روايه حب مابعد سفر💓🛫✈️
بارت ثالت3//
اسيل جهزت روحها ومشت ....ف طريق🚶🏽♀️..تشوف عمكم يوسف وراء حوش جدها يدخن وحاط سماعات ويبكي ....ف داخلها(مانحساب عنده مشاعر ) فاتت من لمه وهوا بحت فيها بنظره حزن وعيونه حمر من دخان ومن لبكا ونزل راسه 😞(ف داخلها .. اوو شكلا مجروح ،،،خليه بالك يتوب ومعاش نتعاركو ...وفاتته) يوسف جاه هشام (عمي ادكرتوه دكتور لاسنان )انصدم وقاله كنك 😳
يوسف: تي سيبتني ياراجل طلعت كدابه يعني لحب لي بنيته من6سنين ضاع ف ليله ويبكي من جد جده
هشام: متقوليش حلا😳؟!
يوسف:وفي غيرها هواا😭😭
هشام:كيف صار يايوسف كنك احكيلي شن لي ضاع راني بجد مش فاهمك؟!
يوسف ناض من تلا هشام ومسح دموعه لان كبريائه مسمحلاش يبكي بجنب عمه ...لالا عادي فوت مافيا شي مصار شي وانتهت علاقتي بيها وضحك ضحكه فوق الوجع لي ف قلبه🙂💔
هشام وجعه ولد خوه ان حلا طلعت كدابه ،،،،
ايي صح برسمي انتو مش فاهمين من حلا😂😂{هادي حلا حبيبت يوسف متعرف عليها ف شركه لي يشتغل فيها وهوا تعلق بيها وله6سنين... ودار هلبا عليها وفات هلبا معجبات ....وح تعرفو مع حلقات شن دارتله }
•••••
عند خوالي //
احلام مكسده بجنب رواد !! (للعلم رواد وجواد ديما تلا خوالي او تلانا نحنا بس لاكتريه عند خوالي)
رواد:حلومه
احلام:نعم
رواد:جلم يقص رقبتك
احلام: خزي حيوان تحشم طشه خالتك راني
رواد:راني ولا راوخ
احلام:بطل ياجالط احكي كنك شن تبي
رواد:بجد نحكي
احلام:اها احكي
رواد:نبصر نبصر منبيش شي
احلام: سكتت ،،، بس حست ان يبي يحكي شي بس فاتت موضوع مبتش تغصب عليه
••••••
عند علي😍///
طبعا وصل لي دنفر
اتصل بي امه 📲
عائشه: مرحبا ياوليدي وصلت يمي؟!
علي: اها ياما وصلت لي دنفر وتوا خاش لحوش منتريح شوي وبكره منمشي لي نيو يورك،، غير اتصلت نطمنك علي ونطمن عليك
عائشه: باهي حمدالله ع سلامه ياوليدي ،،، امشي تريح وطمني بعدين
علي: اي تمام يام هي سلامات وديري بالك ع حالك ومتشغليش بالك شهر ونكون عندك
عائشه:باه ان شاءالله يارب وانت دير بالك 😔❤️
وسكر من امه وفتح انستا شوي وسكر //
••••
عند يوسف//
لما عدا م لم هشام خش للحوش صلى ركعتين ودعي ربي ان ينسيه فيها وان ربي يشفي غليله وبكي هلبا وخش رقد 😴 وهوا مجروح ..
•••
عندي انا واسيل//
من لما سيبت يوسف خشيت سلمت ع عمتي فتحيه وخشيت لي اسيل وقرينا مع بعض ومعطلناش لان فدينا وبكره اخر يوم /// وشويا هكا خش محمد وعمو آدم وانا روحت ...
••••
ف لحوش//
قيس: نويره
انا: نعم
قيس كنك ف دار بروحك تعالي نكسد يلا امي وبوي
انا: امبه هي شوي بس ونجي
مشيت انا وقيس يلا ماما وبابا ....
انا : اي صح بعد ننجح ح ندير حفله
بابا: حاضر
ماما:ان شاءالله
قيس: غير انجحي 😂
انا:خزو ياحيوان بأذن لله ناجحه 😌😏.... حقا بابا نبي هديتي تعرف شن هياا 🙈🙊
قيس: من قال بيهديك اصلا هوا 😂
بابا&ماما:😂
انا طارتلي من لحيوان قيس ,, وكشخت فيه وع اساس منوض يوقفني بابا/
بابا: نعم ياقلبي شن تبي اطلبي شن هديتك ... غير كنا نبصرو عليك
انا بحتت في قيس بنظره انتصار لان عارفه بابا ميقدرش علياا😌😂😂
انا: امممممم نبي نسافر لي امريكيا وبلاخص نيو يورك ✈️🙊
ماما: ايواا هلبا هكا ههه
قيس : واااو ولي امريكيا وبلاخص نيويورك شرط هكا نعدو للمرج خير ههههه
بابا وصدمني برّده: حاضر ياقلبي غير انجحي نسبه كويسه ودخلك لي طب من عيوني لي امريكيا لي امركيا حتى لي جزر لمالديف حاضر 😌
انا:مشيت اظبطت بابا وفرحت هلباا لحق لان كنت نتوقع ان نبقى نزن عليه مش يوافق وبحتت في قيس وماما 😛
وكسدنا شوي وخشيت رقدت لان بكره اخر يوم ونبي نرقد مش انوض بكري نراجع 😴
••••
اما عند علي///
ناض كلم امه ومشي لي حوش صاحبه أيمن//
ايمن: نورت بو رفيق والله مستاحشينك (للعلم ايمن مصراتي )
علي: والله وليك اكتر ياغالي
ايمن: ايييي وشن حال خالتي عائشه وشن مداير
علي: بخير والله الحمدالله والله عال العال ،، [للعلم علي وايمن شركه هما لاتنين ف شركه]
ايي وحكو مع بعضهم ورح علي للحوشلان بكره مسقدين مع بعض لي نيو يورك ///
•••
عند جواد ورواد//
رواد: جواد
جواد: نعم
رواد: لا لا فوت
جواد: غير خير دعوتك ياهم خليني نرقد كان هكاا مش فاضيلك
رواد تكنطا: ارقد مرقد جدي لي رقد معاش ناض اي والله
جواد بضحكه: وربي الا عزوز 😂😂 ورقد
اما رواد قعد ساهر طول ليل يفكر ف موضوع لي كان يبي يحكي عليه لي احلام وتردد ولي بيحكي عليه لي جواد وتردد .....؟!
يتبع😍❤️
اسم الكاتبه:Safoo Abdo🌸
أنت تقرأ
روايه.حب ما بعد السفر❤"مكتمله"
Romanceروايه خياليه من نسج الخيال.. روايهه أحداثها جميله و خياليه..أثمن أنها تنال إعجابكم❤ للكاتبه :safoo abdo
