ايام العزا خلاص انتهت وكل زول رجع لي حياتو الطبيعيه الا احنا كنا بنشوفو ف كل زاويه وكل مكان ف البيت وعايشين على امل انو ممكن ف اي لحظه يجي يفتح الباب ويدخل 😔بس الحمدلله قدر أخف من قدر ودا حال الدنيا وماف زول بعترض على قضاء الله وقدره والحمدلله اتصبرنا بي بعض وواسينا بعض والايام بقت شويه خفيفه علينا 😍 بعد م شرفت الامورة اختنا الصغيره 😍😭خلت حياتنا يكون فيها طعم وحركه تقريبا دي اكتر وحده ف اخواتي واجعه قلبي واكتر وحده قريبه لي مع انها صغيره بس برضو قريبه لي شديد وماخده أكبر مكانه ف قلبي أو تقدرو تقولو قلبي كلو، لأنها بي جيتها قدرت تطلعنا من الحُزن الكان مغطي على حياتنا والف حمد وشُكر على وجودها، مرت الايام والشهور وكل يوم قاعد يبقى أخف من البعدو والحياه ماشه أسهل وتقريبا شبه اتعودنا على غيابو بعد سنتين امي اتزوجت عشان مشاكل الاقامه بعد زواج امي بعد فتره من زواج امي الأمور هدت شوية قررنا انا واخواني نرجع نشوف قرايتنا وفعلا نزلنا المدرسه ولقينا حاجه تشغلنا دخلنا مدرسه سودانيه ومعروف المدارس السودانيه ف السعوديه بتحصل فيها مشاكل ومرات بتتقفل وكدا بس برضو كانت مدرسه ممتعه وحلوه اتعرفتا فيها على صحبات 😂😂😂😂لانو م كان عندي صحبات نهائي وهم بقو لي اخوات والله العظيم الكلام م بوفيهم حقهم و لحد تاريخ اليوم صداقتنا مستمرة الحمدلله قضينا احلى واجمل ايام بس الظروف فرقتنا 😔💔، شلتنا كانت مكونه من 8 بنات كل وحده فيهم كانت أقرب من التانيه بس عمرهم م فرقو بين بعض يعني كانو صحبات بي معنى الكلمة وعلى حسب ظروف المدرسه ف منهم اللي رجع السودان ومنهم اللي نقل من المدرسه ومع كل ظرف يحصل عددنا بقل😢 ف سنه من السنين حصلت مشكلة ف المدرسه وقفلوها ونحنا انجبرنا نكمل ف مسجد لانو الامتحانات كانت على الابواب 😂اي مسجد عديل كدا م تضحكو 🌚🔪احيانا كنا بنشرد من الحصص وحده من البنات بيتهم قريب بنمشي نقضيها نوم واكل عندها 😂💔كانت سنه م بتتوصف من جمالها وجمال أصحابها، ف صحباتي ديل أو بالأصح اخواتي طبعا اي زول بكون عندو بست فريند سواء كان بت أو ولد دايما بكون عندنا الزول البفهمنا من غير م نتكلم، الفهم اننا بنكذب عليه من نظرة عيونا، البكون واقف معاك وجمبك على طول مهما يحصل، البنصحك دايما وبكون عاوز مصلحتك قبل مصلحتو، البتحكي ليو كل ألفي قلبك من غير م تشيل هم انو ح يفهمك غلط، الكل ناس بيتكم بعرفوه وبحبوه وبثقو فيه❤، انا كان عندي الزوله دي كانت أقرب لي من روحي حتى، بس مع مرور الزمن أو ممكن نقول كل م كبرنا بنتغير وبننشغل مع الضغوطات البتحصل معانا في الحياه وحاجات كتييييره بتتغير ف جوانا، منها مشاعرنا، وافكارنا وحتى طريقه تعايشنا مع الناس الحوالينا، انا م بقول انو اتخذلت منها بس ممكن نقول انو هي انشغلت مع أصحابها وحياتها الجديده وممكن نقول انو حصل تبلد لي المشاعر القديمه،ودا خلانا نكون زي الأغراب، بعيد عن دا كلو هي كانت ولا زالت وحده من اخواتي لأنو انا بي سببها اتخطيت أصعب مرحله ف حياتي هي بي حنيتها وبي وقفتها معاي قدرت تغير نظرتي لي الدنيا من بعد م كنت ف حالة اكتئاب ويأس م بتوصف💔وهي بي طيبة قلبها قدرت تغير الحاجات دي كلها فيني وخلتني اشوف الجانب المُشرق للحياه، وبقول ليها ولي كل صحباتي الكانو معاي ،رغم البعد والمسافات ،انتو هنا ف قلبي ،وعمرها مشاعري م بغيرها قديم ولا جديد ،ووين م كنتو ربنا يسعدكم ياخخ ويرجع يجمعنا ونعيد أيامنا الحلوة مع بعض لانو بجد انا فاقداگِم ☹💔...
يتبع.....
