اوعديني متزعلين

بيلار. غير اعرف شكو

سيزار. اوعديني فدوة

بيلار. ماشي وعد

سيزار. اني مو بنية ومو اسمي ناز اني سيزار وحجيت وياج بااسم بنية حتى تحاجيني لان مااكدر اتحمل بدون مااحجي وياج اني احبج بيلار احبج واعشقج هم

بيلار. 😳😳 ها

سيزار. بيلار ادري انتي هم تحبيني بيلار تقبلين تتزوجيني

بيلار. مااعرف شكول

سيزار. كولي اي وخل الباقي علية

بيلار. شلون يعني

سيزار. بيلو انتي تحبيني

بيلار. يي

سيزار. كوليهة لعد

بيلار. موافقة

سيزار 😃 صدوك يعني موافقة اكيد

بيلار. يي اكيد

سيزار. راح تصيرين مرتي يعني اوف شوكت يجي هاليوم راح اطير من الفرح

بيلار. اني فرحانة اكثر بعدني لهسة ممصدكة

سيزار. لا ياعمري صدكي لازم تصدكين واني  بااقرب وكت راح ادز اهلي انشاء الله

بيلار. انشاء الله

سيزار. احبج

بيلار. اؤك

سيزار. دكوليها مو فتيتي كلبي كوليهة

بيلار. اعشقك

سيزار. اعترفتلهة بحبي وعرضت عليهة الزواج وهية وافقت لان تحبني واني ادري هية تحبني بس خجولة حيل ماحجت وهمينة خافت تخسرني اني بنت عمتي جانت صديقتي حيل اختي واقرب كل شي احجيلهة ف رحت داي اكوللهة بعد ماكلت لاهلي وقبلو وكالو نحاجي اهلهة بااقرب وكت بس صدمتني صدمة بحياتي متوقعتهة
تمنيت الكاع تنشك وتبلعني تمنيت الموت ولا اني انحط بهالموقف
صرت مخير بين اختي وحبيبتي مااعرف شسوي

.
.
.
ترقبو البارت التالي
شاركوني توقعاتكم

Write:Nabaa ✏