نجمي انت❤️

الجزء٨💚🍃

يومين واليوم الثالث ب١٠راسلني
صراحه انصدمت مو رد على الستوري لا هيج اجاني
علي:هلو رقيه شلونج
رقيه:تمام ع الله وانت؟
علي :الحمدلله بس شويه صاعدة الضوجه😂
رقيه:ليش شنو بيك
علي:باجر راح التحق ف قبل بيوم من الالتحاق تصعد الكأبه بعد انتي تدرين اكيد لانو ابوج عسكري
رقيه:ايي والنبي قبل بيوم كولش ضوجه واني كولش اضوج ☹️لانو بابا يروح
تدري احب الجيش موت بس اتمنا انو البجيش يضلون ميروحون للدوام😂
علي:😂😂😂خررب يومج ضحكتيني واني ضايج
جا شلون ب الجيش وكاعدين ب البيت
خبااال
رقيه:والله لعد اشتاق للبابا شلون😑🤦‍♀️😂
علي :لعد وراج ملازمي على كولتج شلون😂
رقيه :راح احبه كومه ف اتحمل 😌✌️فوديته😂
علي:ب العافيه عليه بعدة مااجه وهلكد تحبي لو اجه شلون
رقيه :لو اجه يمكن احطه بگلبي واقفل عليه😂😂😑حتى ميشرد مني لانو واثقه مراح يكدر يتحمل شخصيتي وعصبيتي النار☹️🤦‍♀️
علي:اذا يحبج صدكيني راح يتحمل اكثر من هيج مو بس عصبيتج
رقيه:ماادري حتلو جان يحبني اله طاقه تحمل خاف تخلص☹️😂
علي:😂🤦‍♀️لا ولج اذا يحبج يتحمل للابد
رقيه:والله ماادري هو وين اكو حب هل وكت لعب بلعب
مااعتقد ضل حب عفيف
علي:لا اكو بس المزعطه الخربو صورة الحب موجود بعدة وبعد اكو حب نقي بعد اكو شباب يحبون من گلبهم ونيتهم حلال
رقيه:ماادري ممجربه من قبل تعذرني😂😂
علي:😂😂😂 اني هم ممجرب بس متاكد اكو بعد
رقيه: يله سيدي روح نام باجر شيكعدك😂😂😂
علي:ايي والعباس هم صدوك اروح انام
((بگلبي/خرررب حظي جعل سيدي متطلع غير منج ))
رقيه:تصبح ع خير +احلام سعيدة
علي:وانتي من اهل الخير
رقيه:باي💚
علي:باي❤️
...................
رحت للدوام وصلت جانت الاجواء مو شي واكو اخبار انو الدواعش دا يخططون لهجوم
صدوك ثاني يوم صار هجوم
طبعاً جنود وضباط ابطال
تصدينا بس اني تصوبت وبراسي ورجلي
واخذوني للمستشفى ضليت ٣ايام رجلي اصابه سطحيه صرت تمام
بس راسي الدكتور كال كولش خطرة
٣ايام اني فاقد الوعي ب المستشفى
بس صحيت كتلهم مابيه شي طلعوني
الدكتور رفض
بس اني كتله على مسؤوليتي
اريد ارجع للدوام الوضع خطر وعندي جنود مااكدر اعيفهم
طلعني الدكتور بس كال اكو خطر ع حياتك وهستوك صاحي من غيبوبه تحتاج مراقبه
كتله الاعمار بيد الله
رجعت للدوام يوم واحد
وصار عندي اغماء
ورجعو نقلوني للمستشفى بس هل مرة ماكدرو يسوون شي المستشفى
بس كالو لازم يروح لبغداد باسرع وقت عسى ولعل هناك يكدرون يسوون شي
طبعاً من اغمى عليه لحد موصلنه لبغداد اني فاقد ماادري بشي
وصلنه لبغداد الضباط الوياي اهتمو بكولشي طبعاً اهلي ميدرون
بس لازم يسسولي عمليه ولازم اهلي موجودين
فخابرو ابويه
ملازم حسام :السلام عليكم حجي
ابو علي:وعليكم السلام بويه منو وياي
ملازم حسام :حجي اني ملازم حسام اداوم ويه ابدنك بس ردت اكولك ع...
ابو علي:شبي وليدي مروتك كولي
ملازم حسام:لتخاف حجي ملازم علي بطل ميصير بي شي
بس اصابه بسيطه وهسه احنه بمستشفى ببغداد
بلكت تجي توقع علمود عمليته
ابوعلي:جاي وليدي
ام علي:😭😭😭😭😭يبووو شبي وليدي
احجي ابو علي مروتك ماعندي غيرة
ابو علي:مابي شي بس اصابه بسيطه
زينب:😭😭😭😭يمه اخويه بابا احجي الصدوك شبي
ابو علي :ولكم يابشر مابي شي اصابه بسيطه وهذا صديقه خابرني وكالي جبي السويج مال السيارة بسرعه
ام علي:اجي وياك اريد اشوف وليدي بعيني
امشي بس بسرعه
ووصل ابو علي ووقع
ودخل علي لعمليه
ورة ساعتين طلع الدكتور
ابو علي:ها دكتور بشر
الدكتور:الحمدلله نجحت العمليه بس لازم يضل تحت المراقبه فد يوم ويكدر يطلع بعد
ابو علي:الف الحمدلله والشكر ياربي
..........
﮼النجوم،بديله،لملامحك،دائماً 💋✨