#انتي سيوف الثأر في اجفاني

اعاده😂😂

اولا هلوو شلونكم...

ثانيا البارت اعاده لحد تجي دكول عبالي بارت جديد لا مو بارت جديد بس اكثر المتابعين مطلع عندهم وحاولت انسخه بالتعليق وإرسله مانرسل لان كوولش طويل...

ثالثا...لحد تجي ودكول ليش نشرتي حتئ تزيدين نسبة المشاهده...احب اكولها ماتهمني  اذا كثرت او نقصت الئ يهمني ان اني حابه القصه واني بنفسي متفاعله وياها والحمدلله القصه ناجحه رغم لا املك فيس ولا بيج ولا كروب فقط الوات..صح صديقتي تنشر بالفيس بس اني ماعندي

واني مجايه انافس اي كاتبه او اكون افضل كاتبه وانما طاقه بداخلها احب افرغها وابدع بيها ومتابعيني المتفاعلين يهموني

اكثرهم البارت عندهم مقطووع لذالك عدت نشره...

البارت الحادي عشر
رواية..انتي سيوف الثأر في اجفاني
بقلمي...نور سمو العراق

💔💔💔💔💔💔

اخبرني بربك
لم يغدو هذا العالم كئيبا من دونك!!
اخبرني بربك
لم تبدو الحياة شاحبه قاتلة
وانا افيق كل ليله
أشكو غربة الدنيا بعدك!!
أيا روحي أيا مهتدئ لم هجرت هاتفي
وانعزلت عني
ابات يريحك قبرك المشؤؤم اكثر مني!!
بقلمي فديتني...💓

بينما اني جنت ادور علئ الكنلس

انفتح الباب ببقوووه انضربت بي حييييييل

صرررخت من الوجع ووكعت علئ الارض

لزمت بطني بوجع  وعمه وماما اجني يركضن

عمه كلتله...شبييييك مرتضئ متشوووف موتت البنيه...

حسيت شئ نزل عليه انرعبت حييييل وصرخت...لا لااا لا...

هو ضل مصدووم ومتفاجئ

عمه لزمتني كالت بخوف مبين علئ ملامحها...رانيا يمممه شتحسين احجي

كتله بوجع وخووف...ماا ماااعرف بس احس بشئ نزل عليه

ماما حاولت تكومني..كالت كووومي خلي ناخذج للمستشفئ

حاولت اكووم بس صرخت من وجع بطني

عمه سحبته وهو مثل الاثول صافن

كلتله...شبيييك شيلها ماتشوفها راح تموت هي والطفل..

كتله بوجع...لا لا اني هسه حگووم

عمه سحبته  كلتله ...ولك شيلها

هو كعد ركبه ونص وتقرب مني احسه صخن حط ايده جوه رجلي والثاني علئ خصري

تقززت من لمسته وشالني

بجيت بصوت عالي وهمست...وييينك مهتدئ

هو بسرعه باووع بوجهي عبالك مثل الي شمرو عليه مي مثلج

بلع ريگه واني رجعت راسي بألم