روايه.حب ما بعد السفر❤"مكتمله"

البارت 7

روايه حب مابعد سفر💓✈️🛫
بارت سابع7//

عند رواد///
رواد: الوو
منيه: اهلين
رواد: تو كيف متخبرينيش
منيه: ع شنو 😳
رواد: انك خبطتي ف جواد😡
منيه: اي يوم لي كنت انت ف مستشفى
رواد: اها وتوا تحكي
منيه: قصدي موضوع  ميستحقش
رواد: اها اوك اوك هي سلام مش فاضي
وسكر وهوا متعفلق وخش لي جواد داخل....
•••••
عند هااله////
تتصل بيا ونا راقده
انا: همممم ي نفخ
هاله: تفي ياكلبه نومت اهل الكهف
انا: متصله مش تدعي ولا كيف
هاله: منسئلك شن رايك تجو تهدرزو حدايا ليوم بي ماان بكره مسافره
انا: مش عارف تو نشوف الاجواء ونرد عليك
هاله: تموم وقولي حتى لي اسوله
انا: باهي ياهم هي وجهك خلي نكمل نومتي
هاله: ترقدي عينك نوضي هياا وقت مش توتي شنطك ياغبو
انا: باهي هي طيري عليك بلي
وسكرت منها ونضت غسلت وجهي وصليت نزلت صبحت ع ماما وبابا وقيس وبديت نفطر ...
••••••
عند يوسف ///
كان يجري فجأه هكااا سياره قدامه بس ستر ربي ومخبطش فيهااا .....ومشى دغري للحوش ،،،، لان نفسيته تاعبه
•••••
عندي انا///
انا: بابا
بابا: عيونه
انت: بكره صح منشمو وله
قيس: اووووو معقوله تسيبوني انا وامي
انا: اها هههههه
ماما: باهي ربي يوصلكم صحيحين
انا: باهي خليني نحكي لبابا تو ههه🙊
بابا: احكي نعم
انت: هويله صاحبتي عازمتني نا واسيل ،،، شن رايك نعدوو🙊☺️
قيس: اوو مصلحه يانويره
انا: هي يابابا ب لله
ماما: خليها يا احمد
بابا: باه امشي بس مش انا ح نرفعك شوفي قيس ياعمك ياواحد من ضني عمك
انا: جيت اضبته. امبه حاضر ربي يخليك ليا
قيس ف داخله فيها اسيل : اييي يا نوريه تو نشيلكم انا عندي مشوار غادي انا
انا: اوووو تموم بكلل ربي يخليك ليااا
ومشيت خت فت لي داري نتصل بي اسيل .... فوق خمس مكالمات ومتردش.... اطريت نغير دبشي ونمشي لي عيت عمي
انا: ماما راهو اسيل متردش اني ماشيتلهم
ماما: باهي بري ... بس متعطليش مش تجي توتي شنطتك متاع سفر وتوتي روحك ماشيه لي صاحبتك
انا: باهي حاضر طياره
ونا طالعه نشوف قيس قدام لحوش يتصل
قيس اصبر تو نعاود عليك يا يوسف وسكر
قيس: وين يانور بتمشي
انا: لي حوش عمي آدم
قيس: اهاا هي بري قدامي ...حتى نا نبي يوسف
انا: اوك هي
ومشيت نا وقيس لي حوش عمي ،،،وقدام لحوش نشوف.....
••••
عند رواد//(في حوش خوالي)
رواد: ياجواد قسما بالله نار لغيره ركبتني وقت سمعت تحكو عليها
جواد: تي كنك ياراجل حتى انت ## تي تو تزعل لبنت ع سبات موقف
رواد: منعرفش صح غلطت ف حقها بس هكااا منندريش شن لي صارلي
احلام: رواد&جواد كنكم تخابطو
جواد: تعالي شوفي ولد اختك هبل
احلام: كنك
رواد: تعالي نحكيلك لقصه من لاول ..........
احلام: هههههه تو يهبل معقوله تغار من خوك
رواد: نغار من روحي اني مش من خويا
احلام: بطل هبال وبري اتصل بيها واعتذر
جواد: وانا من امبكري هكا نخرط
رواد: باهي تلاقيتو عليا انتم الاتنين
احلام؛ لانك هبل هي بري اتصل بيها وبعدها تعالو لغداء قريب يوتى
ورواد  بدا يتصل //
•••••••
عند علي////
ايمن:صبااحوو
علي: اهلين صباح لخير باهي لي نضت
ايمن: تي والله امس سهريه مع لمدام 😉
علي: اها قول من لاول يا حيوان ..... باهي يا سي تتهنو
ايمن: لفال ليك ياغالي
علي: نبي اسكت نفكر فيه لموضوع هادا واعدت امي بعد نروح نعطيها رد
ايمن: حقووو باهي مبارك ياسي
علي: تي نقولك نفكر تقولي مبارك
ايمن: تي امالا بتبقى طول عمرك اعزب خلي خالتي عيشه تفرح بيك وتكمل نص دينك ....ونطلعو عرسي وعرسك ف نهار واحد
علي: اييييي بس مش عارف هكا مش متقبل جنس حواء انا ،،، تي شن في نهار واحد هدي لالا نبي نلقى بنت كويسه مزلت انا
ايمن: تو شوف بنت ويصير خير بعدها
وكملو هدرزه ويشتغلو.....
••••••
عند يوسف وهشام//
هشام: ي يوسف شنو حالك ليوم
يوسف: الحمدالله وانت يا سيدي
هشام؛ اووو عقل لفرخ سيدي اخرى
يوسف ضحك: اهههههه اها كبرت يا هشام ههههه واجب عليا احترامك
هشام: خزي ي كلب باهي ....اووو في ضحكه ليوم ان شاءالله خير
يوسف: حرام قالولك مثلا
هشام: لا والله حلال بس هكا ليا فتره مشبحتش سنونك ههههه صفر رايحات
يوسف: خزيي. غير فكرت هلبااا ولقيت ان عاطيها اكتر ما تستحق وطلعتها من قلبي .... وسكرته مستحيل قلبي مزال يحب اخرى
هشام: ايوااا هادا تفكير صح وربي يعوضك يا وسيفه وعمره دنيا ماوقفت ع حد وشوفلك حياتك دنيا فانيه متستحقش
يوسف؛ اي والله حمدالله
وحكو شوي مع بعض ع خشتي انا وقيس....
قيس: اووو جماعه مجتمعين ان شاءالله خير
هشام: اهلين نورتو .... اها قاعدين نحلو ف مضووع يوسف
قيس: ايييي باهي  اصلا جاي عشان هكا ..وشن اخر حل
يوسف؛ لالا مايهمك شي مشي ع خير ونسيت انا
قيس: ايوااا ينصر دينك ياولد سيدي
انا: تي باهي ساد دوه بلالغاز
يوسف: اوووو يا عملاقه شنو اخبارك
انا: عملاقه ودنك
هشام & قيس؛ اهههههه
بوسف: لالا خشمك
انا: قققققققق شكله حالت زمان رجعتلك ... اني منخش لي اسيل خيرلي
يوسف: بري طريقك خضراء ههههه
.... وفتهم انا وخشيت لي اسيل
•••••••
عند رواد////
رواد اتصل مريتن وتالته ترد
منيه: هاا
رواد: عصاا قولي نعم
منيه: ومن انت مش تتأمر علياا
رواد: من انا صار
منيه: اخطاني ترااا... اسمع انا منحكيش مع نفسيات لي زيك
رواد: اااو طلعت نفسيه لان غرت عليك
منيه: هه ومن انت لتغار عليا
رواد: تعرفي اول مره نشبح بنت غبيه زيك
منيه: تي وربي الا مختل عقلي .... انا منضيعش وقتي معاك هي سلام
رواد: نحبك
منيه: ....
رواد؛ تي وربي نحبك باهي يا غبيه نحبك انت متفهميش تي وربي نموت فيك انت هبلتيني تي من يوم لي شبحتك ف مستشفى ونا طحت بوجهي صح تو تقولي فتره قصيره بس انا نحبك وربي باهي تي تبت ع يدك انا افهمي نحببببكك تي نغار عليك من روحي انا  مش منغارش من خوي

منيه: استاكت 😳
رواد: احكي شي يامنيه .... انت تبادلني نفس شعور
منيه: احممم انا مش فاضيه سلام  '''' وسكرت دغري هههه
ومشت زي لهبله فتحت اغنيه اخيرا قالها وترقص عليها هبلت ههههههه
•••••••
عندي انا:
خشيت سلمت ع عميمه فتحيه ولقيت جداي سالمه عندهم
جداي؛ اي باهي يانوريه معاش تفكرتينا لا تزوري فيا زعلانه منك انا
انا: لا وربي يماتزعلي مايهونش عليا زعلك ياسلومه
جداي؛ تحشمي يافرخه مطول لسانك
انا: تي هههههه ماهو يا جداي قسما كنت امتحانات وامس حفله وليوم ماشيا لي صاحبتي وبكره مسافره
ع فتحيه: ماشاءالله ع وين يابنيتي
انا: قصدك محكتلكش اسيل....لي امريكيا
ع فتحيه: هالفرخه ماتحكي شي
اسيل: منور يانبع لحنان انا فرخه صار
جداي : هههههه كلا انت زوز مطرشقات
انا: ههههه من دوقك يا سلومه
انا: ياحيوانه يااسيل تي تصتلت بيك فوق من 5 مكالمات وين راميه لفون
اسيل :ييييي نسيته صامت هههههه سوري
انا: اييي تفي يابقره
جداي: تحشمي بافرخه انت وياه احترمني انا وفتحيه
ع فتحيه: تي اين احترام ياعمتي .... كلا اسيل مهبلتني انا قلت حشم
اسيل: اووو حرام عليك يام 😱
انا: هي يابت رااا منعدو لي هاله تستنى فيا هيا مش نروح بكري ونجهز شنطتي .... وبقلنا قيس اسئلي عمي وردي علياا .... ع خشت عمي
عمي : السلام عليكم
نحنا: وعليكم سلام
عمي: هههه كنكم تحكو عليا
انا: ياعمو نبي اسيل تمشي معايا لي صاحبتي عازمتنا
عمي: تي مش امس كنتو مع بعضكم
انا: عمو وراسك خلينا نمشو عشان اني بكره منسافر نبي نودعهن
عمي: باهي امري لله امشي بس متعطلوش ومن بيوصلكن
انا: قيس
عمي: باهي
انا واسيل: حيييي نجك لينا وخلاص
انا: هي سلام تو منمشي نجهز روحي ومع4:30 تكوني جاهز يا اسيل
اسيل: باهي طيري
...وفات الوقت....وجهزنا روحنا ومشينا لي هاله ..... وقيس طول طريق مشالش عيونه من اسيل .....
......
هاله: نورتو يابنات
انا &اسيل؛ بنورك ياقلبي
وخشينا لداخل لقينا اسماء ومنيه
كسدنا وفتحنا المنظومه وهبلنا هبال///
منيه: ي بنات سمعتو
نحنا: شنو
منيه: رواد اعترفلي
نحنا: حقوووو
انا: نجي ولد خالتي الله بتبقي مرات ولد خالتي ووووو
منيه: ههههه ي هبله
اها وربي قالها لياا بس معترفتش انا
اسماء؛ تي ياهبله مش تحبيه ودرتي ايميل وكدا
منيه: منعرفش مقدرتش نعترف ليوم قالها لياا هواا هههههه بشوي بشوي تو نقوله
هاله: قصدك خو المتخلف
انا: اها هههههه
اسيل: تي عينك وربي جواد حلوو اصلا نسخت بعض .... ياهبله طيحيه تبقو سلفات ههههه
هاله: لو يبقى اخر واحد ماناخده واحد مريض
انا: حرام عليك جوجو يهبل
منيه؛ لالا حبي نا احلى
نحنا: اووو بدينا في حبي هههههه
وكسدنا شوي لين اتصل بيا قيس
انا: الوو
قيس: يانور راهو مش فاضي انا شوفي حد غيري يروح بيك
انا: حقوو حتى محمد مش فاضي ويوسف منبيش نروح معاه اللمريض ....تو