ابو علي : يله يا ام علي اتاخرنه عاد
ام علي :كملت ياعيني بس غير دا انتظر بنتك تفضها🤦♀️
ابو علي :لججججججججج زينب فضيها عاد
زينب : اجيت بابا اجيت ها اها كملت مححح شبي باباتي الحلو عصب فديت العصبي اني
ابو علي :😂😂😂متجوزين من سوالفج يله امشوو هسه علي يضوج اذا اتاخرنه واليوم فرحته الچبيرة وحلم طفولته من بعد تعب
هاك القلم علي عرف عن نفسك عاد😒
علي:علكيفج شبيج عصبيه😂🤷♀️ اني علي من بغداد عايش ويا امي وابويه واختي الوحيدة طالبة سادس اسمها زينب حالتنه متوسطه الحمدلله ابويه مدرس وامي ربة بيت
طالب كليه عسكريه حلم الطفوله وبعد التعب
اليوم التخرج دورة ١٠٧❤️ومنتظر اهلي
فرحان فرح ماواسعتني الدنيا واخيراً تحقق حلمي
................................✨
زينب:يله بابا امشي اسرع شويه حتى ابو الستوته غلبنه😂😂😂هسه يضوج علي من وراك
ابو علي: غير اتاخرنه من وراج
زينب: بابا لازم اكون احله وحدة غير تخرج اخويه الوحيد وراح اصير اخت الملازم يااااااااااب😂😂😂بعد شيخلصكم
ام علي:عاد انتي چنتي ناقصه خبال وهسه كملت
ابو علي,ام علي,زينب:😂😂😂😂😂
وصلو
علي:شفت اهلي وجنت حيل فرحان بشوفتهم
جان يوم متعب وكلعادة كعدة من وكت بس
بس شفتهم نسيت كل التعب
صراحه هذا اليوم ما تعرف نفسك سعيد بالتخرج لو حزين ع الاصدقاء الي خلصنا عمر وياهم 3 سنوات مو شويه
❤️................................❤️
قبل بيوم من التخرج والعصر بالذات لبسنه قيافة التخرج والرتب
وطلعنه نتبختر بالكليه وناخذ صورونفتر على قاعات المستجد وناخذ وياهم صورونودعهم لانو باجر منكدر نشوفهم ونودعهم
ها والموسيقى والاغاني تارسه المكان والكل يسمع
ورى العشه اجو امر السريه وامري الفصائل
سلمو علينه وودعونه
بقينا تقريباً لل٣الصبح فاتحين الاغاني ونركص وفرحانين بالتخرج
ساعه ب٦الفجر الكل مغير ولابس قيافه الاستعراض
وبدو الاهالي يدخلون للكليه ها الكل يجي يعني دعوة عامه
طبعاً الكل مايشتهي يتريك
توجهنا ب٧ للمشاجب حتى نستلم اسلحه بعد استلام السلاح توجهنا للملعب ننتضر الوزير حتى نبدي الاستعراض
بالملعب تشوفوون الكل منتشر لو ويا اهله لو ويا اصدقائه وياخذون صور وفرحانين واغلب ضباط الدورات السابقه هم يحضرون التخرخ صارت ب٩ والوزير تاخر مااجه لل١٠ من اتاخر صار عدنه شويه ملل من الانتظار☹️
واخيراً صار وقت الاستعراض والكراديس تتهيء للدخول والجوق الموسيقي يعزف والاهالي ع المنصه اكو الهم اماكن خاصه
صار دخول الكراديس واستعراض طائرات بالجو ونزول المضليين
كملنه الاستعراض ووكفنه بمكانه الخاص حتى يكملون مراسيم تسليم الرايه بعد اكمال المراسيم همات مثل الدخوليه للملعب🌿
مااحجيلكم ورة ماطلعنه من الملعب نبجي وواحد يحضن الثاني موقف جداً صعب☹️ بعد توديع الاصدقاء هم نتوجه للمشاجب حتى نسلم السلاح ونسوي برائة ذمه بعدها نتوجه للقواطع مال المنام للسريه والاهالي كلهم موجودين هناك كل عائله تنتظر ابنها والهلاهل تارسه المكان والجكليت والورد بست ايد امي وراسها وابويه هم وزنوبه بست راسها اخر شي بقت برائة الذمه مال قيافه الاستعراض نسلمها ونخلص من الذمه كلها
لبسنه قيافه التخرج بعد ما سلمنه قيافه الاستعراض والدتي لبستني الرتبه واخذت صور وياهم وتوجهنا لخارج الكليه العسكريه وبعد اكمال كولشي رجعنا للبيت اني واهلي جنت فرحان طاير من الفرح 😍💪حققت حلم طفولتي وصرت ملازم علي😌✨واخذت النجمه⭐️ بتعبي
تعب ٣سنوات وشفت الفرحه والفخر البعيون امي وابويه ودموع الفرح وجانت اجازتنه بعد هذا اليوم ١٠ ايام
................⭐️
ولهنا نختم هل بارت☃️
يشعرني دائما انه اب ثانـي خلق لـي♥️👸🏻
أنت تقرأ
نجمي انت❤️
Lãng mạnسيدي انحني قليلا كي أسرق من عرق جبينك قبلة افخر بها طول حياتي ❤️ إنه نجمي ولا يُمكن للسماء أن تبدو جميلة بِلا نجُوم.❤️✨
