نسمه رقيقة

البارت الثاني

استمتع ❤بلحضات الحياة البسيطة
_________________________________

روبين:- اليوم حتى بنتي جنى الجبيرة مااعرف افرحلهة لو احزن لان راح ياخذون مني وردتي الثانية بس ماراح ابين الحزن  اليوم فرحتهة اتمنى فؤاد يكدر يسعدهة 😥

(ملاحظة  : رنا تزوجت بعمر ال 18 سنه وزواجهة جان بااختيارهة وموافقتهة مو اجبار اتزوجت ابن عمهة غيث )

بيلار: جنى راح البس فستان مثل لون بدلتج شتكولين

جنى: انتي كلشي تلبسين يلوكلج ياكمر

بيلار :وي فديت حياتي، جنى 🧐يعني بعد ماانام يمج انتي راح تروحين اخاف انام وحدي ابقى لتروحين يصير 

جنى:هوة بس هذا الهامج وين تنامين ويم منو روحي نامي يم بابا وماما 😕،اكلج

بيلار: كولي

جنى: طالعة حلوة لو لا احجي الصراحة

بيلار: طالعة كمر يصير اخطفج وافلت اني اولى بيج من فؤاد 😍

جنى:😂 هههه اويلي عليج بعدج هالكدج وبيج بلة

رنا: اويلي شنو هذا

جنى: شكو

بيلار: شنو

رنا: بربجن شايفات كمر يطلع العصر؟

جنى+بيلار: لا مشايفين

رنا:يي بس اني شايفة و3 هم مو واحد

جنى+بيلار: ها وين

رنا: ثول شبيجن اكيد احنا ال3 كمارة اكو غيرنة

بيلار: ههههه اني كمر احمر

جنى: واني كمر بنفسجي

رنا: واني كمر اخضر

بيلار:هذا حشيش مو كمر 😂

رنا+جنى:هههه 😂😂

روبين:اويلي عليجن شكد تحجن شو دشوفجن 😮 اوف طالعات فد شي

رنا: بنات اكللجن اجة الكمر الرابع ماماتي حياتي

روبين: ثكلي شوي ثكلي

رنا:ماماتي غير احبج

روبين: واني احبجن كلجن

(خلصت الحنة طبعا البنات بدعن او وياهن بنت خالتهن مروة واجة يوم العرس الي راح ياخذون بي وردايتي)

روبين: فؤاد بنتي امانة بركبتك

كريم. داريهة وخليهة بعيونك ولا تزعلها

فؤاد. هاي عيوني شلون ازعلهة

بيلار. خلص العرس طبعا ماحسيت بزعل بالعكس جنت كلش فرحانة جنت صغيرة يادوب 12 سنة مااعرف شنو معنى الفراق طبعا بعد شهرين تزوج اخوية الجبير نادر من ليلى وجان عرس كلش حلو بس بعد هذا العرس بلشت المشاكل ابتدت من رحنة نجيب العروس والصدمة )

تابعو وشوفو شراح يصير ويغير حياتنة ويكلبها رأس على عقب

بيلار.ماماتي خلي اصعد يمج

روبين.طبعا حياتي تعالي

كريم. اني هم راح اجي وياكم

روبين. بس انت لازم تبقى بالبيت حتى تستقبلهم

كريم.والله جاي على بالي اروح عندج اعتراض ست روبين

روبين. لا عيني ماعندي روح انت اني راح ابقة استقبلهم

كريم. ماشي

روبين. هذا شبي اكيد موصاحي يلة هينة بس خاليمضي العرس على خير اتحملهم شسوي

نادر. ها ماما ها بابا جاهزين

روبين. احنة جاهزين من زمان حبيبي ننتضرك اليوم ابني البطل كبر وصار عريس(نزلت دموعي من الفرح )

نادر. ماما ليش تبجين ياعيني مو ردتي تفرحين بية يلة افرحي

روبين. هاي دموع الفرح يايمه

هيثم. يلة خوية نادر الزفافة والسيارات جاهزة اتاخرنة

نادر.  يلة واني هم جاهز خلي نروح
.
.
.
(ماذا تتوقعون ان يحصل)
شاركوني ارآءكم
التكملة بالبارت الجاي

Write:-Nabaa ✏