نجمي انت❤️

الجزء٦💚🍃

رحنه طبعاً اني احب اقرة كتب هواي
ف دائماً من اطلع كتب بجنطتي وهتفوني
واروح عالم ثاني اصلاً مو يمهم ب السيارة
هل مرة الكتاب جان (جاري الكتابه ) ل علي نجم 🤤
دا اقرة بي بلطريق
فمن الافضل ان اردد احبك
لعلها في كل مرة تاتيك باحساس مختلف
ومع كل اختلاف تعرف قليلاً الى اي درجه احبك
احبك كثيراً❤️✨
هذا المقطع جنت دا اقرة بي
المهم وصلنه اني اعشق البساتين
بس اسلم على عمامي واخذ بت عمي واروح للبستان اضل افتر واركض ولازم مسويلي مرجوحه بين النخل اضل اتمرجح بيها واطيررررررررررر 😻✨اموت ب المرجوحه دائماً اكول اليريد احبه ماعليه بس يسويلي مرجوحه😍😂وتمرجت كومه وحتى ع النخله صعدت وكلسا اكول لبت عمي صوريني😂😂😂
اتونس كولش من اروح هناك
ومن نريد نروح يخابرني بابا ارجع
ونرجع لبيتنه
............✨
هاي مدري شبيها صدوك خبله
كتلها صح الملازم نفسه الملازم الثاني هي غير ناشرة المحادثه تريد نكول مو الصح
جاوبتني( ادري شكراً) شتحس هاي والله خبال
بس حتى غرورها ب فكاهة😂
اليوم ماكو هاي الخبله شعجب كل يوم الستوريات مالاتها قطار هسه صار العصر وهي ماكو
يابه اني شعليه😑شهل فضول
للمغرب نشرت ستوري رايحه لبيت جدها للحله بستان يجنن وماخذة صور للبستان والسما لو هي صاعدة ع النخله 😂قرودة
جنها دعبله طولها ب الخمسينات يعني متوصل لل١٦٠😂💔و ونشرت صورة لوجها سبحان الله تخطف الگلب هيج محبوبه وتدخل الگلب والضحكه اويلي ماادري ليش گلبي رف عليها ياربي اني ويني وين هل سوالف ويني وين الحب شدا يصير🤦‍♀️ ياربي
""""""""""""""""""
رقيه
ماادري ليش من انشر ستوري انتضر علي يشوفها واضل ادورة ب المشاهدات شدا يصير ماادري😂🤦‍♀️
بس هل مرة من نشر صورة طلعتي بلبستان ب الحله اول واحد شافهة حسيت روحي ارتاحيت 🙄
ياربي شدا يصير معقوله حبيته
لالا هل مغرور وين ينحب هذا فضول لو اعجاب او ايي شي بس مو حب

چان من يتاخر ميشوف الستوري اضل منتظرة كل شويه ادخل ع المشاهدات 😬
مرة نزلت ستوري سألت عن موضوع الوشم
ويصح او لا للعسكري سواء ضابط او جندي
كل فترة انزل سؤال عسكري احب اعرف كولشي
صراحه جنت اتمنا هو يجاوب 😬 ماادري ليش
وفعلاً لان سؤال عسكري جذبه الموضوع وجاوب
يبوووو كمت اكمز من الفرح 😂💃💃
بعدين كلت لازم اكون رلاكس حتى خاف عباله ميته عليه
لا عيني لا
لا گلبي لا
لالالا
😂😂😂😂
ضلينه نتناقش الكلام ويا يجنن واسلوبه دمار
مثلي دمه خفيف بس بثكل ماادري شلون بس مزيج يجنن☹️
ضلينه كومه نتناقش ب الامور العسكريه وسالفه اجر سالفه من ٩لل١
رقيه:عزة العزاني علي باجر عندي دوام وباع الساعه😭باجر لو يجي الحمزة مااكعد😂😂
علي: انتي مدوخه روحج بسوالف العساكر شكد تسألين لخاطر محمد😂🤦‍♀️
رقيه:احبهم اريد اعرف كولشي عنهم حتى من ازوج ملازمي كولشي اعرف😂
علي :خبال😂😂يله روحي انخمدي
رقيه:😂😂تصبح ع خير واسفه ع الازعاج دوختك
علي :لا عادي ايي استفسار اني موجود
وانتي من اهل الخير
رقيه:شكراً+باي
علي:ادللي+باي😂
............
علي
ياربي الحجي وياها ونسا وشعور حلو تمنيت متروح ولا نخلص حجي
صح ثكيل مع شويه ضحك وياها لانو مااحب احجي ويا البنات ويفكرن انو اني زاحف لو بحالهن خصوصاً بلمواقع مجرد تكون لطيف ويه بنت كبل الكل يفكرك زاحف
بس هاي غير اتمنا كل الوقت احجي ويها كولش افرح من احاجيها
بنيه نظيفه گلبها ابيض مثل الثلج وروحها روح طفله
حتى كلامها وشقاها واحلامها مثل الاطفال ولا كأنو مرة ب السادس وسنة التجي كلية😂
...............
‏ما كان قصدي أحبك غير قلبي عثر ، عثره عفيفه 💔💋