روايه.حب ما بعد السفر❤"مكتمله"

البارت الثالث عشر

روايه حب مابعد سفر 💓✈️🛫
بارت ثالت عشر13//

فجأه يجي يقعمز حدايا علي ....اني علامه صدمه ع وجهي شن هادا يااا ...وعلي بحت فياا وكشخ وقعمز
انا: تي حتى هنا لاحقني الزح
علي: هه ع اساس ميت فيك تحسابي
انا: نوض من هنا لان ماعندي وجيج معاك
علي: هه وني منقعمز  وقاعد ع قلبك
انا: خزي لصقه
علي متحملش استفزازي ونادى ع موضفه
موضفه: نعم تفضل
علي: في مكان تاني غير هادا
انا بحتت فيه 😏
موضفه؛ نعتدرو لان هادا مسجل تسجيل
انا : هه تستاهل سيورك راجعلي هه
علي: هاهاها ... تي سكري فمك راا نجيك
....وهكا شوي يتصل بيااا قيس خوياا وكنت مسجلته [❣️حبيبي ❣️]
انا رديتي : الوو
قيس؛ اهلين يختشه شنجوو
انا: هههه تمام وانت
قيس: كويس شنو ركبتو ف طياره
انا: اها ي قلبي وبحتت ف علي قلب عيونه ...
قيس: باهي توصلو طيبين
انا: ان شاءلله ي عمري لان مرايفه موت عليك
.....علي معاش تحمل وبعت مسج لي ايمن قاله وين قعمزت ....رد عليه قاله وراك ي سطل .....
////
علي: تعلمي انك متحشميش ....مش مدايره قيمه لي باتك لي راقد بحداك مستغله لفرصه وتكلمي خزي عليك
انا قلبت عيوني: هاهاها وانت مالك .... خاش ف موضوع مش ليك ...نكلم اجعنه اي والله نبوس انت مليكش دخل اوككك ...وتوا ممكن معاش تبحت فيااا ....وخلي هالساعات يمشن ع خير
علي: هه خزي عليك وخلاص
^^^^^ وطياره ركبت  في سماء وقعدت مكسده الحق ..... طلعت سماعات وقعدت نسمع ف اغاني ومره مره نبحت نلقاه يبحت فياا ،،،، كنت حاطه (اغنيه تورط حبي ف قلبك تورط) بأعلى صوت قعد ينادي فيااا
انا فكيت وحده من سماعات:هااا شن تبي نفخ هيا لحكايه
علي: ممكن توطي صوت الاغنيه لان راسي صداع
انا: امممممم وبرضو شي هادا مليكش دخل فيه وقلبت عيوني وحطيت سماعات ومنقصتش
وهوا شي هادا استفزه وقعد ع اعاصبه
صبر ساعه وقعد ينابش فيا .....
•••••
في حوشنا///
اجتمعو كلهم وجن حتى صحباتي ،،،،،(تعرفو ماستغلوها غير منيه و هاله هههههه واسيل واسماء مسكينه متنحه تمص ف ليم )
وجهزو كل شي ويستنو فينا قعدوو -/-
••••••
عندي انا///
من كساد قعدت نصور
علي: تي الزح واسي نقال خلي نصور معاك
انا: ييييي هبله تحسابني فوني يخرب بعدين
علي: مصح وجهك وخلاص
انا: هههههههههه ...تعرفي وربي ضحكتني شن هادا اخطاني يااخي شنو ياااا ..... تعرفي لي مريحيني شنو توا
علي قعد متنح ف صحكتها لان عندها غمازات : شنو 😒
انا: مزال ساعه وح نسيبك معاش نشوف خلقتك ....
علي: تحسابني بغير ميت عليك ...حتو انا فرحان لان صدف لي جمعتنا يكفن
انا: تي لي ف مستشفى درتها صدف ....هوا طشت يوم
علي : باهي ممكن معاش تسمعيني صوتك لان يقرف
انا: تي من لي حكا لاول هوا ...بس حيوان انت
علي: 😒😏
باهي شن اسمك
انا: ملكش دخل
علي: شايف فيه
انا: تمام
علي: غير قولي
انا: فتحيه
علي: ييي عاشت لاسامي
انت بضحكه: تسلم يعيشو حبابك هههه
-//- وقعدنا ع حال هادا كلمه مني وكلمه منه لين وصلنا ونضت بابا وقعدت نمشي فيه ونحنا نرجو ف شناطينا جاي قدامي وني نفخت ف وجه وبشوي تي شن هادا يااا ... لصقه فيران
علي: لاباس ياعمي
بابا: لايوريك باس ان شاءالله تسلم ي وليدي
علي: بالك تبو مساعده
ونسمعو ايمن ينادي عليه
ايمن: ي علي ي علي
علي: نعم
انا جلم يقص رقبتك
بابا: اسسس عيب ي بنتي
ايمن: هيا رااا اتصلت ب شركه يجيبولنا سياره من غادي
علي: باهي اوك
بابا: ماشاءالله شركه شنو ي وليدي.
علي: شركه ......
بابا: اهاا ماشاءالله لي فيها فرع حتى ف امريكيا
علي؛ اها ايواا
بابا : ماشاءالله ربي يزيد ويبارك
علي: تسلم انا علي ابراهيم ...... وهادا صاحبي ايمن سالم ----.....
بابا: تشرفنا ي وليدي .... مشاءالله عليكم قايمنها لبلاد ربي يزيد ويبارك
انا: بابا هي وقت راا
بابا: هيي ي بنيتي ..... هي نستأذنكم ي ولادي ... بسلامه وخدينا تاكسي ومشينا دغري للحوش
••••••••
مشينا للحوش واستقبلونا بجد كٌنا مرايفين عليهم وحكينا مع بعض وكسدنا اني وصحباتي وقرمنا وقعدن يحكولي ع لي صار ف غيابي وني حكتلهم ع علي وهنا بدن يشفطن وبعدها مشيت كسدت بحدا لاولاد وكان يوسف قاعد انصدمت بس محكاليش شي
•••••••
عند علي///
روح ومشي لي عيت جرانهم
خ عيشه: فرحانه وتبكي وتضبط في علي
علي: خلاص يام اهو قدامك
خ عيشه: مش قتلي ع اساس بكره بتروح وبحتت ف خ سكينه.... ونا نقول كنك مكتره لعشاء
خ سكينه: هههههه اها حكالي علي ...ودرناها لك مفاجأه
وبعدها جت رهف و  .......

يتبع 😊😉
باي قايز 💝💓

( زعما منو رهف لي طلعت جديده انتظروني في بارت جديد ... تفاعلو حبايبي )

اسم الكاتبه: Safa Abdo🌸