روايه حب مابعد السفر 💓✈️🛫
بارت تاسع9//
غيرت دبشي ومشينا للمطعم وكان جو حلو دهورنا وقعدت نصور ونفستي لحق تغيرت
•••••••
عند علي//
كمل شغل وروح لشقه اطمن ع ايمن وتغدو مع بعض .....اسمع شن رايك ف لعشيه نطلعو مع بعض ندهورو ....احني من جيتنا وشغل وبس
ايمن: وحتى هادا حل 😉
•••••••
عند هاله///
جواد: بست
هاله: تعرف لو عندك كرامه معاش ادز ....خيرك لصقه الزح
جواد: تحشمي شن زح .... انت عرق الانوثه متبري منك
هاله: ههههههه عقبته ليك
جواد: وربي متحشمي باهي
هاله:هي يااخي اخطاني عندي اشغال غيرك منيش فاضيه لي تفاهاتك
جواد: درب سلامه
.......
بعد ماسكر نت مشى لي رواد///
رواد كان يحكي مع منيه ///
منيه: شنجو يارودي
رواد: عال العال هههههه رغم ان منحبش حد يقولي رودي بس كان منك راضي انا ههههه
منيه: انت مجنون تعرف وله
رواد: مجنون بيك
وخش جواد وقتها.....
رواد: عويناتي اني نستأذن نحكي مع خوي ونهدرزو
منيه: خود راحتك
.......
جواد: تعبت مع هاله اني
رواد: هههههه عناد شكله
جواد: بكللل تعرف منحكيلكش ومشكله انا اول مره نسكت لبنت تستفز فيا وتستحقر فيا مش عارف كيف ساكت
رواد: تي تقدر تكسره راسها لكاسح انت قدها
جواد: ان شاءالله هي طير قطعت عليك ع هدرزتك انت ولمدام 😊😉
رواد: ههههههه سلام ....ورجع اتصل بيها وقعدو يحكو ....
••••••
عند محمد////
اسيل: يامحمد
محمد: ها
اسيل: عصا
محمد: تحشمي يافرخه شن تبي
اسيل: نبي نطلع فديت من لحوش
محمد: ههههه تي بري من علياا امشي
اسيل: واااااووو انتو خوت لقهره والعازه
محمد: تفي يامسخه
•••••••
عندي انا///
انا: يا بابا شنو رايك نعدو للملاهي
بابا: مللاهي
انا: اها نبي بالله
بابا: باهي حاضر يا بيبي بعد لعصر توا نروحو نرتاحو بعدين نعدو
انا: ههههههه حاضر نجك ليااا
••••••
عند علي///
ايمن: تعرف في مطعم بجنب ملاهي هنا قريب اطلع طول
علي: تم معناها عليك العشاء
ايمن: هههههه تفي انت ماصدقتك
علي: ههههه امالا
•••••••
عند ماما//
ماما: ي قيس
قيس: هو ي نبع لحنان
ماما: قلني لي حوش خوالك نكسدو حداهم
قيس: باهي بس توا طاق مشوار للمحل ونجي
ماما: باهي
••••••
قيس هوا طالع يشبح اسيل حاطه سماعات وتبكي
قيس وهوا خايف: خيرك يا اسيل
اسيل: مسحت دموعه .. لا شي ههه
قيس: غير قولي شن في في حد مضايقك يوجع فيك شي وكان باين عليه لخوف في عيونه
اسيل: تي لالا غير نسمع في اغنيه حزينه
قيس تنهد: خوفتيني . وي هبله اهناك واحد يسمع اغنيه حزينه واحني في واقع حزين
اسيل من بين دموعه ضحكت: ههههه هكا نحب انا
قيس: نوضي ي هبله صقع خش لداخل بعدين نحكو .....عندك انستا ...
اسيل فرحت: اهاا حاضر تو نخش اصلا صقع .... اها عندي
قيس: خلاص تمام ،،، ضيفيني اكيد تعرفيي اميلي.
اسيل: اممممم تمام
ومشى قيس خش لامه ورفعها لي حوش خوالها ومصارش للمحل
واسيل فرحت هلبااا لان حست ان قيس بدا يميل لها
••••••
عندي انا وتيت روحي ومشيت للملاهي كان ابداع لعبت زي صغار
بابا: يا اسيل هي نمشو للمطعم لي هنا
انا حاضر هي
••••••
عند علي///
مشينا للمطعم وطلبنا لعشاء وكان جو هادي فجأه تخش بنت بجد ايه ف جمال لفتتلي نظري ولي اول مره بجد سرحت فيها
ايمن: الوو ي حلو وينك
علي: ها نعم
ايمن: وينك
علي لا هنا غير نفكر ف امي
ايمن؛ باه ان شاءالله تو نصدقك
علي: ساد دوه .....وفي خاطره غير وين اختفيتي
••••••
عندي انا: خشينا للمطعم وكان راقي .... بعدها بابا قلنا خلينا نخشو داخل ف صاله امتاع عائلات
انا : باهي اوك
..........
يتبع 💝😝
باي قايز ❣️❣️😘
اسم الكاتبه :Safa Abdo🌸
أنت تقرأ
روايه.حب ما بعد السفر❤"مكتمله"
Storie d'amoreروايه خياليه من نسج الخيال.. روايهه أحداثها جميله و خياليه..أثمن أنها تنال إعجابكم❤ للكاتبه :safoo abdo
