روايه.حب ما بعد السفر❤"مكتمله"

البارت 4

روايه حب مابعد سفر💓🛫✈️
بارت الرابع4//
اما رواد قعد ساهر طول ليل ف موضوع لي كان يبي يحكي عليه لي احلام وتردد ولي بيحكي عليه لي جواد وتردد ....
••••الصبح!!
عند علي .... ناض بكري وكلم امه لان بيسقد هوا وايمن لي نيو يورك ....//
.....
اما عندي انا//
نضت بكري وراجعت وتوكلت ع ربي وبعدين طلعت برا دار صبحت ع لعيله وقلت لي قيس يوصلني ...
قيس: باه بري نادي اسيل وشوي ولاحقك
انا: اوك
... مشيت لي حوش عمي دقيت ع بابا فتحلي محمد وصبحت اعليه وحكينا شوي وقتله ناديلي اسيل قالي خشيلها..... خشيت سلمت ع عمو وعمتي فتحيه وركبت لي دار اسيل بس انا ماشيا لي دار اسيل نشبحلكم يوسف مظلم دار ويدخن 🚬ودار تغبق 🔒نصددمت لان منظره كاين يخوف 😨 .... ف بدايه ترددت نمشله بس سميت بسمالله وخشيت....
انا بأبتسامه: صباح لخير
قيس بصوت هادي :صباح لخير وطفى سبسي.. وناص من يلايا ومشي للحمام(حشاكم)ومعبرنيش ....تبو لحق نرفزتني😠 حركته لحق مش فيه لحق فيا لي مضيعه وقتي وخاشتله🙄.... ياحنه لميت باقي كرامتي ومشيت دقيت ع اسيل وطلعت انا وياه لثانويه.🏫...
•••••
عند عيت خالتوو سعاد///
خ سعاد: رواد نوض هيا وقت ع الجامعه
رواد؛ منيش ماشي ياامي سيبيني راسي 🤕
خ سعاد: غير نوض فكني من جو متاعك تحسابني منعرفكش مداير روحك مريض 🙄...ومعاش سمعت صوت رواد...يارواد نوض كنك
رواد:.....
خ سعاد :مشت مست راسه لقاته حراره بيتفتفت ومغمى عليه🤒😶....بدت تصرخ وتقول يارواد نوض كنك...سمعوها عمو عبدالرؤف (راجل خالتي) &جواد....وجو يجرو لقوها تبكي مايحسابو لبكي هادا غير ان مات ..... ورفعو للمستشفى ....🏪
•••••
عند علي 😍//
وصل لي نيو يورك وخدو جناح هوا وايمن ومشو يرتاحو لان تعبو هلباا....وقبل مايرقد اتصل بأمه واطمن عليها😴😴//
•••••
عند يوسف &محمد//
محمد:كنك يايوسف مش ع بعضك
يوسف يدخن: .....
محمد: يوسف نكلم فيك
يوسف: ها شن تبي
محمد: كنك رايح هكا
يوسف: ااااخ خليها ف لقلب تجرح ولا تطلع لبرا وتفضح.... هكا يقولو سورين ومناخد بيه لمثل..اخطاني معاش تفتح جد ام مووضع وفاته وطلع مشي لي اسلام (صاحبه)(متزوج)
محمد😳 : بسم الله الكريم صبح يافتاح .... ومشي لي حوشنا كلم قيس وحكاله بالك يعرف
قيس: والله علمي علمك ... خلي نشوفو هشام بالك يعرف...واتصل ب هشام📲
هشام:الوو نعم
قيس: صباح لخير ناس تقول
هشام: ههههه ياحيوان مش فاضيلك عندي حاله شن تبي
قيس: اها باه خود راحتك... غير قبل منسئلك تعرف كنه يوسف هالايام رايح هكا
هشام: والله مش فاهم صح بس موضوع فيه حلا ..... وبعدي نبيك تحكيله هوا ان نبيكم ف حوشنا ساعه10 ليل اوكك ونشوف كنه...
قيس: تمام خلاص ربي يستر شكلا موضوع خطير .... باهي هي وجهك شوف حالتك.... بس حاس ان مش حاله حاس ان نورس ف موضوع
هشام: ياحيوان وربي لا باهي نورس ليوم واخده اجازه مريضه .... هي طير مش فاضيلك توا 😂😂 ...وسكر هشام.....وقيس حكا لي محمد كلام هشام واتفقو 10ليل يمشو لي حوش جدهم/// (اي صح ماتعرفوش من نورس هدي ياحنه حبيبت هشام لي قتلكم ع علاقه ممرضه تشتغل معاه)
•••••
في مستشفى🏪
دكتوره لمار: ياعمي حالته صعبه شوي حراره داخليه هلبا وهوا عند ضغوطات نفسيه هادا سبب لي خلاه هكاا ،،،، صاير معاه شي مخليته هكا.
ع رؤف: لا والله يادكتوره ،،،ان شاءالله خير بس .... جواد شنو تعرف كنه رواد؟؟
جواد ادكر ان امس كان يبي يحكيله شي بس فاته هوا وندم بس قعد ساكت محكاش لي حد...
جواد: لا والله ياباتي
خ سعاد: تبكي ووجعه ولدها خايفه تخسره
د لمار: كل شي تمام ياخالتي اطمني بأذن ح يطلع منها لأزمه غير عليكم بدعاء .... اي انا وراي شغل تبو شي احكولي 🙂
ع رؤف &خ سعاد&جواد: لا سلامتك وبارك الله فيك ..... وبعدها جواد اتصل بي قيس وخبره وجي قيس للمستشفى وخبر ماما جت معاه ....
••••
اما عندي انا واسيل ///
كملنا لامتحان وجوابنا وامورنا تمام وودعنا صاحبتتا اسماء ومنيه وهاله واتفقنا لما ننجحو نديرو حفله مع بعض في حوش واحد وبعدين لي بدير حفله بتعزم عربها اديرها ف حوشها 😂😂 ودرنا زرده وهيجنا وجت س 2 روحو لبنات قعدت انا واسيل ماجانى حد... قلت بالك نسونا خلاص ملينا جت س2:30 مشيت اتصلت بتلفون لمدرسه .... وصدموني ان رواد ف للمستشفى بجد خفت عليه .... وحكولي ان تو يجينا يوسف يا محمد /// وقعدنا نستنو فيهم وانا نبكي ع رواد واسيل تهدي فيا ////
•••
عند علي😍//
ناض وكلم امه ومشى هوا وايمن لي شركه وشافو لموظفين وبدو ف شغل ///
••••
في مستشفى///
ماما:ياقيس شن صار كلمت محمد ولا يوسف؟!!
قيس: اوووخ نسيت بكل ... استغفر الله... واتصل بي محمد لقاه مقفل واتصل بيوسف📲..
يوسف: نعم
قيس: كيف الحال
يوسف: الحمدالله وانت
قيس: والله اهو ماشيا قاعد ف مستشفى ولد خالتي مرض وحالته شاده شوي
يوسف: اوو اي منهن .. وان شاءالله لاباس
قيس: رواد .... ان شاءالله تسلم... منقولك راهو اسيل ونور ف ثانويه مروحناش بيهن بالله بري روح بيهن ولهن فتره غادي ... لو فاضي
يوسف: تمام ماعليك منهن تو نروح بيهن وطمنا ع رواد اوك
فيس: منور ولد سيدي ... ان شاءالله هي سلام ..... وسكر ومشي يوسف لثانويه....🚘
•••••
عندي انا واسيل///
انا: هوووف شن هادا يا ساعه3 تي واااو
اسيل: بكل لنقنا فديت زح
شوي ويخش يوسف .... بجد فرحت لان زهقت مشينا انا واسيل لسياره وانا مسحت دموعي لان كنت نبكي //
^^^^
في سياره🚘
اسيل: يوسف سمعت رواد ولد خالت نور
يوسف: اها سمعت ....
انا: في داخلي مصح وجه ماقال لاباس عليه لا شي خزي لكلب طول عمره يبقى كلب....اسمع حطني ف لمستشفى اناا
يوسف: مردش عليه
انا: نكلم فيك ع مااعتقد
اسيل: هدي شويا يا نويره ... ومتمشيش للمستشفى هوا مازال مافاق ،،،، بعد يفيق امشيله وانت تاعبه برسمي روحي عندي تريح وتغدي وبعدين نمشي معاك حتى انا ف لعشيه
انا نوعا ما تقبلت فكرت اسيل ،،، بس حبيت نضايق عمكم يوسف: تي كيف تبيني نصبر راهو هادا رواد ومش متحمله فيه شي ،،،، اوووف ،،، وبعدين ليش روحت بينا انت كان قيس راا شالني
يوسف يسمع وميردش ..... لين وصلو للحوش....
••••
في لحوش ///
اسيل: انزلي معانا يا نور
انا: لا مخاطريش منمشي نتريح ومنتصل بي ماما نشوف شنصار في رواد نطمن عليه
خ فتحيه: باه امشي بدلي دبشك وخودي فونك وتعالي تغدي حدانا لان امك كلمتني ووصتني اعليك
انا: امبه حاضر يا خويله شوي ونجي
يوسف:........

يتبع😍❤️

اسم الكاتبه: Safo Abdo🌸

{👀ملاحظه:: عموما تلاحظو ان لكلام مره شرقاولي ومره غرباوي ومتعدلوش هلباا لان من دون قصد يعني لكلام مخلط كوكتيل ههههه ✌🏻👌🏻😂}
باي قايز ... انتظروني في بارت لاخر 💓💓