روايه.حب ما بعد السفر❤"مكتمله"

البارت التاسع عشر

روايه حب مابعد السفر 💓🛫✈️
البارت التاسع عشر19////

وقعد يخبط ويعيط وطلع برااا وركب ف سياره وهوا طايرتله ويبي يعرف سبب رفضي مشى للمقهى وهوا مضايق ووو....
•••••
عندي انا///
ماما: نور
انا: نعم
ماما: هي منعدو لي حوش جدك
انا: باهي بس علاش
ماما: نبو نجهزو لي تلبيسه هشام الاسبوع جاي
انا: اهاا كويس .... باهي منحصلو عرس
ماما: اها هههه هي امشي
انا: امبه
وجهزت روحي ومشيت انا وماما لي حوش جدي
•••••
في حوش جدي ///
حناي: ي فتحيه
ع فتحيه؛ نعم ي عمتي
حناي: تي شنو صار امتى بديرو تلبيسه
ماما: والله ي عمتي عليكم انتم
اسيل: شنو رايكم جمعه
انا: اها صح وعندنا حتى وقت مش نديرو التجهيزات
حناي: خلاص وهادا حل
ماما وع فتحيه: خلاص ان شاءالله
حناي: تو نتصل بي هل نورس ونحكولهم
نحنا؛ تمام ..... ومشى الوقت وجو يوسف وقيس
وقعدنا نحكو وانا مره مره نفطن لي يوسف يبحت ف ماما هههههه //// (لان احلام تشبه لي ماما اكتر من خالتي سعاد)
••••••
عند محمد///
شيماء: اسمعني مزال بتتصل بيااا قسما مايصير خير
محمد؛ تي وربي نحبك باهي نحبكك
شيماء: ونا منحبكش هيا كلمه.... عدي دور ع من تلعب ي بابا
محمد: باهي قسما الا تبت مانكلم في غيرك
شيماء: باهي البنات اللي دمرتهن
محمد: شن مندير ماكنتش بي وعيي
شيماء: خلاص مالياش علاقه .... وسكرت .... ومحمد خش متعفلق
••••••
عند علي ////
روح متأخر وهوا خلاص
خ عيشه: وليدي وينك وبدت تبكي
علي لما شاف دموع امه فطن: يام انا نحبها وهيا ترفضني. ااااخ وخلاص ..... راااا بكره مسقد لي مصراته ....معاش نتحمل انا
خ عيشه: الله غالب ي وليدي دنيا نصيبات ..... باهي نوتي دبشك ودبشي
علي: باهي اني منمشي نرتاح لان راسي خلاص
خ عيشه: باهي اربح ي وليدي ربي يكون ف عونك
•••••••
يوم تاني/// (في كليه)
هاله: ي بنات
نحنا؛ نعم
هاله: امس اعترفت لي جواد
نحنا: حقوووو مبارك
هاله: اهاا الله يبارك فيكن
******
تعالو نرجعو شوي //
جواد: باهي نحبك انا انت فكرتي
هاله: اها
جواد: وشنو فكرتي
هاله: حتى انا نحبك
جواد: الله اكبر ،..... تي جديات خلاص يعني تحبيني تي ي فرحه ويش انديرلك تجيني ولا نطيرلك..... تي مش مصدق ....كان نعرف نزغرط راا زغرطت😅
هاله: ي هبل لهدرجه
جواد: تي واكتر ..... نوعدك منسيبكش ونكون معاك راجل
هاله: ان شاءالله ..... ومشت الليله ليله كفار ي بنات فوتوهم🙄👊🏻
*****
نرجعوو///
هاله: وهادا هو
نحنا: ي خيه قداش ماعانى جواد.... باهي تتهنو
هاله: ان شاءالله
وقعدنا نحكو شوي هكا ويجي مراد يلانا ..... اسماء انصعقت
مراد: نور لو سمحتي
انا: نعم
مراد: نبي نحكي مع صاحبتك شويا
انا: اين منهن
مراد: اللي يومها داخت ...وضحك ضحكه ع جنب
انا: اهااا قصدك سومه
مراد: اهااا
انا بحتت ف سومه
سومه: عفواا انا مانحكيش مع شباب .... وشقلبت عيونها وفاتته ومشت للكفتيريا.....
نحنا كلنا ف حاله صدمه😳
مراد: اوك سلام
ومشى هوا متعفلق لي مازن
^^^^^^^
عندنا//
انا: شنو لي صارلك بعد لولد دار خطوه جريئه
اسماء: انا منحكيش ىع فروخ ي حلوه
هاله: يااااي
اسماء: اهااا لو يبيني يجي من لباب
منيه: مانحسابك بنت اصل
اسماء: مصحك 😒
اسيل: ههههههه باهي خلاص..... ماقعدت غير انا الزح .... قيس مرال مااعترف
نحنا: لفال ليك ///
^^^^^^^
عند مراد///
مازن؛ اسمع عندها حق قصدي كاشي وتقول منحكي معاك شن تحسابها انت
مراد: باهي كبدت انا
مازن: امشي من لباب
مراد: وهادا اللي من ديره بس مزال منحاول معاها
••••••
عند علي///
ناض وهوا طايرتله ونوض امه وفطرو وركبو ف سياره لي مصراته ...
•••••
وقعدنا ع حال هادا مده شهر////
تعالو نحكيلكم شنو صار
طبعا تلبيسه هشام.... جت حلوه وكيوت الحق وهيا نورس عسللل تهبللل ..... والاسبوع هادا عرسه
اما جوادوهاله تعلقو بي بعض.... ومره مره يتعاركو بس يصالحو،،،،، اما منيه ورواد زي السمنه ع العسل وحتى هما مره مره يتعاركو ويصالحو....اما اسيل حست ان قيس بدا يبعد من يلاها وهيا اضايقت من شي هادا بس مابتش تلمحلنا..... اما محمد قاعد يلحق في شيماء بس هيا رافضه لفكره نهائي..... ويوسف حكالي ان يبي رقم احلام ويبي الحلال ... بس هيا رفضت قتلي لو يبيني يجي من الباب..... وهوا رد علياا قالي غير يتم عرس سيدي ح ندير خطوه رسميه وشي هادا عجبني وعجبها..... اما عند اسماء. قعد يحاول هلبااا مراد لان اعجب بي اسماء وحكالها بس هياا قتله ان انا معنديش ع وجيج الحب ومزال صغيره ع جو هادا وهوا مزال يحاول ......اما عند بطلنا علي!!! مشى لي مصراته قعد اسبوعين وفكر ان يحاول معايا اخرى ويجي يخطبني لين انا نوافق وكان هادا اخر قرار ليه ....... وهادا هو ..... صح جواد&رواد مازلهم سمستر ويكملو.....
••••••
عندي انا ///
قعدنا نوتو لي عرس عمو هشام ..... وبجد فرحانين وكان اليوم الرمي والفاتحه ...... فاتحين المنظومه وهبال.... وجن اسماء وهاله ومنيه ..... وساعدنا هلبااا.... وخالتي سعاد انعجبت بيهن لان فالحات..... ايي وقعد حالنا لين حكولنا ان قرو الفاتحه .... وبدو زغاطري وهياجه انقلبت الدنيا...... وبعدين مشى ليوم عادي لان مفيش شي عندنا .... طبعا بكره الحفله وفي صاله حتى هوا فيش شي قصدي غير ان نشيلو الدبش غادي .......
•••••••
عند علي///
علي: ياامي مازلت نبيها انا
خ عيشه: باهي ي وليدي دير اللي يريحك ..... خليها جمعه تو نمشي نطلبها من جديد
علي: باهي خلاص
خ عيشه: اسمع عزمت خالتك سكينه ع العشاء مش تجي عيب ياهي
علي تنرفز: باهي يام تو نجي .... انا ماشي لشركه
*****
ف اليلل عندي انا///
هاله: اسمعن انا منمشي نشبح جواد ونجي
نحنا: طيري ههههه
منيه: وانا نمشي معاك لي رودي
انا: باهي ي سيدي
احلام؛ ي صايعات هههه
اسيل: ايييييي بكلل ي حلومه
احلام تحشمت لان اخت لكبيده هههه
وشوي هكا ويخشو هماا....
قيس: خير عليكم
نحنا: خيرات
يوسف اول ماخش بحث في احلام وهيا دغري طبست راسها
اما جواد بحث لي هاله وغمز
اما رواد بعث لي منيه مسج قلها تعالي في جنان الخلفي .... شوي هكا وعدا هوا وبعدها قعدت شوي ولحقاته عرفنا ان مخطط الموضوع
اما اسيل كانت تبحت في قيس وهوا مبحتش فيها بكلل
جواد: حتى انا شكلي مندير خطت رواد
هاله وجها الوان الوان😳
يوسف: وهوا حل ههههه ..... تي حتى انا قريب منديرها
احلام انسلخ وجهه
انا: خزيي صايعن
اسماء: هههههه بكل
قيس: يا انا وخلاص كبديتي  مش هنا وبحت ف اسيل وهيا خلاص انصدمت من كلمته وعيونها تعبو دموع وناضت دغري داخل اللي هادا شكل ف موضوع بس مشى ع خير وكل واحد خش رقد لان بكره في نوضه بكري لان منشيلو الدبش لصاله من صبح////
•••••
عند علي///
روح لقاهم متعشين
علي: خير
خ سكينه خ عيشه:خيرات
وبحث ملقاش رهف... يحسابها مش قاعده
خ عيشه: وليدي نحطلك اتعشى
علي: باهي انا نغير ديشي ونجي
ومشى شور الدار وينصدم يلقى ......

يتبع🌺😘
باي قايز🙊👊🏻

اسم الكاتبه:Safa Abdo🌸