مسكتا مصطفي من يدو و دخلنا لقينا الدكتور واقف مع عزالدين و اميره قبل م نصلهم الدكتور كان مشي منهم.. اميره عينها وقعت علي جات جاريه علي مسكتني من هدومي و بقت تكورك:( انتي السبب والله انتي العملتي كده...انتي الدايره تضيعي بتي و تخليها مدمنه حبوب هلوسه .. الله يلعنك)
اميره كانت في حالها هستيريا و تضرب فيني و بتكورك و انا و مصطفي مخلوعين.. عزالدين جا مسكها مني و مصطفي بحاول يفكها بس هي لسه ماسكاني و بتكورك..
مصطفي:( ي خالتو اهدي...مريم م دخلها حاجه.. اهدي)
اميره فكتني و بتكورك في مصطفي..
اميره:( ايوا عشان مرتك بتدافع عليها .. بس والله م حاسيبها والله ارفع فيها قضيه والله م حاسيبك ي مريم م حاسيبك)
انا بقيت ابكي و م اتحملتا كوراك اميره فيني و قبلت طلعتا طوالي...عزالدين مسك اميره بهدي فيها و مصطفي جا جاري وراي..
مصطفي:( مريم...مريم استني)
وقفني لقاني ببكي..
مصطفي:( معليش.. انا بعتذر ليك بالنيابه عنها... هي م واعيه ب حاجه و دي بتها.. اعزريها)
قلتا:( انا م ذنبي حاجه...م ذنبي شي...هي ليه ظنها فيني كعب كده? انا اضر ساره ليه? قايلاني ذيها بضر الناس و ابعدهم من بعض)
مصطفي:( اميره ضرت منو و بعدتهم من بعض)
انا كده يدوب وعيت ب كلامي و قبلتا مشيت لاني م عندي ااي تبرير ل الكلام القلتو...مصطفي جا وراي و ركبنا العربيه و مشينا..
مصطفي:( مريم انا بسالك وريني)
قلتا:(ماف شي ي مصطفي لو سمحت خليني)
كنت لسه ببكي..
مصطفي مسك يدي..
مصطفي:( خلاص اهدي حبيبتي...اهدي)
وصلنا البيت كنت تعبانه رقدتا نمتا طوالي...و مصطفي رجع المستشفي طوالي..
قاعدين مصطفي و عزالدين مع الدكتور في مكتبو..
الدكتور:( ساره وصلت ل لدرجه الادمان في الحبوب.. و لمن م بلعتها او م لقتها حالتها سا۽ت بالطريقه دي و عقلها م استوعب الحصل و فقدت الوعي.. لمن تفوق حالتها حتكون كعبه و نفسيتها حتكون مدمره... لازم تتعالج.. و في اسرع وقت)
مصطفي:(العلاج بكون كيف ي دكتور?)
الدكتور:( الا مصحات العلاج النفسي)
مصطفي و عزالدين اتخلعو و عاينو لبعض..
مصطفي:( بس المصحات دي كويسه?)
الدكتور:( طبعا في مصحات كويسه جدا... و في مصحات خارج البلد لو دايرين)
مصطفي:( و العلاج هنا بحتاج ل كم?)
الدكتور:( والله ده بحددو ليك دكتور المصحه انا م بقدر احددو)
مصطفي:( طيب ممكن تديني اسم مصحه كويسه و عنوانها و انا بمشي اشوفها)
الدكتور:( تمام)
و شال ورقه و قلم و بقي بكتب في اسامي مصحات و عنوانها..
عزالدين كان منكسر شديد و زعلان.. و م قدر يتكلم.. مصطفي هو البقي بتكلم و بتفاهم مع الدكتور..
برا جمب الغرفه كانو قاعدين اميره و نور...
اميره:( والله هي اللي ادت بتي المصايب دي.. هي بس ماف غيرها)
نور:( ي امي مريم م بتعمل كده ..مريم دي كويسه شديد)
اميره:( والله هي ..جيبي المصحف و انت بحلف ليك عليهو)
نور:(طيب مريم تعمل كده ليه? حتستفيد شنو?)
اميره:( قولي م هي.. ساره ليه كانت بتكورك معاها و زعلانه? ليه? بس فهميني?)
نور:( م عارفه ي امي والله.. بس اكيد في سو۽ تفاهم)
اميره:(ماف اي سو۽ تفاهم..هي السبب و رب الكعبه م بخليها والله بس اتطمن علي بتي الا امشي افرج فيها امه لا اله الا الله و ادخلها القسم)
نور حاولت مع امها كتير بس م اقتنعت في الاخر سكتت خلتها..
مصطفي و عزالدين جو طالعين من الدكتور.. مصطفي عاين ل ابوهو..
مصطفي:(ي ابوي امشي البيت ارتاح و انا حاقعد هنا)
عزالدين:(لالا م بقدر داير اتطمن عليها)
شويه الممرضه قالت ليهم انو ساره وعت...دخلو كلهم يسلمو عليها.. شكلها كان تعبان شديد و م قادره تتكلم...
مصطفي:( ساره انتي كويسه?)
ساره:( تعبانه...نار في جسمي.. راسي م حاسه بيهو)
مصطفي:( معليش حتبقي كويسه)
نور حضنت اختها عليها..
نور:(معليش حبيبتي اتحملي شويه)
ساره دموعها نازله:( م قادره م قادره حاسه نفسي حاموت)
اميره:( بعد الشر عليك.. بعد الشر حتبقي كويسه حبيبتي بس اصبري شويه)
نور جابت لساره شوربه و عصير بس ابت تاكل.. بعد تحانيس شربت حبه عصير..
مصطفي:( ساره داير اسالك ... منو العلمك علي الحبوب دي?)
ساره سكتت..
اميره:( دي مريم صح? هي الكانت بتديك.. قولي م تخافي اصلا انا م حاسيبها والله ادخلها السجن)
عزالدين:(ي اميره ممكن تسكتي شويه.. قولي ي ساره.. منو العلمك علي الحبوب دي?)
ساره:(م مريم ي امي.. مريم م ذنبها شي)
مصطفي قال في نفسو :( الحمدلله.. الحمدلله)
عزالدين:( منو طيب?)
ساره:( ناس معاي في الجامعه و كانو بدوني ليها و انا م عارفه لمن ادمنتها)
عزالدين كورك:(ليه م كلمتينا? ليه م قلتي لي كنت لحقتك قبل م يحصل ليك كده)
ساره بقت تبكي.. كانت حاسه بالذنب شديد..
عزالدين:( انا موديك احسن جامعه عشان تقري كويس و تتخرجي و تقيفي جمبي انا و اخوك في الشغل وله تمشي تبقي لي مدمنه مخدرات و تدخلي لي المصحات)
مصطفي:( ي ابوي اهدا خلاص)
عزالدين:(لا م بهدا... بت ذي دي تدخل المصحات? تاني في زول بعاين ليك? حتبقي لينا وصمه عار طول عمرنا...تاني ماف زول بعاين ليك ولا بتعرسي تاني... حسبي و نعمه الوكيل فيك ي ساره...حسبي الله و نعمه الوكيل)
عزالدين طلع زعلان و دموعو في عيونو..
اميره بقت بتبكي.. و ساره كمان بتبكي.. نور حضنت ساره و دموعها نازله و بتهدي فيها...مصطفي طلع ورا ابوهو ..
مصطفي:( ماشي وين ي ابوي?)
عزالدين:(البيت)
مصطفي:( انا كمان ماشي ارح)
