نجمي انت❤️

جزء٣💚🍃

المهم كعدت شويه اتصفح ب المواقع شفت ستوريات اصدقائي
ناشرين صور النه مال طلعت اليوم 😂بس غير اني احله واحد
وكملت تگليب ب الستوريات من ضمنهن ستوري رقيه ناشرة نص وجها سبحان الخلقها صدوك الضحكه تلوكلها انوب عدها شامه جوة الشفه تكتل😂😂👋 بشرتها بين الحنطاويه والبيضه هيج شي وتلبس عبايه يعني تنكرط 🤣ستورياتها عبارة عن اشياء اضحك
او مواقف صايرة وياها او طاقه ايجابيه
مستحيل تلكه شي حزين ايي ان كان سواء ستوري او منشور
المتابعين ملاتها يصيحولها (سعادة) وناس تصيحلها (رقيهستول)😂صدوك من اشوف ستورياتها اضحك من گلبي
يعني تستحق هل اللقب بجدارة الله يسترة عليها❤️
صارت ب١تعبت 😓ف نمت
كعدت الصبح ب ١٠ اجازة  ياب😂🌚
طلعت لسوك المخضر (ابو بيت عيوني😂🤦‍♀️)
جبت كم شغله للبيت واخذت حبشكلات من السوبر ماركت لزنوبه😻😂تخرب بذني الشغلات
فرحتها تفرحني
رجعت للبيت شويه  ندردش اني والحجاج
شويه واجت زينب من الدوام
بوجها ع الثلاجه بلا سلام ولا كلام😂هاي شنو الاشياء الحلوة اكيد الي
ياربي نوتيلا💃💃💃💃احبك علوش
علي:لج هاااا ام كرش دسلمي بلبدايه
زينب:عيفني ميته جوع 😂
ام علي:يله حبايب كمل الغدة هسه اصب
روحي بدلي زنوبه وتعالي ساعديني خلي نصب ابوج جاع
زينب:صارر هسه ثواني واجي
صبو واتغدينه
صدوك لمة الاهل راحه
علي:شنو رئيكم نروح سفرة وهم نزور للنجف
زينب:هلا باخويه هلا بزين
علي:انجبي انتي مناخذج ضلي اقري انتي سادس😂
زينب :ولا ماااااا وياكم اروح
ام علي :ايي والله صارلي هواي مزايرة داحي باب خيبر فدوة ل اسمه
ابوعلي :ايي وليدي نروح
علي :ماشي لعد باجر مادام جمعه نروح من الصبح وناخذ غدانه ويانه
زينب:💃💃💃💃💃هلا والله باجر اكعد من ٥😂
علي :هذا لو دوام كوة نجرج من الفراش
ابو علي ،ام علي،زينب:😂😂😂😂😂😂
ثاني يوم(الجمعه)💚🍃
رحنه للنجف طبعاً اني اعرف اسوق لذلك سقت بدال ابويه
وصلنه زرنه
من طبيت لحضرت علي😍❤️
جان دعائي (يارب بجاه علي اريد سعادة وراحه بالي الي ول اهلي
لان هم روحي من الدنيا )
زارو اهلي وطلعنه
اكو بستان ب الطريق نزلنه تغدينه بي والخبله زينب حتى ويه النخله اخذت صورة😂😂
علي :لج زينب شوفي هاي شسوين هنا👈🐄
زينب:عليييييييي😡😡😡😡😡هاي مرتك😂😂😂
علي:انجبي لتحجين ع مرتي😌احله منج اكيد
زينب:شمدريك احله مني لازم اكو شي ببالك
هاعلي هااا هااا هاا هسه اكول لامي
يمممممممه
ام علي :خيرج
زينب :يمه ابنج يحب
ام علي:هاي الساعه المباركه
وليدي دلينه ع اهلها نروح نخطبها
علي:لج زينب اليوم ذبحج ع ايدي😂😂يمه لا تخطبين ولا احب
بس هاي بتج جذابه ويني وين هل سوالف
ام علي:ليش يمه شاب وضابط والحمدلله مناقصك شي
علي:ايي يمه الحمدلله بس بعد مو هسه مامفكر بلموضوع
ام علي :براحتك يمه
علي :يله نروح حتى نوصل قبل الاذان
رجعنه للبيت وگبل نمنه من التعب😂خو زينب دخلت ب سبات
جنها دب
ثاني يوم عادي نفس الروتين وكذلك بقيه الايام
اروح للسوك الصبح والعصر لليل طلعه ويه اصدقائي
وبس
وهيج خلصت الاجازة
اليوم اخر يوم طلعت اشتريت تراك للنوم البسه هناك بدوام بليل
وحضرت ملابسي بليل وكويتهن
طبعاً اني معتمد ع روحي بشكل تام العسكريه هيج تعلم
يعني ملابسي واشيائي وكولشي اسوي لروحي
مااخلي امي او زنوبه يسوون شغلاتي
المهم كملت ورحت اريد انام شفت شكو ماكو ب الفون
ستوريات هواي مالي واهس اشوفهن كلهن واريد انام
بس صار عندي فضول اشوف ستوريات رقيه
شفتهن رايحه سفرة للعلويه شريفه عليها السلام تصور السما وصادفت هم ماطرة شويه الصبح
الصور التاخذهن كلهن عبارة عن طبيعه او سما
مبينه نقيه تسعدها الاشياء البسيطه
المهم نعست وباجر وراي غبشه نمت
كعدت الصبح طبعاً الوالد والوالدة كاعدين ع الصلاة
سلمت عليهم ووصيتهم يسلمولي ع زنوبه لان دب في سبات مستحيل تكعد هسه
.................💚🍃
﮼أختصرك﮼في﮼كلمتين ، ﮼حياه﮼و﮼حـُب﮼💘💘.