بعد م ختيت شطنتي عايزة اقعد الا وعيني وقعت على كيس صغيره ف درج طربيزتي عاينت بي استغراب😯قلت دا شنو ياربي م يكون قنبله 😂😲💔طلعتو قبل م افتحو سالت اولاد الفصل الكيس دا حق منو قالو م عارفين سالت البنات برضو قالو م عارفين ،قمت انا قلت كدي افتحو لو انفجر كمان اكون استسشهدتا🌚💔قبل م افتحو قريت المعوذات ويس وقلت بسم الله حتى فتحتو😂😩لقيت جواهو علبه ونظاره جديده وكرت صغير مكتوب فيو دي حاجه بسيطه واتمنى انك تقبليها وانا بجد اسف😳❤ فجئه قلبي بدا يدق بسرعه ويدي بقت ترجف وف حاجات كتيره جواي جاطت وم عارفه افرح ولا ازعل ولا اتصرف كيف وف الف سؤال كان ف راسي انو هو عمل كدا ليه ؟ومتين اساسا حصل دا كلو ؟وكيف عرف انا ف الفصل دا ؟وحاجات كتيييره بتحوم ف راسي بس ماسكه الكرت كدا وبعاين فيو وكل شوية بقرا الكلام من اول وجديد😥❤جات وحده من صحباتي وبت جيرانا ف نفس الوقت اسمها منار 😍بتساالني مالك سارحه وين كدا قعدت جمبي قمت رجعت الكرت ف محلو وختيت الكيس ف الشنطه ،قالت لي ف شنو ي رنو م على بعضك قلت ليها ابدا😊 قالت لي لالا ف شي احكي لي لو عايزة بعدين م ينفع تكتمي اي شي ف قلبك كدا لمتين ،عايزة تنفجري انتي؟وبعدين نحنا صحبات على شنو 😩قلت ليها م كدا بس بجد م في شي وانا اصلا م عارفه القاعد يحصل شنو😔قالت لي يعني انتي عايزانا نضحك ونفرح مع بعض بعدين تجي تزعلي براكي😢❤ف اللحظه ديك كنت بجد محتاجه اسمع الكلام دا واحس انو ف زول بهمو امري ومستعد يسمعني😩قلت ليها بحكي ليك بس م اسي خليها وقت تاني قالت لي طيب انا هنا وانتي عارفه كدا م ضروري اجي اقول ليك ف شنو قلت ليها عارفه حبيبتي تسلمي لي😍❤بعدها جات الاستاذه وبدت الحصه،ف الجانب التاني مازن بتكلم ف التلفون وبقول،والله م عارف القاعد يحصل معاي شنو بس فجئه لقيت روحي مشيت اشتريت النظاره وبي نفسي وديتها ختيتها ف درجها انا بجد متلخبط شديد وقلبي دا م عايز يسكت و ع طول بتجي ف بالي😔حاسي كدا انو لو قعدت هنا اكتر م حقدر اسيطر على روحي وح ابوظ الامور كلها وانا م عايز اكرر نفس الحصل قبل فتره 💔ف كان صحبو بهدي فيو وبقول ليو خلاص معناها ارجع تعال وبعد تجي نقعد ونحل الامور دي كلها اسي بالتلفون كدا م ينفع قال ليهو بالضبط كدا ودا الحيحصل ان شاءالله..(فلاش باك)قبل فتره م بعيده شديد مازن كان مرتبط مع وحده اسمها ميس البت ماشاءالله عليها لون وجمال مبالغه شخصيتها قوية شديد وفيها نوع من الغرور ، اتعرف عليها لمن جا جدة ف عرس أقرباء مازن وهو كان جاي اجازة ،اتعرف عليها هناك واخدو ارقام بعض ف نفس الليله واستمرو بالتلفون اتقابلو بعدها كم مره قبل م يرجع مازن يسافر وكانو متواصلين ومع مرور الايام بقى يحبها ويتعلق بيها شديد استمرو حكاية بتاعت 6 شهور سوا عرفو فيها بعض كويس وبقى م بعدي اليوم من غير م يتكلمو مازن دا لو م كلمها يومو م بكون مظبوط وهو بكون مجهجه وم بقدر يركز ف حاجه تقدرو تقولو انو البت دي كانت الهام بالنسبة ليو ❤بعد فترة اعترف بحبو ليها دا وهي برضو بادرت بي مشاعرها اتجاهو وقررو بعد شهرين بالضبط انو هو ينزل ويعمل خطوبة❤والامور كانت ماشة تمام وكل يوم بمر بتتعلقو ف بعض اكتر واكتر💜 ،مازن دايما هو الكان ببادر اكتر حاجه .. وهو الكان بخطط لي مستقبلهم مع بعض .... بس هو م كان متضايق من الحاجه دي وقاعد يخت ليها الف عذر 😊من شدة حبو ليها كان مستعد يعمل ليها المستحيل بس عشان يشوف ابتسامتها ،تقدرو تقولو بقى عايش عشانها .. بس هي م كانت بتحبو ولانو م برفض ليها طلب ف كانت بتستغل ف مشاعرو تجاهها،💔ف يوم من الايام اتصل عليها اكتر من مره م ردت وم رجعت ليهو لحد اليوم التاني ،ولا حتى فكرت انها تطمنو برساله ،وهو هنا كان مقلق عليها شديد خوفا من انو يكون حاصل معاها حاجه او عيانه ف كان بفكر فيها طول اليوم وم كان مركز لا ف شغلو ولا قرايتو واليوم كان بالنسبة ليهو بطيء شديد اصحابو ككانو منتبهين ليهو بس م عاوزين يسالو لانو عارفنو انو ح يقول جملتو المعتادة (ماف شي)ومعاها ابتسامه كدا😊💔 قام فجئه من غير مقدمات قال ليهم انا ماشي تصبحو على خير ي جماعه .. ومشى منهم عشان م ينكد عليهم ،لحقو احمد اللي هو البست فريند حقو،مشو البيت سوا وقعدو يتونسو ف البدايه م اتكلم بس لما احمد ضغط عليهو بقى يفضفض انو البت دي ليها فتره متغيره معاي بكلمها م بترد برسل م بترد م عارف حاصل عليها شنو وانا خايف عليها بجد م قادر اركز ف اي حاجه 😔💔اعمل شنو عشان اوصل ليها قام احمد قال ليو كدي الليلة خليها لو بكره م رجعت ليك وقتها نشوف ح نعمل شنو 😔قال ليهو خير ،وف نفس اليوم بالليل جاتو رساله وهو طار من الفرحه😍بس لما شاف رقم غريب حس بي احباط مبالغه 😔فتح الرساله من غير م يرد قام الرقم اتصل ليهو ف البدايه م رد بس لما الرقم بقى يتصل اكتر من مره زهج ورد ،كان ف التلفون صوت بت قال ليها منو معاي قالت ليهو انت مازن قال ليها اي انتي منو قالت ليهو انا صحبة ميس هنا طوالي كان قاعد فجئه قام على حيلو وبقى يسالها بي لهفه عن ميس وين هي كويسه حاصل عليها شنو😢 ،قامت البت قالت ليو هي كويسه م تشغل بالك قال ليها مالا م بترد على مكالماتي ولا رسايلي انا زعلتها ف حاجه من غير م اقصد ،قالت ليهو والله شوف انت باين عليك انسان كويس وقلبك ابيض بس صدقني انو ميس م بتستاهلك 😲هنا مخو وقف قال ليها بتقولي ف شنو انتي ،قالت ليهو انا عارفه انك بتحبها وشديد كمان بس هي م بتحبك طول الفتره دي كانت بتستغلك او تقدر تقول بتملى فراغها ووقتها بيك وبس وانت م كنت شايف حاجه غيرها وبدت تحكي ليهو انو هي اساسا عندها ود عمها متقدم ليها من زمان وعايزها ف البدايه هي لما أتقدم ليها رفضتو بعد م اهانتو ومسحت بي كرامتو الأرض ومع مرور الايام بدت تحن ليهو وتحبو وهو بقى م معبرها عشان كرامتو ... ف تقريبا كانت بتحاول تنسى بيك الحصل معاها بس ولد عمها عرف انو م حيقدر يكمل من غيرها وانو القاعد يعمل فيهو دا غير انو بتعب قلبو م بستفيد شي ف قال انو كل انسان بستحق فرصه وانا ح اديها وادي نفسي ففرصه تانيية لانو من غيرها م حقدر اكمل ❤ودا الحصل اسي هم رجعو لبعض الفترة دي عشان كدا انقطعت منك 💔وانت لازم تعرف انك كنت بتحب من طرف واحد وانو هي م عندها شي ليك ،هنا هو بقى م فاهم شي ولا عارف البت دي بتقول فشنو وم قادر يصدق الكلام البسمع فيهو قبل م يرد يقول حاجه قامت قالت ليهو انا عارفه انك اسي بتسال ف نفسك بتقول اصدق البت دي كيف بس احب اقول ليك انو الاسبوع الجاي خطوبتها على ود عمها .. هنا مازن كانو صبت فيهو مطرة م قادر ينطق حرف قالت ليهو انا عارفه انت حاسي بشنو كونك تتخذل من زول بتحبو حاره شديييييد وبتحرق من جوه ونارا م بتنطفي بي سهوله مهما يحصل 💔وهو هنا بجد انو قلبو كان واجعو شديييييد وم عارف يقول شنو بس قال ليها طيب شكرا وقفل الخط ف وشها ، رمى التلفون من يدو ورجع قعد ماسك راسو وبهز ف رجولو وبقول ياربي انا غلطت وين 💔لي قلبي يتكسر بالطريقه دي 💔طيب ع الاقل م استاهل يعني انو ترفع سماعه التلفون وتقول لي الكلام دا بي نفسها كان ح يكون اسهل مما اسمع من برا💔م كان مستوعب الكلام السمعو ابدا وف اسئلة كتيره بتحوم ف راسو من غير م يحس ضرب التطربيزة بي يدو وشال المزهريه كسرها لمن يدو اتجرحت وبقت تنزف💔😭بس هو ما حاسي بي الألم ألفي يدو على قد م قلبو كان بوجعو💔احمد سمع صوت المركبة جا جاري عشان يشوف صحبو مالو .. وقف ف باب الغرفه وقلبو وجعو على حالة صحبو وانو اول مرة يشوفو بالحالة دي 😔 م عرف يعمل شنو ولا كيف يهديو جا قعد جمبو وقريب الساعه وهم ساكتين ف النهايه قام مازن قال لي احمد انا زول م كويس ،احمد ساكت بس بسمع ،قال ليهو ليه يعني يحصل معاي كدا ذنبي انو حبيتها وانو كنت مستعد اعمل اي حاجه بتسعدها 😩💔لو زواج انا كنت جاهز انو اتزوجها واخطي الخطوة دي معاها وهي كانت عارفه الكلام دا كويس نحنا حتى اسماء عيالنا اخترناها💔😢 حصل شنو فجئه💔قام احمد قال ليو اسمع ي اخوي انت م غلطت غير انك حبيت الزول الغلط ونقدر نقول انو دي حاجه م بيدك 💔بس ولا تزعل وم تشيل هم اي حاجه ربنا كريم وم بنسى زول والدنيا دواره وقلبك الانكسر دا بكره بتجي الزوله البتصلحو ليك وح تتزكر الايام دي وتضحك😊واصل كلامو وقال ليو اوعك تزعل نفسك انت عارف نحنا اتخطينا ظروف اصعب من كدا بس شنو محتاجين نكون مع بعض ونكون قويين ..وانت خليك احسن منها ادعي ليها ربنا يسعدها واتمنى ليها الخير،وخليك واثق انك انت كمان ح تكون مبسوط يوم من الايام وكل حاجه بتحصل لي حكمة وخير فما تشيل هم ي صحبي 😊اسي كدي قوم غسل وشك واتوضى وصلي ليك ركعتين واشكي لي ربنا وصدقني م حترجع ندمان 💜قال ليو خير قعد شوية و قام عمل زي م قال ليهو صحبو وطوّل ف السجود وبعدها قرا ليهو ايات من القران واتوكل على الله ومشى نام بعد م حسى بي انشراح ف قلبو ❤احيانا ف ناس بطلعونا السماء بي افعالهم و كلامهم معانا بس عشان يخلونا نقع ونتعلم 💔 تاني يوم الصباح اول حاجه عملها مازن بعد صحى من النوم من غير اي مقدمات مسك تلفونو ودخل الواتس مسح المحادثات الكانت بينهم من غير م يقراها وكذللك الصور وكل حاجه كانت بتخصها .. وعمل ليها بلوك من كل مكان وقرر انو ينساها وم يفكر فيها تاني ..ح تكون صعبه بس ح يحاول ..شغل نفسو مع اصحابو وقرايتو وشغلو وبي مساعدة اصحابو ليهو ووقفتهم معاهو شويه شويه بدا يتفائل 😍ويرجع مازن زولهم المرحح والبعرفوهو هم مع مرور الايام قدر يتخطى المرحله دي💜 وف نفس الوقت ححرم على نفسو كلمة حب وانو تاني توبة ي قلبي تمشي تحب 💔،الحاجه الكويسه ف مازن انو م بلعب بي صلاتو ..ممكن ينسى اي شي بس مستحيل يفوت صلاة ولا يجمع صلاة ..وتقريبا دي الحاجه الكانت مسهله ليهو امورو ومخليه حياتو مرتبه وانو م بقع ف ضيقه الا وربنا بفرجها عليهو 💜احيانا الاصحاب بكون ليهم دور كبير ف حياتنا وف انو نكون قريبين من ربنا ف كلنا محتاجين اصحاب يزكرونا اذا نسينا نأدي فرض من فروضنا اليوميه اذا بقينا بُعاد من ربنا وانشغلنا بي امور الدنيا ومصايبها ودي نقدر نقول عليها صحبة صالحه 💜😍 .. مازن ربنا رزقو بي الاصحاب ديل ف يارب يرزقنا كلنا كدا اصحاب زي اصحابو يارب💜ف الجهه التانيه وكالعادة خلص اليوم وكان عادي شديد ..بعد م رجعنا البيت وزاكرنا وقعدنا مع امي وعمي شوية ..مشينا ننوم ..عمي دا اللي هو راجل امي هو انسان طيب شديد وزول كويس ف البدايه م كنا حابين وجودو ف حياتنا بس بعدين اتعودنا عليه ومبسوطين بوجودو الحمدلله كفايه انو بعاملنا زي اولادو وم حصل حسسنا بي انو مجرد راجل ام😊ف غرفتي هنا غلبني النوم وقاعده اتقلب يمين يسار وبفكر ف الحاجات العملا مازن ..كنت بقول دا شنو الانسان الغامض دا اسي الواحد لو عايز يقول ليهو شكرا يوصل ليهو كيف حتى اخوانو المعانا ف المدرسه انا م بعرفهم😩جاني صوت جواي بقول لي معناها اول خطوة تعمليها بكره الصباح تتعرفي على اخوانو ع الاقل ممكن تلقي طريقه عشان تشكريهو.. قلت فكره برضو ..ختيت راسي عشان ارجع انوم غلبني كلو كلو 😪قلت كدي افتح الفيس دا طولت منو مسكت الجوال دخلت الفيس وفجاءه😳😨😯...
يتبع ......
