5/2010
يوم الاثنين الساعه 3 صباحاً :
كنت نايمه وقاعده اشوف كابوس كان أسوأ كابوس يمر علي ف حياتي ومستحيل يتنسى ف يوم من الايام كنت بين نايمه وصاحيه بس م فيني حيل اقوم، فجأة جا ابوي يصحي فيني ي بت يلا قومي اتاخرنا كنت بقول ليهو انا م عايزة ياخ خلي امي تمشي انا نعسانه خليني انوم وهو لسه مواصل يلا قومي رفعت راسي عاينت ليهو قلت ليهو ي ابوي م ينفع لو م مشيت الليلة بجد نعسانه وتعبانه وم قادرة قال لي 5 دقايق القاك جاهزه يلا منتظرك عايزه ارجع انوم قال لي انا شايفك يلا بسرعه قلت ليهو اووف ياخ دي شنو الحاله دي قام ابتسم لي 😊وطلع ابتسامتو دي خلتني ارتبك وجاني فجأه احساس خوف، اعرفكم علينا انا اسمي ريان عمري 12 سنه، نحنا بنتين و ولدين انا الكبيره طبعا 😎والخامس ف الطريق 😂 امي حامل ف الشهر التامن ربنا يحلها بالسلامه، هي من النوع الحنون بس م بظهر حنيتو ابدا وعصيبه شديد بس كمان م بتظهر عصبيتها ف البدايه بتسكت ليك مره واتنين وتلاته بس لما تقوم عليك وقتها يحلك الله 😂😂 ابوي مافي كلمة بتوصفو لانو هو الأب المثالي والصالح وكل الحاجات والصفات الحلوه موجودة فيو هو م من النوع المتشدد شديد بس ملتزم وم كان بضغط علينا ف حكاية النقاب والحاجات بس امي بتتنقب احتراما ليو كان مخلينا على راحتنا بس نعمل الحاجه الصح م برضى علينا الغلط نهائي😍 موفر لينا كل احتياجاتنا صح مرينا بي ظروف سيئه وضغوطات كتيره،وكل بني ادم ف الدنيا دي بمر بي ظروف صعبة ، بس ربنا كريم بفتحا على عبادو 😊وزي م بقولو ليك بنقفل باب بنفتح بدالو الف باب والحمدلله على كل حال،ساكنين ف السعوديه /جدة /حي الصفا دار الوفاء بالتحديد😍دا لقب حيينا طبعا 😂😅ابوي شغال في شركة تابعة لي ترحيل في مدرسه بنات معوقين ولازم يكون معاهو مرتو أو بتو أو اختو،ف امي كانت بتمشي معاو الفتره الأولى بس بعدين الحمل بقى يتعبها بقيت انا بمشي بدالها لاني كنت مؤجزة من المدرسه وم عندي حاجه ف كنا دايما بنصحى من 3 صباحاً ودا كان سبب النقه القبيل 😂💔 لاني زوله كسوله وبحب النوم 😴ومافي زول م بحب النوم🌚💔بعد النقاش الحصل داك قمت جهزتا وطلعنا مع ابوي بالسياره عشان نمشي ناخد البص من الشركه وناخد البنات من بيوتهم نوديهم المدرسه، ونحنا ماشين الطريق طبعا فاضي وكان مخيف غير العادة وانا كنت نعسانه بطريقه مبالغه، وعايز انوم😪 فجئة ابوي بدا يتكلم معاي وانا بسمع ف كلامو بس كان بعيد وبطئ شديد كاني كنت مخدرة سامعه بس م فاهمه هو بقول ف شنو فجأة صحيت وركزت لما قال لي بعد كدا ي بتي انتي الكبيره خلي بالك من امك واخوانك وم تزعلي امك واسمعي كلامها وانتبهي على نفسك شديد وأهم حاجه ي بتي قرايتك ثم قرايتك اوعك تهمليها لي اي سبب كان عايزك تبقي حاجه كدا كبيره انتي واخوانك عشان امكم ترفع رأسها فيكم، قلت ليهو ي ابوي انت برضو ح تحضر اليوم دا وح تفتخر بينا😇 سكتّا كدا مسافه وهو سكت بعدين قلت ليهو ربنا يديك لينا الصحه والعافيه والعمر الطويييل يارب ❤قام عاين لي وابتسم 😊هنا خوفي بدأ يزيد وبقيت مقلقه كنت عايزة اقول ليو ارح نرجع البيت ي ابوي م ضروري نمشي الليله ،الكلام كان بجي ف لساني بس حاجه بتخلي لستني تقييل والكلام م بطلع 😔قمت قلت ليو قول امين قال لي الدنيا دي م مضمونه وكلنا بنجي فيها ضيوف وكل واحد فينا عندو عمر معين ونصيب معين بياخد نصيبو و وقت م عمرو يخلص بفارق الدنيا لا بتأخر ولا بزيد من عمرو المحدد ليه ثانيه وحده💔طبعا م اقدر اوصف ليكم شعوري هنا كان كيف فجئه جسمي قشعر والدموع دي ملت عيوني بس بلعتها😢قمت قلت ليو انت الليلة م طبيعي خالص مع كلامي كدا قبل م يرد علي السيارة عطلت قام نزل منها وقتها انا كنت بعاين فيو لحد م مشى فتح شنطة السياره من قدام وقفلها جا قال لي م تنزلي من العربيه كويس انا اسي بجي لانو العربيه دي شكلها كدا م حتشتغل بمشي بشوف طرمبة ولا اي حاجه وبجي 😔 قلت ليو حاضر فجاء مشى،وم كنت عارفه انو ح يرجع تاني💔 من هنا وانا كأني ميته يعني بجد حسيت كانو كنت ميته حكايه ساعه كدا بعدين رجعت حييت لانو م كنت سامعه شي ولا حاسه بي شي وف اللحظه ديك رجع لي نفس الكابوس انا م صحيت وقتها الا على الضربة القوية الجات ف السيارة من ورا وقلّبت السياره💔 ودا كان نفس الكابوس الكنت شايفاهو وكان آخر صوت ليو لا إله إلا الله الجمله دي لي تاريخ اليوم بتتردد ف مسامعي😭 العربيه الكنت فيها انا اتقلبت مرتين وبعدها اتعدلت وانا جواها ببكي وم قادره انزل لانو الابواب اتامنت اتوماتيك ،والشارع كان فاضي م فيهو زول عشان يجي يساعدني ،كنت بصرخ بي اعلى صوت عندي ،م كنت حاسه بي اي الم وم كان هاميني على قد م كان هاميني اشوف ابوي وين 😢😔لما شفت انو مافي فايده من قعادي وانا منتظره كدا ،قمت كسرت قزاز الشباك بي حديدة كانت ف السياره ونزلت بالشباك بعد م يديني اتجرحت وعبايتي اتقطعت😔 نزلت وجريت وم قادره اوقف بكى المسافه الكانت بيني وبين ابوي كانت بعيدة بس م شديد كنت زي المجنونه بصرخ وبنادي ي ابوي 😭لالا يارب م يكون حاصل عليك حاجه كنت جاريه وببكي وبردد ف الجملة دي 😭😭فجئه وقفت الا وعيني وقعت عليهو كان واقع ف نص الطريق وم بيتحرك وكنت خايفه أقرب عليه وبقول يارب يكون نايم م يكون حاصل عليه شي يارب الا ابوي م تاخدو مننا يارب 😭😭 لما وصلت جمبو وشفت كمية الدم الكان غرقان فيها وف الجهه التانيه راسو مفتوح على اتنين 😭💔 يعني معقوله يكون الزول ف الارض دا ابوي انا؟ لالا مستحيل يكون هو اكيد انا قاعده اشوف ف كابوس م اكتر ،جيت قعدت جمبو كان نايم على ضهرو ختيت يدي فوقو وقعدت اصحيو واقول ليهو يلا اصحى نحنا اتاخرنا على البنات لو م مشت ح يفصلوك من الشغل يلا ي ابوي عليك الله قوم وانا تاني وعد بسمع الكلام واي حاجه عايزها بعملا وعد والله وعد ي ابوي قووم 😭انا انهرت بالبكى وهو م اتحرك من مكانو ،فجئه سمعت صوت زول ببكي فرحت على بالي ابوي صحى بس م كان هو 💔😭 رفعت راسي اشوف ف الجهه التانيه الزول الصدمو😨😢 وف نفس اللحظه ف عربيه جات وقفت ونزلو منها شباب اثنين جو جاريين ف اتجاهي وانا قمت ماشه على الزول القاعد ف الاتجاه التاني داك م كنت عارفه ح اعمل ليو شنو بس اتحركت عليو وانا م شايفه قدامي كنت ماشيه بي اتجاهو وبنبز فيو وببكي عاينت تحت ف حديده ف الارض شلتها وكملت طريقي اتجاهو جو مسكوني الشباب النزلو من سيارتهم عشان يساعدوني وانا بقول ليهم فكوني 😭الراجل دا قتل ابوي انا م بخليو هو لازم يموت م لازم يعيش واحد منهم مسكني وداني العربيه والتاني اتصل لي الشرطه والاسعاف والدنيا اتلمت كنت مراقبه الوضع من شباك العربيه 😔وهنا عرفت انو ابوي م ح يرجع تاني من القصدير الكانو بختو فيهو😭😭 بس برضو قاعده اقنع نفسي انو ابوي ح يمشي اامستشفى وح يتعالج وببقى كويس وكنت بدعي مع انو كنت عارفه انو ف اللحظه ديك الدعى ف بفيد بشي بس كنت بدعي انو ربنا يشفيو ويقوم بالسلامه 😭💔دا أسوأ منظر تشوفو عيوني ،يعني اتخيلو انو تشوفو زول منكم بي منظر زي دا ،والله لا يضوقكم فراق زول من اسرتكم 💔ف الطرف التاني امي كانت مقلقه بعد التلفون الجاها من مدير الشركه انو نحنا م وصلنا والباص حقنا لسه قاعد م اتحرك وجوال ابوي مقفول💔 كانت بتجرب تتصل علينا عشان تعرف نحنا وين والحاصل علينا شنو بس جوال ابوي فعلا مقفول بعديها جات الشرطه عشان تحقق معاي بس انا م معاهم ابدا واحد من الشرطه قال لي اذا حافظه رقم والدتك او اي واحد كبير مت اسرتك نتصل عليه عشان يجي المستشفى ،قمت قلت ليهو م حافظه رقم زول بس ممكن انا امشي المستشفى معاو قالو لي م ينفع لازم زول كبير ،قلت ليهم خلوني امشي معاو لانو امي م بتتحمل لو سمعت الخبر دا 😭 وانفجرت بكى بعدين قال لي تعالي نفحصك اول انتي كنتي ف السياره قلت ليو ايوه بس انا كويسه م حاسه بشي ،المهم ابوي هو لازم يبقى كويس ويرجع معاي البيت 😔💔 الشرطي سكت م عرف يقول لي شنو، قام قال لي الشباب الساعدوني واحد منكم يجي معاي عشان نوصلها البيت ،وهم فعلا م قصرو جابوني لحد البيت وانا من هنا بقول ليهم وين م كنتو ربنا يسعدكم ياخ💔 بعد م وصلنا العمارة تحت نزلت و وقفت بعاين وشلت هم امي ح اقول ليها شنو ولا اخواني البكونو منتظرنو كل يوم الصباح وهو جاي داخل ومعاهو كيس حلاوة ح اقول ليهم شنو ،ف كنت بمشي خطوة وبرجع عشرة خطوات ورا كان غالبني والشرطي منتظرني ف السياره ،دخلت العمارة طلعت السلم فوق م قدرت اكمل لي عند شقتنا ف قعدت ف السلم وببكي 😭عندنا جارنا سوداني جا طالع من شقتو عشان يمشي المسجد صلاة الفجر ،لما شافني اتخلع يديني مجرحه وعبايتي مقطعه وحفيانه ورجوالي بي دمها وببكي 😢 قال لي مالك ي بتي حاصل عليك شنو قلت ليهو ابوي ي عمو مات وقعدتا اشهق من كترة البكى لدرجة م كنت قادرة اتكلم ف قام مسكني وقال لا حول ولا قوة الا بالله تعالي ي بتي خشي نادى لي مرتو وراها الحصل وقال ليها امسكيها م تخليها تطلع لي امها براها وفعلا قاعده تهدي فيني وراجلا نزل اتكلم مع الشرطي وكانو منتظرننا تحت ،قمنا بعديها طلعنا لي امي سوا اول م فتحت لينا الباب فهمت الحصل وقعدت تكورك 😭😭😭وبتقول اكيد عملتو حادث انا ابوكي بعرفو سواقتو متهورة ومية مرة اتكلمت معاو م بسمع كلامي وانهارت شديد😭😢 انا فجئة م بعرف جاتتي القوة من وين مسحت دموعي ومشيت مسكتها قلت ليها كدي ي امي صلي ع النبي ابوي م مات هو عايش اي صح عملنا حادث بس هو عايش حتى اتكلم معاي وهو كويس انتي اادعي ليو قالت لي م قاعده تكذبي علي صح قلت ليها ابدا بعد الكلام دا هدت شوية ،قلت ليها الشرطي منتظرك تحت عشان عاوز شوية اوراق مسحت دموعها ونزلت مع جارتنا تحت 😔قمت انا دخلت غرفتنا اشوف اخواني قاعدين ببكو قلت ليهم مالكم قالو لي صحي ابوي مات وم بجي تاني😭😭😭💔م عرفتا اقول ليهم شنوو غير انو مسكتهم وانفجرت بكى😭😭💔 يعني الإنسان لو عندو فرصه يتمنى وامنيتو تحقق كنت قلت ياريتك م مشيت وخليتنا برانا نحنا بجد محتاجين ليك ومشتاقين ليك شوق م بعدو شوق💔انا هنا شفت حجم المسؤليه الخلاها لي ابوي حسيت بي انو ضهري بجد اتكسر وانو الدنيا دي بجد قاسية ومره شدييييييد💔اليوم دا كان أطول يوم يمر علينا ونحنا منتظرين التلفون يرن بس انا من جواي كنت متمنيه انو م يرن لانو عارفه ح يقولو شنو لما جات الساعه 10 صباحا التلفون رن وماف زول فينا عندو القدره انو يرد على ف النهايه ردت جارتنا و من غير م تنطق حرف جات قعدت جمبنا وقالت لينا إنا لله وإنا اليه راجعون 💔 قدر الله وم شاء فعل وانو ربنا يرحمو ويصبركم هنا حسيت انو الدنيا دي بابها اتقفل ف وشي وانو مستحيل ينفتح باب تاني مهما حصل سرحت مشيت بعييييد م رجعت الا بي صرخه امي وبكى اخواني انا م قادره اتحرك ولا حتى ابكي م كنت حاسه بي أي شي غير فراغ كدا كبيييير شديد والم م بعدو ألم💔...
يتبع....
