دخلو الصاله وبقو مصدومين من المنظر الشايفنو😨😳بقو يعاينو ف بعض ومنار بتقول لي فاطمه انتي شايفه زي م انا شايفه ولا بتخيل لي فاطمه قالت ليها بالمناسبه لو م اتصرفنا بسرعه ممكن تحصل مصيبة ولازم قبل م مازن يجي،بي هنا نحنا كنا آخر رقيص وونسه وضحك مع قريبة مازن وصحبتها، قامت جات منار وقالت لي خلاص تعالي اقعدي ارتااحي انتي م لأزم تتعبي جات قعدتني والبت المع قريبة مازن بتقول لي انتي ظريفه شديد وانا حبيتك اديني رقمك ونبقى نتواصل مع بعض قلت ليها جدا م عندك مشكلة، عايزة امليها منار قالت لي خلي بعدين اديها اسي الناس بجو بباركو وكدا ف خليك مرتاحه 😒هنا حسيتهم مخبيين عني شي بس م سألتهم،الحصل انو البت دي طلعت ميس الكانت مع مازن زمان بس هي خذلتو وكسرت قلبو، لمن جات م كانت عارفه انو دي حنتو الا بعد م صحبتها قالت ليها اسم العريس وانو جاي من بره، هنا الغيره والحقد ملا قلبها وكانت بتفكر بي أي طريقه تخرب علينا مع انها متأكدة انو مازن استحاله يرجع يعاين ليها حتى بس كانت حاقده علينا شديد وبقت تقول لو انا م استعجلته كان المفروض اكون قاعده ف المكان دا😡انا بتزكر انو مازن حكى لي عنها بس م كنت بعرفها شخصيا، فاطمه كانت بتعرفها لما مازن حكى ليها زمان وشافت صورتها، ومنار كلمها أحمد وبرضو شافت صورتها، ف الأثناء دي منار وفاطمه كانو بفكرو كيف يبعدوها من جمبي لانو من عيونها كان باين الحقد والزعل، وممكن انو تعمل اي حاجه، بتوشوشو كدا قامت جات اخت مازن وقالت لي النسوان الجوا انو العريس عايز يدخل شوية عشان الصور وكدا ف العايزة تتغطى تتغطى، منار وفاطمه م عرفو يعملو شنو جو وقفو جمبي وبقولو الله يستر م يشوفها مازن😳😨لما جو داخلين مازن واحمد و وليد، قومي انتي ي ميس اتظاافري واعملي فيها م كنتي عارفه انو الحنه دي حقت مازن😒😲💔جات وقفت جمبي وبدت تعدل لي ف الفستان منار وفاطمه كانو مخلوعين طبعا بقو واقفين بس بعاينو 😨😳قام مازن فجأه شافها 😳😳😳😳وبقى مقلع عينو وملامح وشو اتغيرت واتحول لي زول تأني خالص عينو من الزعل لمن بقت حمره أحمد بقول ليهو اسمع كدي أهدا شوية بس عشان ريان شوفها هي كيف مبسوطة م تخرب ليها فرحتها اليوم دا يومكم انتو م تخلوها تخربو ليكم انت أهدا وامشي اقعد جمب مرتك ولا كأنك م شايفها م تشتغل بيها اعمل كدا عشان ريان ي اخوي عشانها بس وبعدين بنشوف ليها حل وضغط على كتفو شديد عشان يهدأ قال ليهو عشان ريان ي مازن يلا امشي قام اخد نفس عميييق وابتسم وجا عندي هي عايزة تسلم عليهو وتعمل فيها ظريفه بس عمل نفسو م شايفها انا كنت ملاحظه الوضع دا بس سكتا قلت لو ف شي بجي براهو بحكي لي من غير م اسالو، هنا قامت تعاين لينا بي طرف عينها والغيره عايزة تموتها😡😒مازن جا قعد جمبي وماسك لي يدي وبتكلم معاي بي صوت مخنووق بقول لي خلينا نطلع نمشي من هنا😢المكان بقى زحمه شديده وعايز اقول ليك حاجه كمان، قلت ليهو طيب نخلص الصور دي ونمشي قال لي طيب بي هنا ميس م كانت عاوز تمشي من غير م تتكلم مع مازن ف مافي زول ح يساعدها غير صحبتها الجات معاها، مشت عندها قالت ليها عايني انا عايزة اتكلم مع مازن دا ضروري قالت ليها لي خير 😐قالت ليها انا بعرفو من زمان بس عايزة ابارك ليهو بعيد عن الزحمه دي ف إذا ممكن تساعديني، قالت ليها طيب بس بعدين تحكي لي الحاصل بالتفصيل قالت ليها خلاص بحكي ليك بس اسي شوفي طريقه خليني اقابلو، مشت صحبتها دي لي مازن وباركت ليهو وهو سلم عليها بس بي برود لانو بالرغم من أنها قريبتو بس هو م بطيقها نهائي ودايما بحاول يتفاداها بي أي طريقه سلم عليها وطلعو مع الشباب بعد خلصو تصوير 📹، قامت هي انسحبت من غير م زول يشوفها وقالت لي ميس تعالي معاي وم تخلي زول ينتبه ليك، نحنا انشغلنا مع الناس بي هنا وم انتبهنا لعدم وجودهم ف قامت لحقتو برا وقالت ليه مازن وقف قال ليها نعم قالت ليهو ممكن دقيقه بس الشباب المعاهو مشو خلوهو واقف مع قريبتو قالت ليهو شنو يعني الافترا دا لا سلام زي الناس لا كلام مالك 😏قال ليها ابدا بس عارفه براك جري شديد😂💔قالت ليهو امورك واضحه لكن ربنا يوفقك ياخ وبالمناسبة امي كانت عايزة تجي بس زي م عارف الرطوبة قامت عليها بس بتسلم عليك وقالت ليك لي بكره لو اتحسنت بتجي العرس أن شاءالله قال ليها أن شاءالله سلمي عليها وقولي ليها سلامتك قالت ليهو تسلم، عايز يمشي منها قالت ليهو اها ح تقعد فتره بعد العرس ولا بتمشي طوالي قال ليها م عارف على حسب😑😡مع كلامهم كدا جات ميس قالت ليها انتي هنا انا بفتش عليك 😓😐😑مازن عايز يمشي ميس قالت ليهو ممكن دقيقه 😓😒صحبتها طلعت تلفونها وقالت ليهم عن اذنكم ح ارد وارجع وهي اصلا م في زول قاعد يتصل ليها 😡😒قام قال ليها اسمعي هنا ي بت الناس انجزي بسرعه انا م فاضي ليك عايزة شنو😡قالت ليهو خلاص ح تعرس😔انا بجد ندمانه على الشي العملتو فيك وربنا اصلا عاقبني على الشي دا بس م عرفت غلطي الا بعد خسرتك 😔😢قبل م تم كلامها قال ليها طيب خلصتي😌😒قالت ليهو حرام عليك ي مازن نفسي ف فرصه تانيه انت نسيت انا اول حب ليك والحب الأول عمرو م بتنسي بالسهولة دي😢معقوله نسيتني بالسرعة دي وقعدت تبكي😭مازن طبعا كان مصدوم شديد😲 😐قام قال ليها بي نبره كدا جاده😠، انتي عارفه انك انسانه انانيه لانو لو كنتي بتحبيني زي م بتقولي حضرتك كنتي بتتمني لي السعادة حتى لو كنت مع غيرك بس انتي م حبيتي غير نفسك وقبلتي على انو تكون سعادتك على تعاسة غيرك بس انا الحمدلله م بقدر اقول غير الحمدلله انو ربنا دخل ريان ف حياتي لانو انا معاها عرفت الحب بجد، والانتي بتتكلمي عنو دا م حب ف شنو لو سمحتي حاولي تتخلصي من الصفات الكعبه الفيكي دي الدنيا دي م مستاهله حسد وغيره اتمني الخير لي الناس يمكن بكره ربنا يفتحا عليك ويرزقك بي ود الحلال وم عندي كلام غير كدا اقولو ليك والحصل زمان داك اندفن محلو ياريت تكوني فهمتي علي ومشى خلاها قعدت تبكي على نفسها وعلى انو هي كيف قدرت تفرط ف راجل زي مازن💔ف اللحظه دي قررت انها تكون زوله كويسه وتحب الخير للناس وأول حاجه تعملها انو ح تتمنى لينا السعادة معنو قلبها كان بتقطع من الوجع وانو كان عندها فرصه بس هي ضيعتها بي سبب انانيتها وحقدها، بعد م الحفله انتهت والناس اتفرقت خلاص قام مازن قال لي خلي ناس منار يمشو وانا بوصلك بعدين قلت ليهو طيب قامو هم قالو ليهو لالا مافي كلام زي دا هو المفروض اساسا م نخليك تشوفها الا بكره بس حنينا عليك قام حمر ليهم كدا😒😡قامو قالو ليهو خلاص بننتظركم برا خلصو كلامكم وتعالو🙈😂😌بعد م طلعو مشى قعد جمب المسبح وبقى سرحان،مشيت قعدت جمبو وختيت يدي ف كتفو وقلت ليهو انت كويس انا ملاحظه عليك من قبيل م طبيعي بس م حبيت اسالك، قال لي هو انا بعد الحنيه دي حرام علي ازعل زاتو😩❤قلت ليهو ههههههههه يلا م تغير الموضوع ف شنو احكي لي بسرعه مالك😂😌❤قام اخد نفس عميييق 😥و قال لي تتزكري قبل فتره لما حكيت عن وحده كنت معاها زمان بس م حصل نصيب انو نكمل💔قلت ليهو ايوا😔قال لي كانت ف الحفله قبيل لمن شفتها اتوترتا شديد وخفت تحصل مشكلة بي سببها😔قلت ليهو دي ميس؟ قال لي انتي كيف عرفتي قلت ليهو احساس واصلا نحنا البنات بنحس بالحاجات دي 😌❤وبعدين حتى لو حصلت مشكلة خليها تحصل المهم تعرف انو انا معاك ومستحيل حاجه تقدر تبعدني عنك ف خليك مطمن وم تتوتر ❤قام حضني وقال لي انا بالجد محظوظ بيك وبي وجودك ف حياتي😢❤قلت ليهو انا المفروض اقول كلامك دا😢❤باسني ف راسي وطلعنا مشينا لقيناهم منتظرننا برا، مازن قال ليهم يعني بس بصراحه م عارف اقول شنو ☺قامو ضحكو وقالو ليه م تقول حاجه بس خلونا نمشي لانو موتا تعب الليله😫بعدها اتحركنا على البيت ، يوم العرس من الصباح مشينا الكوافير وشغالين لبس ومكياج😍 قامت فاطمه قالت لي انا نسيت اوريكم 🙈💜قلت ليها شايفاك من قبيل عايزة تقولي حاجه وم قادره قالت لي اي 🙈قلت ليها انجزي ،قالت لي انا و وليد عقدنا🙈😌قمت انا ضحكت ههههههه 😂قلت لي منار انا قاعده اسمع صح ولا عشان متوتره بسبب العرس😂😒قالت لي والله دا الحصل يختي،قلت ليهم ي كلاب ي حيوانات من وراي😢😡منار قالت لي انا زاتي عرفتا بعد م عقدو ،وفاطمه قالت لي والله انا زاتي م كنت عارفه لو عايزة تزعلي ازعلي من مازن لانو هو الكات مخطط مع وليد😌🙈قلت ليها تعالي ياخ حضنتها وقعدتا ابكي البت البتمكيجني قالت لي لالا كدا م ينفع لكن خليكي متماسكه لانو مكياجك دا لو خرب م حقدر اعدل ليك تاني قلت ليها طيب طيب معليش😒💜قلت لي فاطمه فرحت ليك ياخ ربنا كدا يسعدك ويتمو ليكم على خير قلت لي امييييين ياخ ولو منار دي م شدت حيلا احتمال اعرس قبلها😌💜منار قالت هيي وتاني هي نحنا زاتنا حددنا زمن للعقد بتاعنا😌💜يعني شنو ريلاكس ي السمحه 😌💜قلت ليهم انا فرحتا ليكم اكتر مما فرحانه لي نفسي حاليا😢❤ربنا يسعدكم ياااارب❤قالو لي امييين ،وقعدنا نكمل ونسه وكل وحده فينا كانت بتحكي ح تعمل شنو لي قدام وكيف تنظم حياتها ،ف الجانب التاني ناس البيت مشغولين مع الضيوف الخاشين والطالعين، ومازن مع اصحابو ف الحلاق😍❤وكانو برازو فيهو بقولو خلاص ح تعرس وح تبقى زول مسؤول وتاني مافي سهر بره البيت مافي مكالمات مع الشباب 24 ساعه ومافي طلعه وجيه بي مزاجك ومافي ومافي الخ...😂💔ف شنو ي اخونا لو عايز تغير رأيك لسه ف وقت، نظام بخوفو فيهو وكدا😂💔 قام قال ليهم يعني اذا انتو قايلين نفسكم بتخوفوني بي كلامكم دا ف احب اقول ليكم انو انتو غلطانين ي شباب😏❤، الخوف البتتكلمو عنو دا م بكون الا عند الزول الجبان😌❤ف يخوانا الزواج حاجه جميلة جدا كفايه اني بحبها وانو بيها ح اكمل نص ديني😍❤والباقي خلوهو لي مراعاة لي مشاعركم وكدا😌❤قامو قالو ليهو لالا خطيييييير😂😂💔والله سكتنا لكن م خليت لينا كلام نقولو قال ليهم انصحكم انكم تراجعو التفكير ف موضوع الزواج مره تانيه😌❤عندنا بي جاي كنا مشغولين شديد وانا من الخوف والتوتر اي حاجه امسكها بتقع من يدي😂وصحباتي شغالين يضحكو بس اصلا دا الفالحين فيهو😒😑بعد م خلصنا لبس ومكياج نسمع ليك صوت العربات والصفير😍والبنات بره بقولو العريس وصل العريس وصل 😍❤دخل جو لما شافني بقى يقرا علي ويحصني😍😌منار قالت ليهو لالا يعني قصدك شنو انت بالحركة دي😒قال ليها الزوله حقتي وانا راجلا انتي مالك😒😂قامت قالت اسكت ي لساني😏😑قام قال لي نبره كلها حب😴😍 يعني انا بجد م عارف اقول شنو غير عيني بارده شديد وربنا يحفظك لي ي عمري انا 😍طبعا خجلني بي كلامو شديد، م قدرت ارد واكتفيت بي ابتسامه 🙈❤اما هو كان حاجه كدا م بتتوصف بس اقول ليكم انو مافي زول يعرس بعدو ولا يلبس بدله بعدو، ولا يحب بعدو😢❤😍بعد طلعنا والبنات ركبو العربات ،منار كانت معانا عشان هي كانت الوزيره حقتي😌❤ ومازن وزيرو أحمد ❤وهو الكان سايق العربيه حقتنا، قام قال لي بي صوت حنين كدا رايك شنو لو نحنا نلغي حنك الحفله والصاله والدوشه دي كلها ونمشي من طريقنا دا😉❤🙈قامت منار كالعادة ردت وقالت احم احم على فكره ف زوله عزابيه هنا واقفه بي وراكم فلو سمحتو انكم تراعو لي شويه يعني لانو كدا م ينفع😢❤قام قال يربي متين ح يخلص اليوم دا😢❤قمت ضربتو ف كتفو كدا وقلت ليهو بطل ياخخ🙈❤ضحك لي وقال لي طيب خلينا نمشي😍❤قمنا اتحركنا واتوجهنا للصاله،كانت فرحه م بتتوصف كونو تشوف اهلك واصحاابك واحبابك كلهم قدامك بجد فرحه م بتتوصف، ف اللحظه دي اتمنيت لو ابوي يكون حاضر بقيت اتخيلو واقف جمب امي واخواني، زي م أهل مازن واقفين جمب بعض، وقتها حسيت انو مافي طعم لي القاعد يحصل دا كلو فجأه عيوني رغرغت وتقريبا بكيت عديل😢بس مازن م خلاني احس اني وحيده ابدا ضغط على يدي شديد وقال لي انا جمبك هنا😢❤هو كان الأب والأم والصاحب والأخ والحبيب وكل حاجه بالنسبه لي دايما كان بتفهمني حتى لو م اتكلمت من عيوني هو بعرف انا عايزة شنو واقف جمبي دايماً وم بخليني احتاج حاجه ولا احتاج زول بحسسني اني بجد مميزة عن الكل لو عملت حاجه غلط بجي بتكلم معاي براحه وبفهمني وبوريني وبعدل لي م حصل خلاني برأي ف اي شي بحصل حاول بي كل الطرق انو يغطي الفارغ الخلاهو ابوي ف قلبي بمسح لي دمعتي قبل م تنزل 😢وانا لو قعدت لي بكره اتكلم عنو م بقدر اوفيهو حقو لانو هو راجل بي معنى الكلمة كفاية انو م خلاني احس اني ندمت على اختياري ليهو❤بعد شهرين سافرت معاهو واستقرينا مع بعض ف باريس الفتره الأوله كانت شوية صعبه عشان الغربه والحياه كانت جديده علي بس بعدين شوية شوية اتعودتا وبقى عندي جيران ظريفين شديد والكان مصبرني زيادة انو منار بعد تتزوج ح تجي😍، ف الفتره دي أحمد ومنار عقدو ليهم واتفقو مع فاطمه و وليد يعملو عرسهم قريبين بعض عشان انا اقدر اجي احضر ❤، فاطمه رجعت تكمل قرايتها وكانت مبسوطة شديد وفرحانه وابوها تعاملو اتغير معاها بقى ليها ام وأب وصاحب بقى حنون شديد عليها واتفق معاها انهم ينسو الحاجات العاشوها ويعاينو لي قدام💜❤يوم من الايام كنت نايمه وصحيت نص الليل قاعده ابكي😭 😂مازن قام مخلوع وقال لي حبيبي ف شنو مالك، مشى فتح النور وقال لي ف شنو ي انا مالك بتبكي شفتي كابوس ولا حاجه قلت ليهو لالا 😢قال لي مالك طيب م تخوفيني عليك😔قلت ليهو انا عايزة شوكولاته 😭😢🍫قال لي نعم😐😑؟قلت ليهو شوكولاته😢😭 قام قال لي لالا كدي دقيقه م قادر افهم يعني انتي اسي صحيتي بتبكي عشان 🍫 شوكولاتة قلت ليهو اي م شغلتي عايزاها اسي دا😭😩قال لي لكن من وين اجيبها ليك الزمن دا عاين لي الساعه كدا قال لي دي 3 صباحا ي بت 😐 قمت تاني رجعت ابكي زي الشافعه😭😭قلت ليهو لالا م بعرف انا دايراها اسي يعني اسي😢قال لا حول ولا قوة الا بالله 😓كدي دقيقه طيب م تبكي مسح لي دموعي وقال لي طيب كدي خليني امشي اشوف اذا محل فاتح، قلت ليهو طيب بس م تتأخر😒😐قال تمام قام لبس جاكيتو وشال مفاتيح السياره وجا طالع عاين لي وقال لي يعني انتي اسي جاده صحي صحي عايزة شوكولاته😔😔😡قلت ليهو وانت لسه واقف يعني😒😢هز راسو وطلع فات😭😂اتأخر شديد لما جا وجابها معاهو لقاني نمت قام صحاني قلت ليهو خلاص م عايزة انت اتاخرت ونفسي طلعت منها😒طبعا سكت سساي بلعها جواهو وم قال شي😂😒يعني دا لو زول محلو كان قام كفتني😂💔تاني يوم الصباح صحيت نزلت المطبخ فتحت التلاجة لقيت كل أنواع الشكولاتات يعني كمية بتكفيني سنه كاملة😭😂جا مازن من وراي وقال لي دا عشان تاني م تصحيني نص الليل وتقولي عايزة شوكولاته ولفتني عليهو وقال لي وعشان كمان م عايز اشوف دموعك اتفقنا😩❤قلت ليهو حاضر ❤😢😍واقفين كدا امي اتصلت فيديو وكانو مع أهل مازن وكان معاهم فاطمه ومنار وكلهم متجمعين سوا سلمنا عليهم بعدين مازن طلع، امي بدت تقول لي اها م مخبين لينا حاجه كدا ولا كدا 😉قلت ليها شنو قالت لي يعني لسه م بقيتو تلاته😂❤قلت ليها لسه 🙈❤قعدت تضحك وام مازن تقول ليها م تخجلي البت خليها😂❤بعدها منار وفاطمه شالو التلفون وطلعو الغرفه عشان يتونسو بي راحتهم قمت حكيت ليهم الأعراض القاعده تحصل معاي طوالي قالو لي ي بت انتي حامل😍😍خلاص ح تبقي ماما 😂🙈❤لي لحظه اتوترنا شديد قالو لي دقيقه خلينا م نسبق الأحداث وامشي جيبي فحص من الصيدليه واعمليهو، قلت ليهم شكيتكم لكن من وين بتعرفو الحاجات دي انتو😂❤قالو لي خلي الكلام واعملي القلناهو ليك وتعالي ورينا، بعد يومين عملت زي م قالو لي جبت الفحص وفحصت وفعلا طلعت حامل🙈😍❤حسيت بي كمية من الأحاسيس المختلفه وقعدت ابكي من الفرحه 😭❤وبقيت م عارفه اعمل شنو، مازن جا من الشغل ختيت ليهو العشاء بعد أكل جيت قعدت جمبو وبقينا نتونس وبسالني كيف كان يومي وانا عايزة اكلمو الكلام ببجي ف لساني وبرجع عديت اسبوع بالحاله دي م كنت قادره اكلمو لانو كنت خايفه شديد😭❤ف النهاية قلت خلاص م عندي غير الفكره دي، تاني يوم صحيت من الصباح وعملت نفسي تعبانه وم قادره اقوم من السرير هو قلق علي شديد اتصل واخد إذن من الشغل و قام وداني المستشفى هناك عملو لي الفحوصات بعد طلعت الدكتور قال ليهو م تخاف دي أعراض طبيعيه شديد ف الاشهر الأوله دي قال ليهو م فهمت أعراض شنو وأشهر شنو😐😓قال ليهو زوجتك حامل الف مبروك😍😢😭انا عملت نفسي مصدووومه😨😭ونزلت دمعتين كدا حقين الفرح😂❤بس هو يحليلو الفرحه الكانت ف وشو م بتتوصف😍😢بعد طلعنا ومشينا البيت قام رفعني فووق وبقى يدور فيني😂😍وقال لي انا بجد بحبك والله وشكرا كتييير على الخبر الجميل دا😢❤قلت ليهو زمان وبعدين واسي وفي كل وقت انا بحبك ❤😩بس كدي اسي نزلني عشان م نقع نحنا الاتنين 😂🙈❤بعدها نزلني وقعدني ف الكنبه وقال لي م تتعبي نفسك اي حاجه نفسك فيها وعايزاها قولي لي وانا بعملها ليك بس م تعبي لي نفسك اتفقنا قلت ليهو ححاضر😢❤بعد شويات كدا اتصلنا على ناس البيت وكلمناهم وفرحو لينا وقعدو يبكو وشوية يسكتو وتاني يزغردو وغايتو جنس غايتو😂❤، مع كل يوم بمر كنت بتعب فيو زياده لحد م جا زمن الولاده وهو م كان مقصر معاي ابدا شايلني جوا عيونو😢❤لما دخلوني غرفه الولادة هو كان معاي ماسك لي يدي😍❤م خلاني براي ابدا، ادوني أكسجين عشان يخفف لي الألم شوية، بس انا عجبني شديد وكل شويه بقول ليهم دايره لحد م اتخدرت ع الاخر بقيت اسمع كلام مازن والدكتورة بعيد وبطيء شديد م كنت عارفه هم بقولو ف شنو😂بس الوجع كان أقوى طبعا كل م اقول خفف واني اتخدرتا خلاص برجع يصحيني تاني😢😭ومازن تعب معاي شديد شي قريص وشي خربيش وهو بقول اتحملي اتحملي قربتي انا اقوم فووووق وتاني ارجع اقعد 😂😂😂امسكو من رقبتو واقومو معاي تاني يمسكوني يرقدوني😂😭لحد م الدكتورة بقت تقول لي ادعمي معاي بس م كانت قادره😢نحنا كنا 4 أو 5 ساعات بالحاله دي ف النهايه الحمدلله ولدت بالسلامه وجبت ولد سميتو فارس😍😍😍كنت مبسوطه شديد ومازن الفرحه م كانت سايعاه هنا حسيت اني متعلقه بي مازن لي ابعد حد،وانو انا اللي انولدت وقاعده اعيش حياه جديده، حياتنا بقى م فيها ملل 😍لانو انا بقيت مستقره مع أسرتي الصغيره وراضيه ومبسوطه بطعم حياتنا الحلوة دي ولما اشوف ضحكة مازن وولدي بنسى كل الألم والوجع المريت بيهو ف حياتي وانا بحمد ربي مليون مره انو رزقني بي راجل زي مازن وبي طفل منو ونقدر نقول انو دا تعويض عن كل المأساة الحصلت معاي❤بعد سنه نزلنا جدة كان عندنا اجازة ومنها نحضر عرس منار وفاطمه اول حاجه كان عرس منار وطلع حاجه تحفه ماشاءالله كميه جمالها اليوم داك م بتتوصف واخيرا هي قدرت تلقى الراجل اليقدرها ويحبها ويبقى نهاية حبهم دبلة واطفال باذن الله،بعد م مشت شهر العسل وجات بعدها بي اسبوع كان عرس فاطمه وكل وحده فيهم طلعت اجمل من التانيه ❤فاطمه بالرغم من كل المصاعب المرت بيها بس هي م استسلمت واتعملت كيف تصبر وتتفائل وربنا عوضها بي وليد ❤بعد م مشو شهر العسل ورجعو منار بدت تجهز للسفر عشان ح نرجع مع بعض انا ومازن ومنار واحمد❤فاطمه كانت زعلانه شديد وكملت البكى كلو 😢😢بس وليد وعدها انو ف اقرب فرصه ح يجيبها زياره عندنا ،وهي قالت خلاص مدام ريان مشت ومنار كمان ماشه انا م عايزة اقعد هنا براي وين المانع لو مشيت خلصت الجامعه ف باريس؟وليد قال ليها انا م عندي مشكلة 😍هنا فرحت شديد وم كانت قادره تصدق ،احمد و وليد انفقو انو يتشاركو ف شغلهم مع بعض عشان يوسعو المجال وفعلا دا الحصل اتفتحت عليهم ابواب الرزق وامورهم بحمد الله وفضلو اتسهلت وفاطمه قدرت تجي عندنا عشان تخلص الجامعه وكلنا كنا ساكنين نفس المنطقه وبيوتنا قريبه لبعض بنمشيها عادي باالرجول عايشين حياه حلوه شديد ومبسوطين مع بعض ،بعد 6 شهور انا طلعت حامل تاني وكان عندي توأم😢😍ومنار فايتاني بي شهر وفاطمه فايته منار بي شهر 😍😍 كلنا كنا ورا بعض وليد واحمد ومازن م كانو مصدقين ح يطيرو من الفرح،بقو يهتمو بينا وم بنقصو علينا شي،مازن بقى يقول ليهم عندكم اي استشارة اسالوني انا 😌💜ققامو ضحكو فيهو😂😌💜لما قرب ززمن الولاده اتفقو انهم يجيبو امهاتنا ويعملوها لينا مفاجأه وكانت احلى مفأجاه😍😍بس الكسرت قلبي فاطمه لانو بالرغم من الفرحه الفيها دي الا م يجي زمن معين وتحس انها بجد محتاجه امها جمبها 💔😢 ودا شي م باليد💔،مهما حصل الام هي ام مافي زول بقدر يغطي مكانها حتى الابو💔بس امي وام مازن م خلوها تحس بالحاجه دي ابدا وقفو معاها لحد م ولدت بالسلامه وجابت احلى بنوته وسمتها لين😍😍😍ومنار جابت ولد سمتو معتز على ابوها😍وانا جبتا بت وولد سميتهم فادي وفدوه😍😍😍بعد اسبوعين كنا كلنا ملمومين مع اهلنا واصحابنا ف الحديقه حقت بيتنا وبنتونس وكل وحده حاضنه طفلها جمبها وانا مع عيالي التلاته 😍❤واخر ونسه واخر ضحك وفرحه كدا م بتتوصف ف الحمد والشكر ليك يارب انك عوضتني بالاسره والاصحاب الجمييلين ديل لانو الاهل والاصحاب ديل وطن صغير بنعيش فيهو وعشانو بنموت ونحيا ،هم طمأنينه وسند وحب وخوف علينا ومهما اتكلمنا عن الاهل والاصحاب كلماتنا م بتكفي ولا بتعبر وكل ضحكة منهم بتهديني الحياه وم فيها ف يارب ان شاءالله كدا دايما تامين ولاميين ولا فاقدين ولا مفقودين يارب ي كريم 💜❤
#كسرة،كل زول ف الحياه دي عندو نصيب، زول نصيبو زواج موفق، وزول نصيبو اب حنون، وزول نصيبو أهل طيبين،وزول نصيبو صُحبة حلوه اخوه وسند، وزول نصيبو جاهه ومال والتاني نصيبو شهادة وتميز،كل زول عندو نصيب ف شي وم ليهو نصيب ف شي تاني، انت م بتعرف غيرك شاف شنو ف حياتو ورب العالمين اخد منو شنو مقابل النعمة الرزقو بيها،مافي زول حياتو كاملة بدون فُقد،الدنيا م مستاهله حسد وحقد وظلم ولا عين ضيقه، افرح للناس واتمنى ليهم الخير عشان بكره ربنا يرزقك زي م رزقهم،بالنسبه للرجال الرفق بالزوجه واحترامها دا اكبر دليل على اكتمال رجولتك زي م قال الرسول صلى الله عليه وسلم (م اكرمهن الا كريم، وم اهانهن الا لئيم) لانو المره دي ممكن تكون بتك، امك، اختك، زوجتك، ف الزواج م بس علاقة بين راجل ومرة تحت سقف واحد،هو علاقة بين شخصين كل واحد فيهم ليهو كيانو المُستقل، وكل واحد فيهم عندو واجبات لازم يأمن بيها، إذا أنت عاملت زوجتك بالحسنى واحسنت معاملتها وحفظت كرامتها، هي بتأدي واجباتها اتجاهك وبتكون حياتكم هنية ومستقره، وعشان م يحصل زي م حصل مع ابو فاطمه وزوجتو الأولى مششت خلتو بي سبب تعاملو معاها وانها م كانت مبسوطة معاهم فرفقا بهم لو سمحتو،اما النسوان الوحده فينا لما تبقى ام بتحس بي حجم المسؤوليه وبي طعم السعادة انتي لما تبقي ام معناها طفلك دا لازم يبقى ف المرتبه رقم 1 م عشان انتي م مبسوطة مع راجلك تقومي تمشي تخليهو وراكي عشان يعاني ،اذا انتي م استقويتي بيهو وم اتحملتي عشانو وختيتي سعادة طفلك قبل سعادتك راحتو قبل راحتك ح تكوني ام على شنو يعني ،الاطفال مافي احلى واجمل منهم مهما كانت حياتك تعيسه وانتي م مبسوطة من تبقي ام دا كلو بتسهل من عند ربنا وكل طفل بجي بي رزقو،انتي م عارفه انو ف ناس بتفتش الاطفال بالقروش وم لاقيه ،الاباء خليكم حنونين على عيالكم اسمعوهم اسعدوهم كونو واقفين جمبهم عشان لما تكبرو يكونو معاكم وم يخلوكم تحتاجو زول غريب ،م عشان انت زعلان من امهم تطلع كل زعلك وغضبك فيهم ،عندك مشكلة مع زوجتك اقعد اتفاهم معاها براحه بعيد عن عيون اولادك لو مشيتو الحياه بالتفاهم والتحمل حتكون اسهل واحلى بالنسبه لي،الاصحاب ، الاخوان ،الاهل وكلكم ،الحياه م مستاهله الجفا دا كلو حاولو كونو قريبين من بعض حتى ف اسوا الظروف ،حبو بعض، اضحكو ،فرفشو ،عيشو جمال الحياه وم تخلو الدنيا تشغلكم انكم تسألو من بعض لانو ح يجي يوم وتحتاج الناس ديل كلهم جمبك ف شنو الحياه حلوه ياخ استغلو الفرصه وعيشو جمالها،ومهما كانت الدنيا ضاغطه عليك م تفكر ف يوم انك تاخد قرارات غلط، خليك قريب من ربنا، اتفائل ابعد عن الناس البتنشر طاقة سلبية ف حياتك،انسى الماضي وعيش ف الحاضر،اسأل عن اقاربك، خليك قريب من امك وابوك واخوانك قضي معاهم أوقات حلوه قول ليهم انك بتحبهم بدون سبب احكي ليهم الفي قلبك وم تخبي ، لانو حاجه حاره لما تشوف اسرتك فيها زول ناقص وانت كان نفسك تقول ليهو كلام كتير كان جواك ف استغل الفرصه، حافظ على صلواتك، ودايما خلي شكواك م تكون غير لي ربنا، حب واتحب لانو الحياه م حلوه بدون حب، اعمل الحاجات التسعدك من غير م تشيل هم كلام الناس، لانو الناس عمرهم م سكتو ولا حيسكتو ،اتعلم الصبر ولازم تخت ف بالك انو مهما الدنيا قست عليك إلا م يجي يوم وتفحتا عليك ، إذا ضاقت بتفرج، وإذا زعلتك بتفرحك، إذا أخذت منك بتديك ،واعرف انو راجياك فرحة الدنيا دي كلها بعد طريق طويل من الحزن،وامنياتك تحضنك بعد مرحلة صعبه من التعب بس شوبة صبر وربك كريم، كل شي بحصل ليك قول انو لي خير ،جرب م تشيل هم الدنيا وانك تخلي ربنا يتولى كل امورك صدقني ح تحس انو الحياه اسهل بكتيييير ، المهم انك تتعلم الصبر زي م قال ربنا (وإستعينو بالصبر والصلاة أن الله مع الصابرين)لانو الصبر من أجمل الصفات اللي لازم نتحلى بيها كمسلمين، وإذا حصل لينا بلاء لازم نصبر ونصلي زي م قال ربنا وحتفرح بإذن الله ❤
ومعليش لاني طولت عليكم واخدت من زمنكم واتمنى انو تكون الروايه عجبتكم لانو اول مره اجرب اكتب ف ارائكم بتهمني😔
ودمتم سالمين❤
*كـل الحُـب زهره البخاري ♥
