فجئه كمية الرسايل والأشعارات الشوفتها سدت نفسي😩😓 لانو لي فترة م دخلت وشلت هم ارد لي منو واخلي منو 😩قمت قلت ياخ خليهم.. كدي نشوف طلبات الصداقة قاعدة افتش الا اشوف مازن مرسل لي طلب صداقة 😳😢طبعا ح تسئلو كيف عرفتو لانو كان خاتي صورتو ومن يوم الشفتو ف المدرسة وصورتو احتفظت في راسي😩قمت قلت اعمل شنو اسي اقبلو ولا لا اطلع من الفيس وتاني ارجع ادخل اخت التلفون من يدي واقول انوم بس يجيني شكل الطلب معلق تاني ارجع اقوم😂😩كنت مقلقة شدييد اكيد طبعآ معظمكم مّر بالحالة دي 😴 ف النهاية قمت قعدت كدا ف نص السرير وقلت دقيقه اساسا انا مش كنت بفتش ف طريقة عشان اقول ليهو شكرا واهي جات.. بعدين هو كيف عرفني😳💔 ولا ياربي هو م عارف دي انا وضافني ساي😐تاني قلت لالا هو من شكلو باين انو م من النوع دا😩بعدين شلت لي نفسي عمييييييق😩وقمت من غير مقدمات خشيت وقبلتو وكان اونلاين طوالي رسل لي 😳❤مع صوت الرساله قلبي نط من محلو 😂❤قمت رديت كان كاتب لي ريان عبدالرحمن؟ قلت ليهو نعم😐قال لي م بدري ياخ😐قلت ليهو خير على شنو😓قال على انك وافقتي على طلب صداقتي.. قلت ليهو معليش بس عشان م قاعده اخش كتير ف يادوب حتى شفتو😊قال لي كيفك ،قلت ليهو تمام الحمدلله وسكت ،قام قال لي انا زاتي تمام الحمدلله 😒قلت ليهو ههههههه 😂ب بالمناسبة كنت بفتش ف طريقه عشان اوصل ليك واقول شكرا على النظارة بس م كان ف داعي تتعب نفسك😀قال لي ولا يهمك دي حاجه بسيطه بس.. قلت ليهو ع العموم شكرا.. قال لي العفو 😊بعدين قلت ليو ممكن سؤال؟ قال لي اتفضلي ! قلت ليهو عرفتني كيف دي انا😳قال لي م صعبه علي😋😌 اجي ي الما صعبه محسسني انك مباحث ولا حاجه😏😑 قال لي تقدري هههههههه حاجه زي كدا😎😌قلت ليهو لا بجد!😨 قال لي لالا بمزح والله لا مباحث لا غيرو كل الحكايه سألت عنك ف المدرسه ووحده من صحباتك قالت لي😄م سالتو منو دي بس قلت ليو اهاا اوك! يلا تصبح على خير.. قال لي ف حاجه!؟ قلت ليهو لالا بس الزمن اتأخر و بكرة عندي مدرسه.. قال لي اووووه راح عن بالي طيب وانتي من اهل الخير 😊طلعت منو.. جيت رقدت من غير م افكر ف شي شالتني نومه م صحيت الا الصباح وكنت حاسه نفسي مرتاحه شديد اول مرة اصحى بي البهجه دي😄قمت وكالعادة صحيت اخواني وشربنا الشاي ومشينا نجهز للمدرسه وكانت أول حاجه ف بالي وعايزة اعملها انو اشوف منو صحبتي الادت مازن حسابي ف الفيس م كان عندي نيه أشاكلها أو ازعل منها بس عايزة اعرف ليه عملت كدا ومتين زاتو...ف بيت ناس مازن طبعا كان صاحي من الفجر ولانو هو بصلي الفجر حاضر😍فما برجع ينوم طوالي بقعد يقرا قران ويدعي بالحاجات الفي قلبو ❤ بعد م خلص كانت فيهو طاقة عجيبه وكان مبسوط شديد وتقريبا نفسيتو كل يوم ماشه تبقى احسن من اول ودي كانت خطوة كويسه بالنسبه ليو عشان يقدر يفكر ف مستقبلو وحياتو لي قدام... الواحد فينا لما ينكسر أو ينخذل من اقرب الناس ليو صعب انو يرجع يثق ف الناس مره تانيه وم بقدر يأمن على قلبو مع أي زول كان بس لما نكرس حياتنا كلها ف التفكير وانو ليهه حصل كدا معاي ونزعل وننكد على روحنا ف حين انو الطرف التاني بكون عايش حياتو وهو مرتاح ومبسوط وم هاميو شي غير سعادتو وهو ناسي تماما انو الدنيا دواره وانو أثر كسر القلب زي أثر الجلطة بالضبط،الرسول صلـىٰ الله عليه وسلم قال شنو، قال (رفقاً بالقوارير) لانو هو عارف انو مشاعرهم هشه وممكن ف اي لحظة تتكسر ف عشان كدا ي جماعه رفقاً بي اي انسان لانو يوم من الايام ممكن ترتكب جريمه وانت م حاسي💔. ف نحنا لازم نكون أقوياء عشان نقدر نكمل، طيب انت ح تبقى قوي كيف؟ بتقوى لمن تقرب من ربنا ولمن تبعد من الناس البتنشر طاقة سلبية ف حياتك وصدقني شويه شويه ح تحس بي الأمان وح يرجع قلبك ينبض بالحب مره تانيه دا غير أبواب الرزق والسعادة والأمل الحيتفتح ليك مره تانيه بس شنو خلو التشائم وابعدو من الناس البكونو سبب ف زعلكم وحزنكم وابقو قُراب من ربنا ❤ف مازن كان قريب من ربنا وهو فعلا عمل الخطوة دي عشان كدا زي م شايفين حياتو ماشه تبقى أسهل وانو البسمه والفرحه رجعت ليو من اول وجديد 😊بعد م خلص من قرايتو قام مشى على غرفة اخوانو وصحاهم عشان يجهزو لانو قرر انو هو اليوصلهم المدرسه ... عندو اخوان اتنين البقرو معانا واحد ف سابع والتاني ف خامس وهم اكبرهم بت متزوجه وعندها بت وولد توأم 😍❤عمرهم سنتين عايشه ف قطر مع راجلا وهي برضو بتجيهم ف الاجازة، والصغيره دي اظرف وحده فيهم😍❤الفرق البين مازن واختو الكبيره نهى كان سنه تقريباً اي هي زاتا م كبيره بس اتزوجت بدري وحياتها مستقره وهي مبسوطه الحمدلله...نزل الصاله عشان الفطور امو وابو كانو قاعدين صبح عليهم واقعد بتونس معاهم مسافه اخوانو ينزلو، امو وابو م كبار ف السن طبعا كلكم بتعرفو انو معظم اهالينا زمان بتزوجو صغار 😊ف هم كانو محافظين ماشاءالله يلا هم من النوع الحنون شديد وبريدو عيالهم وم حصل فرقو بينهم زي م بعملو بعض الاهل، يعني الواحد بس يشوف ابتسامتهم دي بحس انو الدنيا لسه بي خيرا 😊❤ربنا يديهم العافيه، زولنا دا قاعد وغلبو الانتظار كلو كلو كان متحمس شديد وباينه عليه الفرحه ف عيونو امو لما شافتو بالحاله دي هي زاتا فرحت وبقت مطمنة على ولدها لانها واخيرا قدرت تشوفو مبتسم وبقت تدعي ليو 😍😍لانو من جا م كان عاجبها ولانو هو طبعو كتوم وم بتكلم عن الفي قلبو فما كانت بتحب انها تضغط عليو😊بعد م اكلو قال لي اخوانو يلا اتاخرنا ابوهو قال ليو خير ي ولدي على وين قال ليهو عايز اوصلهم الممدرسه من بعد اذنك طبعا ي حاج 😊قال ليو م كل يوم انا البوصلهم الليلة حصل شنو فجاءة😏 قال ليو ابدا ي حاج بس عايز اقضي معاهم شوية وقت لانو ح اسافر بعد اسبوعين وانا من جيت م لقيت فرصه اقعد معاهم؛
امو قالت ليو لي كدا ي ولدي طوالي بالحاله دي م بتخليينا نشبع منك 😢قال ليها والله ي حجه انتي عارفه ظرووف الشغل شنو ف م لازم اتاخر والا لو بيدي اساسا م ككنت رجعت هو ف زول بقدر على فراق الغاليه ست اللكل😉😍قالت ليو اي انت كل مرة اقعد قول لي كدا وسكتني قال ليها يعنني اعمل شنو بس م بيدي والله لكن وعد الاجازة الجاية ح اجي اقعد معاكم لحد م تزهجو مني وتطردوني قالت ليو طيب ي ولدي م مشكلة امشي وقلبي داعي ليك❤قال ليها م هو نحنا م عايزين غير دعائك ورضاك وقام باسها ف راسها.. قالت ليو طيب ي روح امك الليلة نفسك تتغدا شنو قال ليها اي شي من يدك انا باكلو بس انتي عارفه مشتهي البشميل بتاعك الزابط داك لو عملتيو بتكوني م قصرتي معاي تب 😴😍 قالت ليو ولا يهمك بتجي تلقى جاهز أن شاءالله 😊قال ليها ياخ م ننحرم ❤بعدها اخد اخوانو واتجهو على المدرسه ...الفكرة حقت مازن من انو يوصل اخوانو كان على امل يلمحني ان شاءالله من بعيد 😴بس دايما م كنا بنتصادف ي اما هم جو بدري وانا جيت بعدهم ي ااما انا جيت بدري وهم جو بعدي وهو زمنو خلاص بقى ضيق لانو ح يسافر بعد يومين وطول الأسبوع دا طبعا م اتكلمنا تاني 💔بس الموضوع كان شبهه عادي عشان كدا م كانت فارقه كتير 😊يلا هو م فقد الأمل ف انو يشوفني قبل م يرجع لحد م ف يوم حصل....
يتبع......
