نسمه رقيقة

(البارت الخامس)

رﺄيت بِـ عينيڪ ما لم ﺄراه فِـي سمائـي ليلاً💙

~~~~~~~~~~~~~~~~~~~~~~~~~~~~~~

بدت السنة الدراسية

دخلت للمدرسة المدرسة كلش حلوة حسيت روحي طايرة حيل فرحانة بالمدرسة وحابة اجرب حياة  الاعدادية

بيلار. تالا يعمري مشتاقتلج

تالا. ياحياتي وااخيرا شفتج والله اني الاشوق يعمري

بيلار. حضنتهة ونزلت دموعي صارلي هواي مشايفتهة وبعدها رحنة استكشفنة المدرسة وتعرفنة عالطالبات وجانن كلش حبابات صار عدنا صديقات تعرفت على طالبة اسمهة كناز جانت كلش حبابة وصرنة اني وياهة وتالا الثلاثي المرح طبعا ماشفت دارين وسهى بعد بس هنة نجحن من الثاني للثالث وعلى تواصل وياهن اني بس علاقتنة مو مثل قبل كلمن ملتهي بحياتة دك الجرس دخلنة للصفوف واتعرفنة عالمدرسات وجانن كلش حبابات كلشي جان حلو الا خبر تالا الي
احزني هواية

تالا. بيلار اريد اكلج شغلة

بيلار. كولي حب

تالا. بيلار احنة لكينة بيت بغير منطقة وراح نشيل بعطلة نص السنة لان بابا متفق وية صاحب البيت على هالشي

بيلار. لا تالا لا

تالا. لاتضوجين بيلار اني راح اتواصل دائما وياج ومراح اكطع بيج ابد

بيلار. والحسرة بكلبي مااعرف شكول بس اتمنالكم كل الخير

طبعا تمنيتلهم الخير وبكلبي حسرة تعودت على تالا شلون اروح للمدرسة ومااشوفهة مااعرف شلون راح اتحمل بس شنسوي العوض بالله  . . واقـــــْسم انـــــْي    ســــْـٰٗابقى  احـــبـْـٰٗك 💜✨ حــــْـٰٗتى يــــْـٰٗضع الكــــْـٰٗفن عـــْـٰٗلى 🍂 جــــْـٰٗسدي

بعد مرور خمسة اشهر

بيلار. خلصت الامتحانات وصارت العطلة وخلصت ودعت تالا وحسيت قطعة مني راحت وراهة صارت صداقتي قوية ب كناز
كبرنة وصار عدنة اسرار حجتلي قصتهة كلش مؤلمة
اسمعوها

كناز. مرحبا اسمي كناز عمري 16 سنه طبعا راح احجيلكم قصتي بس لاتكولون انو عمري صغير او اي شي الحب مايعرف عمر اوكي يمكن موحب بس اعجابي جان كلش قوي والزمن مشة وياية عكس وحرمني من الاحبة بس اني واثقة انو الله راح يعوضني بالافضل 
طبعا اني انعجبت باابن جوارينة اسمه دانيال واختة تقى جانت صديقتي كلش ف مااتحملت اعجابي بي اعترفتلهة وكتلهة تكولة على مشاعري حتى اذا ميريدني انسحب مااعلق روحي بي اكثر طبعا كيفت هية وراحت كالتلة...العصر جنة كاعدين اني وماما وجان تجي صديقتي وامهة خطار علينه اني استغربت اخذتني على صفحة وكلتلي انو دانيال معجب بيج حيل بس مايعرف شلون يعترفلج وانطتني رقمه وكالت حاجي ..حاجيتة وعدت الايام زاد اعجابي بي وهوة جبير عمرة 23حبني حيل واتمسك بية ومرت سنة وزاد حبة الي بالاكثر بس بيوم من الايام اجاني خبر كلش صدمني وجان الخبر دانيال خاطب..اني استغربت شنو شلون ليش رحت دكيت عليه كال اهلي جبروني وكالو نكتلك اذا متزوجتهة طبعا العروسة بنت عمة كال اني مارحت بالخطبة خطبوهة بدوني ولو يكتلوني مااعوفج ومااخذ غيرج انتي الي وبس لا تسمعين كلامهم خلي يزوجوهة للهوة..مااعرف بوكتهة ابجي لو افرح مااعرف شسوي ماجنت اكدر احجي لاي احد حتى ينصحني يربي شلون ضليت تقريبا شهرا مااحجي وياه وبس افكر ورة شهر دزيتلة رسالة انو كلشي بيناتنة انتهى ونهيت علاقتنة رغم هالشي مثل الموت البطيئ بالنسبة الي بس مااتحمل اشوفة يموت خلي سعيد وبعيد اهون علية..( لا بأس، فأني قادره إن أُعبر كل هذا السُوء بمفردي)  ورة فترة مر العرس من كدامي شكد صعب هالموقف انو تشوف زفة حبيبك لغيرك بس مجبورة اتحمل
ضليت الوم بروحي شلون عفت شلون جان مستعد يموت علمودي شلون اوف ياربي شيفيد الندم بعد راح

بيلار. نزلت دموعي على قصتة الي يسمع القصة مو مثل الي يعيشهة بس هية جانت قوية وكدرت تتحمل

بعد مرور ثلاثة اشهر

بيلار. واخيرا خلصت المدرسة لا وفوكاهة عرس مراوي حياتي احس بروحي طايرة من الفرح رحت للسوك وية ماما اشتريت ملابس للعرس والعصر رحنالهم ومر اليوم واجة الصبح وبدينة نحضر البيت والغدة ورة مخلصنة رحنة بدلنة وجانت مروة طالعة احلى من الكمر
خلصت الحنة وبليل اجوهم خطار يكربون بيت خالتي مااعرفهم اني
طبو سلمو اني استحيت بس عيب انو مااطب المهم طبيت سلمت وضلينة كاعدين بس من طبيت شفت ملاك مو بشر كاعد عالكرسي نغزني كلبي تلبكت وفوكاهة هوة ضل يباوع عليه لبكني بالزايد همزين محد حس عليه مشال عيونة من عليه انزعجت شوية لكيت فرصة صاحوني بالمطبخ طلعت وبعد مارجعت رحت للمطبخ اساعد البنات وكاعدات يسولفن وجان يجي هوة للمطبخ بحجة ياخذ مي طبعا عندة ميانة وياهم ضحك وشقة وعادي بس اني مااعرفة انطيتة المي وحسيت ايدة صارت باايدي جريت ايدي همزين ماوكع كلاص المي
بس كلت النفسي بيلار شبيج يمعودة بعدج هالكدوتج وينج وين هالسوالف ورة شوية استاذنو وراحو وصار العرس وخلص وجنه كلش فرحانين مراوي غلبت الكمر بجمالهة هنيال رجلهة عليه.

سيزار. اولا خلي اعرفكم بروحي (اسمي سيزار عمري 22 سنه طويل  بشرتي بيضة جسمي عدل رشيق واحب الاناقة مؤمن بالحب عندي شهادة معهد متخرج يعني احب اتعلم اشياء جديدة واتعلم لغات  شفايفي صغار بس مليانات شواربي مغطيات شفتي الفوك بس الجوة ضاهرة عندي لحية وشعري اسود ومرتب

سيزار. جنة رايحين البيت كرايبنة بيوم حنة مروة كلنة نودعهة اخر يوم لان اني جنت اريد اسافر علمود شغل لتركيا وماراح اكدر اشوفهم واني احبهم حيل كعدتهم حلوة سوالفهم ينحبون حيل المهم طبينة وطبن سلمن علينة وجان تطب وحدة وراهن هزت كلبي هز مااعرف ملاك لو شنو الكمر ماغلب جمالهة رغم انو هية مبين عليه صغيرة بعمر ال 17 او 16 هيجي شي طبعا هية نعومة بس مو ضعيفة حيل ولا دبدوبة جسمهة عدل وحلوة كلش جذبتني حيل اني مو من نوع الشباب الي يباوعون للبنات ويزحفون وهالسوالف بس هاي البنية ماكدرت اقاوم روحي كبالهة وشفتهة هية هم تلبكت ويمكن انزعجت من نضراتي الهة بس مو بيدي احد كايللهة صيري حلوة هيجي اخذت عقلي ورة شوي استاذنت وطلعت صاحوهة بالمطبخ انتضرتهة مارجعت رحت وراهة للمطبخ بحجة اريد مي انطتني هية مي لزمت اطراف اصابيعهة جرت ايدهة قوي وخجلت خدودهة صارن طماطيات من الحمار  من لزمت ايدينهة الناعمة اتخربطت احوالي يربي شكاعد اسوي اني اتعوذت الشطان ورحت كعدت يم الزلم ورة شوية استاذنة ورحنة للبيت بس ماراحت من بالي ابد سحرتني(  رﺄيت بِـ عينيڪ ما لم ﺄراه فِـي سمائـي ليلاً💙💍.)

ترقبو الاحداث الجديدة والمشوقة بالبارت الجاي ياترى شراح يصير هل. يبنى الحب على صدفة ام ان الصدفة ستصبح مجرد ذكرى عابرة ترقبو لتعرفوو

Write:Nabaa ✏