#انتي سيوف الثأر في اجفاني

البارت الخامس والعشرون

البارت الخامس والعشرون
رواية..انتي سيوف الثأر في اجفاني
بقلمي..سمو العراق..

💔💔💔💔💔💔💔

خوتنه .. سيف وقلم وبينه الشعر ينكال.. خوتنه .. عـلـم ويرفـرف ابــد مـــا مــال.. خوتنه .. منبع وفــه تـتـغنـــه بالـمــوال.. خوتنه .. رايـه نصر بـوجـوه كــل الانـذال.. خوتنه .. هي الـصــدك مو خـوه العـذال.. خوتنه .. تضـل للابـد وتنكتب لـلاجـيـال..

...............................

جان كاعد بالكهووه وهو ينفخ بدخان الاركيله

ابو لهب...اخ خالد اترك التدخين تضر بالصحه...

خالد وهو ينفخ الدخان بوجه...ديالله علي أساس هي شلون صحه...

ابو لهب...لازم تهتم بصحتك وتقره اللوحات الإعلانية الي يدكونها بالحايط واستفاد منها...

خالد...والله بطران رضي الله عنك...لك اني من اشوف اللوحات الإعلانية...مكتوب التدخين يضر بالصحه رأسا اتذكر اطلع جكايري وادخن...

رأسا انشحط وضل يسعل بصعووبه وكف ابو لهب وهو يدك على ضهر خالد...

جابله مي شرب بسررعه...

وكف بسرعه..وهو يشمر خرطوم الاركيله

خالد...امشي بشييير..« ابو لهب » كلبي مامرتاح...

ابو لهب...الا بذكر الله نطمئن القلوب...روح صلي ركعتين لوجه الله...

خالد...ولك امشي بعدين اصلي ...ونذر اصليلك صلاة الوحشه اليووم...

سحبه وطلع من الكهووه...

صعدوو بالسياره...

خالد سحب مسدسه...

ابو لهب بخووف...اخ خالد القتل من كبائر الذنوب لا تغتالني

خالد...خاااب گوووم اغتاله هو اية الله العضمئ

ابو لهب...جاااا شكووو

خالد...اخذ اليوم عدنه مشوار بس اتشاهد قبل كلشي

ابو لهب...ولك وين ماخذني...

خالد...امشي وراي ومالك شغل كلبي صار نااار

ابو لهب...للملهئ يا اخ خالد نعم القلوب تصبح نااار عند هز الخصر...

خالد...لنعل ابووك لابو حتئ الخصر..

الزم المسدس ودير بالك ترمي طلقه بس الزمه اوك