من بين المعازيم كان ف بت خال مازن، كانت عيانه عشان كدا م جات وقت العقد، م كنت بعرفها شخصياً بس مازن حكى لي عنها كتير، وعرفت انو قريبه ليو شديد من بعد احمد و مازن بسألها وباخد رأيها ف كل حاجه، انا م كان عاجبني الوضع دا، بس كنت متحمله عشانو وم حبيت احسسو بالحاجة دي، كنت دايما بتنجب حديثو عنها😓💔لما شفتها ف الاستراحه عرفني عليها وقال لي دي اختي وصحبتي الصغيرة فاطمه😊قالت لي سلام كيفك 😊سلمت عليها سلام بارد شديد وقلت ليها انا ريان😑😒قالت لي اسمك حلو😊 قلت ليها تسلمي من ذوقك😬، قالت لي اتشرفنا قلت ليها وانا كمان😏 وجيت قعدتا كنت بارده شديد معاها ، يلا هي مسكينه شديد والحزن باين ف عيونها حتى ضحكتها باهته 😔وشكلها كانت مكسوره وماره بي ضغط ف حياتها، ف كنت ملاحظة ليها طول الفتره الكنا فيها ف الاستراحه كانت براها م بتتكلم مع زول، ولا بتحاول تتناقش مع زول بس ماسكه تلفونها وقاعده، م ركزت معاها كتير، بعد شوية انت ي مازن قوم امشي اقعد جمبها واتكلم معاها وخليها تضحك😒💔يعني وقتها كان نفسي امشي ليهم واضرب روسينهم ف بعض 😤😡بلعتها جواي وقمت افتش ف منار عشان تفرق لي شوية وهي التانيه كمان بقت خالطه مع احمد وطول الوقت قاعدين سوا حتى تنظيم العشاء كان عليهم بس عشان م يفترقو😒شوفتهم بالظرافه ديي جابت لي مغص ف عيوني والله 😒😑طلعت منهم ومشيت قعدت جمب المسبح وسرحانه، وهم هناك جوا كانو آخر ونسه وضحك، بعدين فاطمه قالت ليو وين ريان م شايفاها،مازن عاين كدا قال ليها بتكون مع منار😅 قامت قالت ليهو ي مازن امشي شوفها شكلها اتضايقت من قعدتك معاي، قال ليها لالا هي م من النوع دا😊قالت ليهو اججي ي كدا😐 قوم امشي بلا كلام كتير معاك شنو هي الما من النوع دا بعدين مافي بت م بتغير على حبيبها، خلي يكون راجلا😭😉😅😩ف أظن أنها غارت🙊ونصيحه ليك انك م تتجاهل الحاجات دي 😅قال ليها خوفتيني بي كلامك دا 😔😨احسن امشي اشوفها بسرعه قبل م يجيني كرسي طاير ف راسي😅قالت ليو ايوووا يادوب فهمت علي يلا اختفي بسرعه😂❤قال ليها طيب بس م تقعدي براكي خليكي مع الناس انا بمشي اشوفها وبجي قالت ليهو م تشيل هم😊قام جاني برا لقاني جمب المسبح انا م انتبهت لي جيتو بس حسيت بي يد كدا ف كتفي😩❤عاينت لقيتو هو، قال لي الجو هنا م بارد عليكي قلت ليهو لالا عادي😊قال لي مالك قاعده براكي، قلت ليهو ساي بس جوا بقى زحمه كتيره عشان كدا، 😊جا قعد جمبي، مسك يدي كدا وميل لي راسي ف كتفو😩😴 وبدأ يتكلم بقول لي انتي عارفه انو قبل م اتعرف عليك واشوفك، كنت حابي لي وحده بس هي م كانت بتحبني وتقدري تقولي خذلتني وكسرت لي قلبي والمتني شدييييد💔، وقتها قلت انو استحاله احب وانو ي قلبي حرام عليك الحب بعد الحصل معاك وتوبه اكرر الغلط دا مره تانيه💔 بس لما طلعتي قدامي كل حاجه اتغيرت من كلامي معاك وعفويتك دي انا لقيت نفسي قاعد احب فيك من غير م احس بدون مقدمات بقيتي سبب لي سعادتي وبقيتي حياه وروح لي قلبي❤.. قال لي العايزك تعرفيو انو انتي هنا ف قلبي ومكانتك دي مستحيل انها تتغير وانا م حصل قلت ليك الشي دا لكن اسي ح اقول ليك، انا لما شفتك اول مره و لما عاينت ف عيونك كانت دي اول مره انا اعاين فيها لي أهم منعطف ف حياتي اللحظه ديك هي الخلت انو أجزائي تتلمى كلها ف مكان واحد ولي اول مره❤😩كنت بسمع ف الكلام وبدمع بعدها رفع لي راسي وقال لي نحنا مش قلنا انو مافي دموع تاني قلت ليهو طيب انا اسفه😢❤قال لي انا بعد بكره ح ارجع وم نفسي امشي واخليك وراي رايك شنو اخطفك 😉قلت ليو ياريت والله 🙈❤ قام ضحك ومع كل ضحكه هو بضحكها انا قلبي بضحك معاو الف مره ❤ف والله بجد انو الف حمد وشكر على النعمه دي❤😩جا وقت العشاء وقمنا دخلنا جوا.. أحمد قال اخيرا شرفو طيور الحب 😂❤يعني م ممكن معاكم نحنا كمان قاعدين هنا على فكره😂❤قمت قلت ليهم انتو بالزات م يحق ليكم تتكلمو😒قامو كلهم ضحكوا ف اللحظه دي فاطمه كانت بتحاول تتقرب مني بس دايما كنت بتجاوزها، مع انو م نفسي يكون ف مسافه بينا، لأنها وضح عليها طيبة قلبها وأنها بت كويسه شديد بس غصباً والله 😔❤هي تقريبا فهمت انو انا م عايزة معاها شي ف بقت قاعده ف حالها💔، عدا اليوم وبعدها مازن وصلني البيت مع منار وهو رجع بيتهم وكان معاو أحمد وفاطمه طول الطريق كنا ساكتين م في زول بتكلم مع التاني لحد م وصلنا، مازن دخل معاي سلم على ناس امي وطلع مشى، تاني يوم جا اتغدا معانا ومنها ودع ناس امي، بعدها هم طلعو مشوا الصاله وخلونا برانا، قال لي م تخافي انا حجي قريب ان شاءالله وم تبكي 😔❤قلت ليهو م بيدي والله قال لي عايزاني امشي من هنا وانا زعلان منك 😔قلت ليو لا قال لي خلاص ❤مش نحنا اتفقنا انو م نزعل وم نبكي قلت ليهو طيب حاضر مسح لي دموعي وبأسني ف راسي وقال لي انتبهي لي على نفسي❤وطلع مشى بعدها سسافرو هو وأحمد من الفجر، وبقينا بالتلفون بس، ومنار كمان نفس الشي هي وأحمد ربطو سوا وبقو متواصلين، وكنت كل جمعه بمشي لي أهل مازن بقيل معاهم وبرجع، لانو اخت مازن رجعت بعد العقد طوالي عشان العيال عندهم مدارس❤ف يوم جمعه مشيت عندهم لقيت فاطمه قاعده هناك😒هي سلمت علي عادي وانا كمان سلمت عليها وأم مازن قالت لي فطومه ح تقعد عندنا يومين تلاته كدا قلت ليها طيب حلو ع الاقل تونسك لما عمو يكون ف الشغل قالت لي اي والله ي بناتي ربنا يديكم العافيه😊❤طبعا ام مازن م كانت بتعاملني على اني مرت ولدها بالعكس معاملتها لي كأني بتها وكانت حنونه علي شديد وانا بحبها شديد والله❤ف كنا بتونس وكانت بتسالني من امي واخواني قامت فاطمه قالت انا طالعه فوق شويه قالت ليها امشي ي بتي البيت بيتك، قامت مشت وأم مازن قالت لي والله البت دي قاعده تقطع لي قلبي قلت ليها لي مالا قالت لي مرت ابوها مطينه عيشتها م مريحه البت كلو كلو قلت ليها ياهه ربنا يكون ف عونها يارب💔، قالت لي امين،وقتها بجد زعلت عليها 😔 تاني قالت لي عليك الله ي بتي خليكي جمبها هي شكلها رادتك شديد وكمان عشان م عندها صحبات ودايما قافله على روحها خليكي معاها يرضى عليكي قلت ليها حاضر ولا يهمك😊 بعدها مشيت طلعت ليها فوق عايزة ادخل الغرفه لقيتها بتبكي دقيت الباب قامت مسحت دموعها بسرعه وقالت لي اتفضلي😊جيت قعدت جمبها وقلت ليها انتي كويسه بتبكي مالك، شكلها استغربت من سؤالي😓، قلت ليها انا عارفه انو ف البدايه م عاملتك كويس بس م تقولي اني بكرهك بالعكس انتي باين عليك طيوبه وقلبك ابيض وبعيد عن كل شي ف الوقت البتحسي روحك وحيده وعايزة ليك رفيق يشيل الهم معاك ف انا دايماً حكون موجوده جمبك 😊 وبعدين م ينفع تكتمي ف قلبك كدا ف عشان كدا يلا فضي سريع وم تشيلي هم شي 😔قامت البت فجأة انفجرت بكى لمن بكتني معاها😭قمت حضنتها وبقت تبكي بي ححرقة💔💔قعدت اطبطب عليها لحد م هدت شويه وبدت تحكي لي، قالت لي انتي عارفه انو انا م شفت امي نهائي وقاعده اشتاق ليها شدييد💔💔قلت ليها الله يرحمها، قالت لي هي م متوفيه😔قلت ليها مشت وين طيب، قالت انا زاتي م عارفه مكانها وين، كل البعرفو انو وقت كانت حامل بي كان ف مشاكل بينها وبين ابوي وتقريبا كانت م طايقة العيشه معاو وابوي زاتو كان مكرها حياتها 💔دايماً بنظر ليها ف اي شي هي بتعملو وكان متعقد شدييد لو هي دقست ف الاكل وزادت الملح بجي بجوط فيها، م بعرف يتكلم براحه 💔لازم يصرخ فيها، م حصل قال ليها كلمه طيبه نهائي ولا حتى مدح ليها حاجه ولو ردت على كلامو يقوم يضربها هي م كانت مبسوطة معاو ابدا حتى لما حملت بي م كانت عايزاني اجي ف الدنيا عشان م اتعذب زيها بس حصل وانا جيت، بعد الولاده بي شهر واحد أو تقريبا أقل من شهر يوم بس صحت الصباح لمت أغراضها وطلعت فاتت من غير م زول يشوفها او يعرف هي ماشه وين💔حتى أنهم قعدو يفتشو فيها كم شهر ورا بعض بسالو صحباتها واهلها وكل الناس الهي بتعرفهم وكانت متواصله معاهم بس مافي زول عارف عنها شي ولا سمع عنها شي، م خلو مستشفى م خلو مركز شرطه فتشوها ف السودان دا كلو بس مافي فايدة💔💔 لحد الان م عارفنها حيه ولا ميته 💔قالت لي انا اسي عمري بقى 18 سنه وطول الفترة دي انا م شفتها ولا هي فكرت تتصل تسأل مني 💔قالت لي تخلي انو ولا حتى صورة ليها م عندي يعني لو حصل يوم وصادفتها ف الشارع م حعرفها😭💔بعدها بي فترة ابوي اتزوج وحده عشان تربيني وتهتم بي، عمتي م كانت راضيه وكان نفسها تربيني هي لكن ابوي رفض 💔بي سبب غياب امي ابوي قاطع الناس كلها وبقى اقسى من زمان💔عمتي كانت عارفه معاملة مرت الابو بتكون كيف 💔😭بس ابوي م سمع منها وقال ليها دي توهمات منك ساي 💔بس الحصل انو م كانت مريحاني كلو كلو وابوي بسمع ليها دايما يعني حتى مرات بقول لي م تمشي بيت ناس عمتك خلاني اقاطع الناس كلها انا حتى مدرستي م كملتها😭😭😭💔💔لما بقت حامل بتخليني حتى غرفتها اجي انضفها ليها انا م عندي مشكلة ف شغل البيت بس هي طوالي بتتبلى علي مره اتزلقت ووقعت جيت ساعدتها واهتميت بيها لما جا ابوي قعدت تبكي وقالت ليو بتك كبت صابون ف المطبخ عشان عارفاني بجي بعمل حاجاتي برأي وانا اتزلقت ووقعت اسي لو حصل شي لي الجنين اعمل شنو انا، وقعدت تمثل ليو قالت ليو انا قاعده احاول اكون ام ليها بس هي م عايزاني ولا عايزة الولد ألفي بطني انا م بقدر بالحاله دي بقيت اخاف على روحي منها ف عشان كدا شوف لينا حل معاها💔يومها ابوي بي سلك الكهربه جا ضربني لحد م اغمى علي وحبسني ف الغرفه اسبوع كامل وشال مني تلفوني💔😭😭😭قمت قلت ليها خلاص اسكتي😭💔جيت حضنتها وقعدنا نبكي سوا 😭😭بكت كدا لحد م نامت ف حضني بعديها رقدتها وغطيتها وطلعت من الغرفه اتصلت لي امي قلت ليها عادي لو الليلة نمت هنا قالت لي خير ان شاء الله قلت ليها لالا خير بس معاهم ضيفه وم عايزة اخليها براها قالت لي طيب م مشكلة وقفلت منها بي هنا اتصل لي مازن طوالي😍م بعرف بس كل م اسمع صوتو بحس انو الدنيا دي ماشه تبقى احلى وأسهل وانو كل شي ح يتصلح ويبقى تمام ❤مشيت دخلت غرفتو ورديت عليو قال لي وين انتي ي مفتريه😒قلت ليهو خير😒قال لي شنو يعني من الصباح ولا حتى مسكول ساي م عبرتيني بيهو قلت ليهو والله جري شديد 😂💔طبعا دي كلمتوو وطوالي ف لسانو كل م اسالو من شي يقول لي جري شديد😂ولما اقولها ليهو انا بتغاظ منها🌚💔قال لي لا بجد وين انتي وعملتي شنو من الصباح وبتعملي شنو ويومك كان كيف احكي لي، قلت ليهو انا ف غرفتك🙈قال لي ياتو غرفه😂😅قلت ليهو ف بيتكم قال لي بايته هناك يعني انا قايلك رجعتي البيت قلت ليو اي الليلة نايمه هنا وبكرة الصباح برجع قال لي ناس البيت كويسين، قلت ليو لالا كلهم بخير بس فطومه هنا وم حبيت اخليها براها لانو نفسيتها تعبانه ششديد😔قال بالله😓 خير مالا قلت ليهو موضوع طويل، كدي احكي انت كيف كان يومك، بدأ يحكي عن يومو بالتفصيل، بعدها سكت مسسافه و قال لي حبيبي😩❤ي جعلني فدوه لصوتو البقول حبيبي😩❤انا بشيل نفس عميييق لمن اسمعها 😩😍❤قلت ليهو عيونها 😍قال لي انا اخدت قرار وم عارف اذا ح توافقي ولا لا قلت ليهو خير😓 قال لي رايك شنو نعمل العرس الشهر الجاي.. لانو انا هنا الحمدلله اموري زبطت واستقرت وم اظن ف شي بخلينا نأجل اكتر من كدا وبعدين راعي لي قلوبنا دي ياخ م حرام علينا نعذبها كل دا❤😩قلت ليهو كل الانت بتعملو وبتشوفو كويس انا معاك فيهو قال لي اصلا م كنت متوقع غير كدا ويوم عن يوم قاعد اعرف انو انتي بجد نعمه وتعويض عن الحاجات المُره الحصلت معاي ربنا م يحرمني قلت ليهو ولا منك ي قلبي😍❤قفلت منو ورقدتا نمت ف غرفتو❤صحيت الصباح بدري صليت الفجر وقمت جهزت ليهم الفطور والشاي ومشيت لي فطوم ف الغرفه لقيتا لسه نايمه فتحت الستار الشمس دخلت وقعدت تتقلب😒❤قلت ليها صح النوم🌚مالك يختي قال للزمن دا يلا قومي ورانا شغل كتير فتحت عين وقالت لي شغل شنو ياخ انا اول مره انوم مرتاحه كدا من 3 سنه 😢❤راعي لي وخليني اكمل نومي جيت سحبت منها البطانيه وقلت ليها لالا والله معليش مافي كلام زي دا يلا قومي عشان ح نمشي بيتنا وبعدين نطلع السوق وعندنا مية حاجه عايزين نعملها قالت لي خير حصل شنو 😓قلت ليها ف عرس بعد شهر وانتي نايمه😒قالت ليي ف منو داير يعرس غيركم قلت ليها حيكون منو يعني م نحنا خلاص أمس انا ومززووني حددنا موعد العرس بعد شهر 🙈❤وهو قال ح يكلم ناس البيت وتقريبا كلمهم زاتو قالت لي ي بت ي خطيرة نفسي اعرف كيف قدرتي تغيري ود عمتي دا ف لحظة بسيطه زي دي، انتي عارفه انو زمان بنات الاسرة كلهم مكسرين فيهو بس هو م مدي ولا وحده فيهم وش☺قلت ليها اكيد لانو كان منتظرني😌❤بعدين قلت ليها انتي حبيو من قلبك وخليكِ حنينه عليو وكوني صادقه معاو وبتلاقي كل شي قاعد يتسهل من غير م تحسي❤😊قالت لي طيب يلا خلينا ننزل تحت نشوف الحاصل شنو،قلت ليها قبل ننزل عايزة اقول ليك شي، قالت لي احكي قلت ليها اي شي بحصل معانا ف الدنيا بكون مكتوب لينا من قبل م نحنا نتخلق، ف شنو انتي م تضايقي قلبك الجميل دا ابدا وخليكي قويه وم تسمحي لي زول انو يزعلك أو حتى يذلك بي كلمة، وقاومي حتى لوو حسيتي انو المقاومه دي قاعده تكتلك من جوا وتحطمك ف شرف المقاومه ولا عار الاستسلام، واكيد ح يجي يوم وربنا يعوضك عن كل الزعل والظلم الاتعرضتي ليهو بس اتفائلي وم تقفلي على نفسك عيشي الحياه وخلي كل شي لي ربنا❤قالت لي بإذن الله ح اخد لي كلامك دا وم بسمح لي زول انو يزعلني تاني، قلت ليها بالضبط كدا❤تاني قلت يلا يلا كلام قليل وشغل كتير والحياة تبقى حلوه 👏قامت ضحكت😂❤ لما كانت فاطمه بتحكي لي عن الحصل معاها كنت قايلة انو انا برأي الاتألمت وحزنت ف الدنيا دي فلما سمعتها قلت بجد الواحد مهما يحصل معاو من حزن وفرح والم وكسر م ليهو غير يحمد ربنا على باقي النعم ألفي حياتو، لانو بجد مافي زول حياتو كاملة بدون فُقد وانو الناس بتشوف ظاهر وبس ف الحمدلله دائما وأبدا ❤ بعدها قمنا نزلنا وأم مازن قالت لي متين صحيتي ماشاءالله وجهزتي دا كلو، قلت ليها انتو كنتو نايمين وانا اساسا بصحى بدري قالت تسلمي يديكي العافيه، تاني قالت طبعا مازن اتصل لي أمس بالليل وقال العرس بعد شهر قلت ليها ايوا دا الحصل🙈❤قالت لي على خير ان شاءالله 😍يلا خلونا نفطر ونجهز عشان عندنا حاجات كتيره نعملها.. بعد خلصنا قمنا مشينا بيتنا وسوقنا امي وطلعنا على السوق اسبوع كامل بنلف ف الأسواق عشان الشيلة❤ بعديها جو حبسوني ونزلوني دخان وشغالين فيني بي جاي شي صفرة للجسم وشي ماسك للوش وشي للشعر غايتو بهدلوني بهدلة السنين 😩💔ف الجانب التاني كانت مع راجلا عند الدكتور بعمل ليها ف الموجات الصوتيه فجأة قام سكت قالت ليو خير ي دكتور ف حاجه، قال ليهم كدي امشو اعملو لي الفحوصات دي وتعالو بعدها نشوف مشو عملوها وجو عند الدكتور بسالو فيهو خير ي دكتور أن شاءالله مافي شي بخوف وهو ساكت وملامح وشو م كانت م بتبشر بالخير 💔وهي كانت خايفه شديد ومقلقه وغالبها التعملو 💔الدكتور شاف الفحوصات العملوها مع العندو ف الكمبيوتر وقال ليهم😔😳💔....
يتبع.....
