نجمي انت❤️

الجزء٤💚🍃

وصلت لدوامي بس الطريق تعب كولش واني لو اروح ويه صديقي لو عبريه مااخذ السيارة لانو تفيد ابويه هو رجال جبير ميكدر يروح مشي للمدرسه
..........💚
الساعه ٦:٣٠
رنننننننننننننننن
يبوووو اريد انام شبسرعه صار الصبح😭
هسه غير يجي الملازم والله اعيف الدوام😂👋
خلي اكوم قبل ليجي الخط
(هلاو بلمناسبه اني رقيه او سعادة او بت اللواء او رقيهستول 😂😂😂بكيفكم طالبه جهنم قصدي سادس ب مدرسه......الاهليه
شكلي عادي طولي ١٥٧😂 بشرتي حنطيه
عصبيه نار اتنرفز ع اتفه الاشياء 😊وهذا الشي مو حلو ومتعبني بس مو بيدي💔
دمعتي بطرف عيني يعني ام دميعه
بابا لواء ماما ربت بيت وعندي اخ واحد موظف مدني واخت طالبه ثالث متوسط )
كملت تبديل ومااتريك بس هيج اقنع اهلي حتى ميرزلوني
طبعاً بابا بلدوام مستحيل يمر يوم بدون ميدزلي صباح الخير
او يخابرني ومرات نفتح كامرة حتى يشوفني كولش يحبنه بابا دائماً يكول انتو نقطة ضعفي تخيلو للرابع اعدادي امي توديني وتجيبني للدوام وتضل وياي بلمدرسه يعني مترجع للبيت نروح سوة ونرجع سوة واختي ويانه😂👋
بعدين ب الخامس شويه احسن كام خالي يوديني ويجيبني بس ب السادس خلوني مدرسه اهلي ف اكو خط المدرسه يوديني ويجيبني من الباب للباب ف ارتاحو اهلي شويه
المهم اني متعلقه ب بابا كولش من يروح للدوام كولش اضوج وانقهر واضل انتضر تجي الاجازة واشوفه خو من يصير انذار ويتاخر اموت قهر
احساسي قوي كولش يعني من ينغزني كلبي اعرف بابا بي شي
او مريض لهذا اخاف من احساسي
المهم بهذا اليوم الصبح خابرني بابا
بابا:ها رقيه تريكتي
رقيه:طبعاً بابا 😂وكملت دا انتضر الخط
بابا:خوش بابا ديري بالج ع نفسج
رقيه:صار😘
بابا:باي
رقيه :باي
اجه الخط رحت للدوام
اول ماطبيت صحت هلاووووووووووووووووووووو
البنات هلاو اجت العصبيه
طبعاً اني معروفه بعصبيتي رغم انو اني طيبه ويه كل البشر بس عصبيه فوك المستوى الطبيعي واتنرفز بسرعه طبيعه ابد مو حلوة وتجرحني وتجرح العالم من اكون عصبيه احجي حجي يموت
بس الله بلاني بهل طبيعه مو بيدي مااكدر اتحكم ب اعصابي ابد
رقيه:ولجن شعدنه الدرس الاول
زهراء:انكلش
رقيه:يبوووووووووو والله مالي خلكه هذا من الصبح
بدة الدرس وروتين عادي سبع دروس وخلص ورجعت للبيت
رقيه:يممممممممممه
ام رقيه:ها شبيج
رقيه:غدة يمه جوعانه
ام رقيه:ليش ماسولكم غدة بلمدرسه
رقيه :سوو بس اريد بعد😅ليش تحرجيني
ام رقيه:لو ادري هل اكل وين يروح خوش😂
فاطمه(اختي الصغيرة):شبيج
رقيه:ياربي شهل اسئله الغبيه يعني شبي الجاي من الدوام اكيد جوعان وتعبان
فاطمه :شحجيت اني راح تاكليني مو صوجج صوجي اني اسألج
طبج وجع
رقيه:اروح ابدل واجي صبيلي غدة حبابه طمطومه💋موووح
فاطمه:هسه جنت غبيه شبسرعه صرت حبابه 😒
رقيه :لا حبيبتي دومج حبابه بس غير اني تعبانه ومعصبه من الدوام وين اكو مثلج اصلاً
فاطمه :خوش صبغ😂
رقيه :شعندي غيرج ياعيني😍😂اخرب واتكهرب ب الصاكه اني💋😂
فاطمه:دروحي بدلي فضيني راح اصبلج لتبجين
رقيه :اوك😂😂😂😂

رقيه:بوياي هاي شنو دولمه☹️😻😻اذوووووووب🤤

رقيه:الحمدلله كملت هجوم 😂
عاشت ايدج مامي
احبج 💋
ام رقيه:تحبين بطنج والله مو تحبيني😂
رقيه:يمه صح احب بطني بس مو عديمه احساس ترة
مليان احساس مليان اني😂😂😂
ام رقيه:دروحي نامي ام الاحساس حتى تكعدين ادرسين
رقيه :طردة بنزاكه صار عيني صار رايحه
نمت ساعتين كعدت درست التحاضير وكملت فتحت فوني شويه اتونس
طبعاً الانستا عشق 😍ادمان كولش متعودة عليه
منشوراتي عسكريه بحت كلها غزل للعسكري
ملازمي😍طبعاً اني كايله ماازوج الا ملازم
بوياي عشق هي بس الشخصيه عذاب
ولانو شفت بابا زوج مثالي
ضابط مثالي
اب مثالي
اخ مثالي
وابن مثالي
لهذا عشقت العسكر واصبحت امنيتي ازوج واحد مثل بابا
.................❤️
جمالك ماخذ الاول💙✨