نسمه رقيقة

(البارت الرابع)

أقبح شعور ممكن تحس بي هو ألخذلان !

أنه يخذلك الإنسان الوحيد الي اعتبرته سند و ملجأ إلك..
شعور أن يختفي كل شي من بالك حتى أصعب الامور و تضل تفكر أني ليش انظلمت أني ليش وضعت ثقتي بهذا الإنسان..الاصعب من هذا انو ترجع للشخص الخذلك ويرجع يخذلك بنفس الطريقه 😊 كولشي يتعوض وهاي الدنيا لازم نتعلم منها
_______________________________________
بيلار. اجه الوكت انو احجي عني شوي اولا خلي اعرفكم بية

اسمي بيلار عمري 16 سنة عيوني بنية بيضة وشعري سرح وطويل طولي وسط شفايفي صغار ومليانات دمي محبوب واجتماعية وعاطفية كلش

بيلار. بعد ماعرفتكم عليه خليني احجي عني وشنو صار بعد ما تزوجت اختي واخوية وبعد مااتزوج بابا وشنو صار بية وب ماما

(نجحت من السادس وجانو اهلي مسويلي حفلة كلش حلوة جانو واعديني بيهة اذا نجحت وطلعت الاولى تونسنة وفرحنة وصادف يوم تخرج اختي جنى واخوية جان خاطب بوكتهة ثاني يوم بعد حفلتنة صادف حفلة مهر نادر رحنة وكضيناهة دك وركص وعزمنة بيت خالتي طبعا اقرب وحدة جانت النة مروة لان بنات خالتي كبار ومتزوجات ومروة تقريبا اصغر من جنى بسنتين المهم خلصنة الحفلة ورجعنة ثاني يوم راحو واني ضجت لان بية طبع اتعود عالخطار المهم ورة فترة شهرين اجوي خطابة على اختي جنى وجانو ناس زينين سالنة عنهم وبعدين وافقو اهلي وجنى طبعا
تزوجت قبل نادر لان جنة دنبني بيتنة ف عرس اخوية تاخر تقريبا سنة.

تزوجت جنى جنت ماافتهم هستوني صار عمري12 سنة ضليت اركص ومكيفة بيهة بس هية بيتهة جان قريب علينة بعكس اختي رنا الي بيتهة ابغداد واحنة بديالى بالسنة منشوفهة مرة. طبعا اني دخلت المتوسطه واغلب صديقاتي مو وياية حسيت بشي جديد مصاير من قبل رحت للصف وتعرفت عالطالبات وكبل اخذت ميانة وية كم طالبة مو هواي الي مثكلات وجهن مااحجي وياهن لان اني احب احجي وية اشخاص دمهم عسل مثلي 😂😍
تعرفت على دارين وسهى وصارو بالمدرسة كلهة يصيحولنة الثلاثي المرح جنة ندرس سوة نسولف سوة وكلشي سوة حتى برحلة وحدة كاعدين .ونجحنة للثاني بعطلة نصف السنة صادف عرس اخوية
وعرفتو شصار بيوم العرس
خلصنة العرس فرحانين ورجعنة
بااخير السنة دارين وسهى مانجحن بس اني نجحت حيل ضجت الدنيا طلعت من عيوني بس هذا قدر بعد نجحت للثالث بس ماعفتهن جنه نحجي ونطلع بس مو دائما لان الثالث صعب على كولتهم ومجانو يطلعونة فرصة بالثالث تعرفت على تالا صارت صديقتي المقربة حيل اذا غابت بيوم الوكت بالكوة يمشي تعودت علبهة هواي.التعود اقوة من الحب نفسة. حسيتهة بمقام جنة ورنا بقلبي دائما تنصحني وتوكف بصفي وتهتم بية وماترفضلي طلب
لحدما وصلنة طبعا الثالث بكلوريا وينطونة اجازة تقريبا 40 يوم نراجع بيهة احنة لان خلصنة الكتب من وكت صارت اجازتنة تقريبا 52 يوم بس جانن جحيم مو ايام بهاي العطلة صادف زواج بابا وصدمتة النة اني ماكدرت احزن على اي شي بكد حزني على امي نسيت قرايتي وكلشي دموعهة جانت تحركني ومابايدي شي اسوي علمود اداويهة لو تطلب روحي مستعدة انطيهيا بس لا تبجي.

(كلش صعبه تشوف جزء منك يتحطم وانت موبيدك تسوي اي شي والاصعب هوة انو جزءك الثاني هوة الي يحطم الجزء الاول)

اني ماتركت امي ابد جانت كل حياتي كرهت والدي بكثر ماحرك كلبهة صرت باردة حيل وياه ماحسسني بحنان الاب بيوم وعافني ومافكر بااي احد علمود مصلحتة شلون يريد افكر بيه امي جانت ترتاح من تروح البيت خالتي ابعقوبة ف اخوية نادر منتسب بالجيش من يروح للدوام مرتة تروح لاهلهة وكل اسبوع جنة نروح البيت خالتي واني ابد مااعترض متكدر تعوفني بالبيت وهناكة جانت راحتهة اني اهملت دراستي وحتى من الزم الكتاب احس مااكدر اقرة اي شي ميثبتن المعلومات بعقلي ابد اكابل الكتاب وابجي لا كادرة اتركة ولاكادرة اقرة امي مجانت تبجي ومقهورة على ابوية وانما عالعشرة وسنينهة الضيعتهن وياه مرت الفترة ال 52 يوم امي تحسنت شوي مجنت اريد ازعلهة على رسوبي هم بس ما الي واهس اقرة وموبس هيجي كلشي ماافتهم عبالك بحياتي ملازمة كتاب جنت بليل اقرة الكتاب اتصفحة مثل المجلة وتالا جانت تحفزني وتساعدني جنت اكول اذا جبت 50 بكل مادة نعمة من الله من طلعت من امتحان الانكليزي بالاخص كلت اني رسبت بعد خلاص كلشي مجاوبت عدت الامتحانات والخوف كاتلني نشرو النتائج طلعتلي نتيجتي ليلى وجانت الصدمة طرت من الفرح مااعرف بوكتهة شسوي متوقعت هيجي درجات بعمري كله 70 و80 وحتى 90 هم عندي الانكليزي الي كلت ارسب بي جبت بي 67 جان معدلي 76 وخير ونعمة من الله موزين نجحت على قرايتي 30 زايدة المهم عدت الفترة وامي صارت احسن من قبل بهواية بابا كام يجي علينة يسلم لو يتغدة ويروح وامي جانت تحجي وياه عادي وبدت حياتي بالاعدادية .

انتضروني بالبارت الجاي احداث كلش حلوة ومشوقه

Write:Nabaa ✏